SAN MATEO 27:50 - Chatino Tataltepec

⁵⁰ Lo'o li' chaca tya quiya' cui̱i̱ tsa ngusi'ya Jesús; li' ngutu'u cresiya ji'i̱ yu, ngujuii yu.

SAN MATEO 27:50 Referans Kwoze

SAN JUAN 19:30

Lo'o cua nguxcui Jesús vino bi', li' nacui̱ yu: ―Cua ngua lcaa cha'. Li' ngua'ya tacui hique yu, ngujuii yu li'.

SAN LUCAS 23:46

Hora bi' cui̱i̱ tsa ngusi'ya Jesús: ―Sti na', qui'ya nu'u̱ cresiya 'na ―nacui̱ yu. Nu lo'o cua nchcui' yu cha' bi', hora ti ngujuii yu li'.

HEBREOS 9:14

Masi jua'a̱ ngua'ni ngu' cña nu ngua li', pana tlyu la cña nu ngua'ni Cristo juani, cha' ndyalú tañi ycui' yu lo'o ngujuii yu lo crusi cuentya ji'na. Xqui'ya Xtyi'i ycui' Ni, bi' cha' ngua ji'i̱ Cristo ta yu tyucui ña'a̱ ycui' ca yu, cha' sca ti quiya' cati̱ qui'ya nu ntsu'u ji'na lo'o ycui' Ndyosi; nu ycui' Cristo ni, ná ntsu'u qui'ya ji'i̱ yu tsiya' ti, bi' cha' taca cua'ni lubii Ni cresiya ji'na, nu lo'o tyi'u ti' na ñi'ya̱ nu ngua'ni Ni lo'o ndyalú tañi ycui' Ni. Li' cuityi̱ Ni lcaa cha' cuxi nu ndyu'ni ñu'u̱ tsa ji'na, jua'a̱ taca ji'na cua'ni na cña ji'i̱ ycui' Ndyosi nu lu'ú ca nde chalyuu li'.

SAN MARCOS 15:37

Cui̱i̱ ngusi'ya Jesús li', ngujuii li'.

SAN MATEO 20:28

Na' nu cua nda Ni 'na lijya̱a̱ cha' caca na' ñati̱, ná lijya̱ na' nde chalyuu cha' caja msu 'na; ycui' na' laca na' msu ji'i̱ ñati̱, bi' cha' lijya̱ na'. Na cua lijya̱ na' cha' cajaa na' cha' cati̱ qui'ya nu ntsu'u ji'i̱ ñati̱, cha' cua'ni lyaá na' ji'i̱ quiña'a̱ tsa ñati̱ li' ―nacui̱ Jesús ji'i̱ ngu'.

SAN JUAN 10:15

Ñi'ya̱ nslo Sti na' jna', jua'a̱ nslo na' ji'i̱ Sti na'; ñi'ya̱ ntsu'u cha' ji'i̱ Sti na' lo'o na', jua'a̱ ntsu'u cha' jna' lo'o ñati̱ jna'. Ycui' ca na' tyaja'a̱ na' caja̱a̱ cha' ná tye cresiya ji'i̱ ñati̱ 'na ―nacui̱ Jesús ji'i̱ ngu'―.

SAN JUAN 10:11

Tso'o tsa ña'a̱si̱i̱ na' ji'i̱ xlya' 'na. Ycui' ca na' tyaja'a̱ Na' caja̱a̱ cha' ná cajaa xlya' jna', cha' ntsu'u tsa tyiquee na' ña'a̱ na' ji'i̱ ngu' ―nacui̱―.

HEBREOS 2:14

Nu na, ñati̱ chalyuu na ni, sca ti cuaña' na, sca ti tañi na lo'o ngu' cusu' ji'na, jua'a̱ lo'o ngu' tya'a na. Ca ta'a na nu cua ngusñi na cha' ji'i̱ Jesús laca na ñati̱ chalyuu; bi' cha' lo'o nu Jesús bi' ngua yu ñati̱, cha' li' ngua ji'i̱ yu ngujuii yu cuentya ji'na. Sca ti jua'a̱ ngujui ñi'ya̱ tyiji̱loo yu ji'i̱ nu xña'a̱ nu nclyo cña nde ca bilyaa, su nti' nu xña'a̱ bi' cha' tsaa cresiya ji'i̱ lcaa ñati̱.

SAN MATEO 27:49

Lo'o xi xa' la ñati̱ nacui̱ ji'i̱: ―Jatya na si ca̱a̱ jyo'o Elías cha' cua'ni lyaá ji'i̱ yu ―nacui̱ ngu' bi'.

SAN JUAN 19:29

Nde jua ndu̱ sca te'í̱ vino tiye'. Li' ngujui'i̱ ngu' sca quiche ne' te'í̱ su ntsu'u vino bi', ña'a̱ cuayá' nu ngutsa' tso'o ti; ngusta ngu' quiche bi' si̱' chcua̱ cha, ngusicua̱ ngu' ji'i̱ quiche ña'a̱ cuayá' nu tyalaa ca su ntucua tu'ba Jesús.

HEBREOS 5:7

Nu lo'o tya ndi'i̱ Jesús lo yuu chalyuu, tyu̱u̱ tsa quiya' ngusi'ya tsa yu lo'o nchcui' yu lo'o ycui' Ndyosi Sti yu; lye tsa ngua ti' cresiya ji'i̱ yu lo'o ngüijña yu cha' ji'i̱ Ni, cha' nchca tsa ji'i̱ ycui' Ndyosi. Ngua ji'i̱ Ni cua'a ji'i̱ ñati̱ cha' ná cujuii ngu' ji'i̱ Jesús nquicha'; pana ndyuna Ni cha' nu nchcui' Jesús lo'o Ni, cha' ntaja'a̱ yu cua'ni yu lcaa cña nu nti' ycui' Ndyosi Sti yu.