SAN MATEO 27:48 - Chatino Tataltepec

⁴⁸ Hora ti ngusna tsaca ngu' bi' ndyaa qui'ya yu sca quiche, ngüicha' yu ji'i̱ lo'o hitya tiye'. Li' ngusca̱' ji'i̱ lo sca yaca cha' tyalaa su ntucua tu'ba Jesús cha' co'o yu.

SAN MATEO 27:48 Referans Kwoze

SAN LUCAS 23:36

Lo'o jua'a̱ ngu' sendaru bi', ngustí lo'o ngu' ji'i̱ yu ñaa ngu' cacua ti su ndu̱ crusi, cuati nda ngu' vino tiye' cha' co'o yu.

SAN MATEO 27:34

Li' nda ngu' vino nguixa' lo'o sca taná clyaa' cha' co'o Jesús; pana lo'o cua ndyi'o cuayá' xi ca ti, li' nga'aa ntaja'a̱ yu co'o yu ji'i̱ vino bi' tsiya' ti.

SAN MATEO 27:47

Lo'o ndyuna xi ngu' nu ndu̱ cacua ti cha' bi', li' nchcui' ngu' lo'o tya'a ngu': ―Nxi'ya yu re ji'i̱ jyo'o Elías ―nacui̱ ngu' bi'.

SAN MATEO 27:49

Lo'o xi xa' la ñati̱ nacui̱ ji'i̱: ―Jatya na si ca̱a̱ jyo'o Elías cha' cua'ni lyaá ji'i̱ yu ―nacui̱ ngu' bi'.

SAN MARCOS 15:36

Li' ngusna sca ñati̱ ndyaa ndyiqui'ya sca quiche; ngüicha' ngu' ji'i̱ quiche bi' lo'o vino tiye' li', ngusicua̱ ngu' ji'i̱ lo'o sca yaca quii cha' co'o Jesús. ―Jatya na xi ―nacui̱ nu ñati̱ bi'―, ña'a̱ na si ca̱a̱ jyo'o Elías cha' ta'ya ji'i̱ Jesús lo crusi.