SAN MATEO 27:32 - Chatino Tataltepec

³² Tyucui̱i̱ su ndyaa ngu', li' ndyacua tya'a ngu' lo'o sca nu qui'yu nu naa Simón; ngu' Cirene laca yu bi'. Lo'o li' ngulo sendaru cña ji'i̱ nu Simón bi', cha' qui'ya yu crusi bi' cuentya ji'i̱ Jesús.

SAN MATEO 27:32 Referans Kwoze

SAN MARCOS 15:21

Tyucui̱i̱ lo'o ndya'a̱ ngu', li' na'a̱ ngu' sendaru ji'i̱ Simón ngu' Cirene; sti Alejandro lo'o Rufo laca nu Simón bi'. Cua ñaa Simón ca su ndyaa cña ne' quixi̱', lo'o li' ngulo sendaru cña ji'i̱ cha' qui'ya crusi bi' cuentya ji'i̱ Jesús.

SAN LUCAS 23:26

Lo'o li' ndyaa ngu' sendaru, ndyaa lo'o ngu' ji'i̱ Jesús cha' cujui'i̱ ca'a̱ ngu' ji'i̱ lo crusi. Li' ndyacua tya'a ngu' sendaru lo'o sca ñati̱ nu naa Simón, nu lo'o ñaa yu ndyaa yu ne' quixi̱'; ngu' quichi̱ Cirene laca yu bi'. Lo'o li' ngulo ngu' cña ji'i̱ yu cha' tsaa lo'o yu ji'i̱ crusi cuentya ji'i̱ Jesús.

SAN MATEO 16:24

Li' ngulu'u la Jesús ji'i̱ nu ngu' nu ndyaca tsa'a̱ ji'i̱ bi': ―Si ntsu'u ñati̱ nu chañi cha' nti' ngu' tsaa ngu' lo'o na' ―nacui̱―, nga'a̱ cha' xtyanu ngu' bi' ji'i̱ lcaa cha' nu ntsu'u tsa tyiquee ngu' ji'i̱, cha' tya'a̱ ngu' lo'o na' lcaa tsa̱, masi cujuii ñati̱ ji'i̱ ngu' bi' xqui'ya na'.

LOS HECHOS 6:9

Pana ntsu'u ñati̱ nu lijya̱ ngutu'u nde xa' loyuu nu naa Cirene, lo'o ngu' quichi̱ Alejandría, lo'o ngu' Cilicia, lo'o ngu' Asia; ca ta'a ngu' ndya'a̱ ngu' ne' laa ji'i̱ ngu' libertades, su ndyu'u ti'i̱ ngu' nu ngua preso ji'i̱ ngu' tsubi' la. Li' nguxana ngu' bi' nxu̱u̱ tya'a tsa ngu' lo'o Esteban.

LOS HECHOS 2:10

ngu' Frigia, ngu' Panfilia, ngu' Egipto, ngu' Africa nu ndi'i̱ nde loo la ji'i̱ quichi̱ Cirene; lo'o jua'a̱ ngu' romano, lo'o ndi'i̱ ngu' bi' ca nde ―nacui̱ ngu' bi'―. Ntsu'u nu laca sñi' ngu' judío tya'a na, lo'o jua'a̱ ntsu'u xa' ngu' romano nu stu'ba ti ndyu'ni tlyu ji'i̱ ycui' Ni lo'o na.

LOS HECHOS 13:1

Nu taju ñati̱ ji'i̱ Jesucristo ca quichi̱ Antioquía bi' ni, laja ngu' bi' ntsu'u xi ngu' nu laca tu'ba ji'i̱ ycui' Ndyosi. La cui' jua'a̱ laja ngu' bi' tya ntsu'u la xa' tya'a ngu' nu tso'o tsa nclyu'u cha' ji'i̱ ycui' Ndyosi ji'i̱ tya'a ngu'; ngu' nu nclyu'u ji'i̱ tya'a ngu' ngua Bernabé, lo'o Simón nu ngata, lo'o Lucio Cirene, lo'o Saulo, lo'o Manaén. (Nu Manaén bi' ngua tya'a miña'a̱ Herodes nu laca gobernador ji'i̱ loyuu su cuentya Galilea.)

LOS HECHOS 11:20

Tiya' la li', ndyaa xi xa' la ñati̱ ji'i̱ Jesús ca quichi̱ Antioquía; ngu' ca tyi loyuu su cuentya Chipre lo'o jua'a̱ loyuu su cuentya Cirene laca ngu' bi'. Nchcui' ngu' bi' lo'o lcaa ngu' quichi̱, masi lo'o ngu' judío, masi lo'o xa' ñati̱; ngulu'u ngu' cha' tso'o ji'i̱ Jesucristo ji'i̱ lcaa ngu' quichi̱ bi'.

SAN JUAN 19:17

Li' ndaya' sendaru ji'i̱ Jesús, ndyaa lo'o ngu' ji'i̱ Jesús ca su cajaa yu. Ngüi'ya Jesús ji'i̱ crusi nu ji'i̱ ycui' ca yu, ndyaa yu li'. Ndyaa lo'o ngu' ji'i̱ yu nde su naa Gólgota cha'cña ji'i̱ ngu' judío, nu jua'a̱ nti' tyu'u cha'cña bi': Su nscua tyijya̱ hique jyo'o.

LOS HECHOS 7:58

Ntejeya' ngu' ji'i̱ nu Esteban bi', lo'o li' yala ntchaa ngutu'u ngu' ndyaa lo'o ngu' ji'i̱ yu nde to' quichi̱. Li' ngu̱ ngu' quee ji'i̱ yu cha' cujuii ngu' ji'i̱ yu, pana ngusta ngu' bi' ste' ngu' ca su ndu̱ sca yu cuañi' nu naa Saulo.

SAN MATEO 5:41

Jua'a̱ sca nu laca loo ni, si culo yu cña ji'i̱ ma̱ cha' tsaa lo'o ma̱ yu'ba ji'i̱ yu sca se'i̱, hora ti tsaa lo'o ma̱ yu'ba bi' ji'i̱; lo'o jua'a̱ tso'o masi tya tsaa lo'o ma̱ ji'i̱ ca tyijyu' la xi, si jua'a̱ nti' yu.