SAN MATEO 27:3 - Chatino Tataltepec

³ Lo'o nu Judas nu ndyujui' ji'i̱ Jesús ya' ngu' xña'a̱ bi' ni, na'a̱ yu cha' cua cujuii ti ngu' ji'i̱ Jesús; ngua xñi'i̱ ti' yu li'. Hora ti ndya yu nu calaa tyii cñi plata ji'i̱ ngu' nu laca loo bi' chaca quiya'.

SAN MATEO 27:3 Referans Kwoze

2 CORINTIOS 7:10

Nu lo'o ndube ti' na ji'i̱ ycui' Ndyosi laja lo'o nga'a̱ na xñi'i̱ ti' na, li' caja ñi'ya̱ xtyanu na ji'i̱ cha' cuxi nu ndyu'ni na; clyaá na ji'i̱ nu cuxi li', nga'aa ntsu'u cha' culacua tsa ti' na li'. Pana ñati̱ nu xñi'i̱ xi ti', nu ná ndube ti' ji'i̱ ycui' Ndyosi ni, ná ntaja'a̱ ñati̱ bi' ca tyuju'u ti' ji'i̱ qui'ya nu ntsu'u ji'i̱; chcuna' chalyuu ji'i̱ ngu' bi' jua'a̱ ti li'.

SAN JUAN 18:3

Bi' cha' ndyaa lo'o Judas ji'i̱ sca taju sendaru lo'o policía nu nda ngu' tlyu ji'i̱ ndyaa, la cui' sti jo'ó nu laca loo bi' lo'o ngu' fariseo. Lo'o xee lámpara, lo'o quii' quityee, lo'o chcua̱ cusu̱u̱ ntucua ya' ngu' ndyaa ngu'. Li' ndyaa lo'o Judas ji'i̱ ngu' bi' ca su ndi'i̱ yaca cuiñii bi'.

SAN JUAN 13:27

Lo'o ngusñi Judas ji'i̱ tyaja bi', la cui' hora bi' ndyatí̱ ycui' nu xña'a̱ nu naa Satanás, ndyaa ne' cresiya ji'i̱ nu Judas bi'. Li' nacui̱ Jesús ji'i̱: ―Yaa clya nu'u̱ lquichi̱ cua hi̱.

SAN JUAN 13:2

Laja li' cua ngua'ni nu xña'a̱ cha' ngua'ya cha' hique Judas sñi' Simón Iscariote cha' cujui' cresiya ji'i̱ Jesús ji'i̱ ngu' cuxi.

LOS HECHOS 1:18

Lo'o li' ndyaa jyo'o bi' ngüi'ya sca yuu lo'o caya' nu nda ngu' ji'i̱ yu cha' ngua'ni yu cha' cuxi, nu lo'o ndyujui' yu cresiya ji'i̱ Jesús ji'i̱ ngu' xña'a̱ bi'. Ycui' ca yu nguxtyú yu ji'i̱ yu lo yuu, ngutaa' ne' yu ndu'u tri se'i̱ yu, ngujuii yu li'.