SAN MATEO 27:26 - Chatino Tataltepec

²⁶ Li' ngua'ni lyaá Pilato ji'i̱ nu Barrabás bi', cuati ngujui'i̱ ngu' ji'i̱ Jesús lo'o reta. Li' ngulo nu Pilato bi' cña ji'i̱ ngu' sendaru cha' tsaa lo'o ngu' ji'i̱ Jesús cha' cujui'i̱ ca'a̱ ngu' ji'i̱ lo crusi.

SAN MATEO 27:26 Referans Kwoze

SAN JUAN 19:1

Li' ngulo Pilato cña cha' tyaa lo'o ngu' ji'i̱ Jesús, cha' ti'í tsa quiji'i̱ ngu' ji'i̱ yu lo'o juata.

SAN MARCOS 15:15

Lo'o li' ngua'ni lyaá Pilato ji'i̱ Barrabás cha' tyaala' tyiquee nu ngu' quiña'a̱ bi'. Lo'o lye ngujui'i̱ sendaru ji'i̱ Jesús lo'o reta, li' ngulo Pilato cña ji'i̱ sendaru cha' tyaa lo'o ngu' ji'i̱ Jesús cha' cujui'i̱ ca'a̱ ngu' ji'i̱ lo crusi.

SAN LUCAS 23:16

Xcube' na' xi ji'i̱ yu clyo, cuati culaá na' ji'i̱ yu li' ―nacui̱ Pilato ji'i̱ ngu'.

1 PEDRO 2:24

Ycui' Cristo laca nu sca ti quiya' ngujui'i̱ ca'a̱ ngu' ji'i̱ lo crusi cha' taca cuityi̱ Ni qui'ya nu ntsu'u ji'i̱ lcaa na, cha' clyaá na ji'i̱ qui'ya nu ntsu'u ji'na; bi' cha' cuentya ji'i̱ Cristo taca tyi'i̱ na chalyuu juani, cha' jua'a̱ tyaja'a̱ na cua'ni na xcui' cha' tso'o nu nti' ycui' nu Xu'na na cha' cua'ni na. Xqui'ya cha' nchcube' ycui' Cristo, bi' cha' ngua ti̱ cha' cuxi nu ntsu'u tyiquee na, ñi'ya̱ nti' lo'o ngua ti̱ cha' quicha na lo'o ndyaca tso'o na.

SAN MARCOS 10:34

Li' xtyí lo'o ngu' bi' 'na, tyu'u hitya sañi' ngu' bi' loo na', quiji'i̱ ngu' bi' 'na lo'o reta. Li' cujui'i̱ ca'a̱ ngu' bi' 'na lo crusi cha' cajaa na'. Pana lo'o tyu'u scua sna tsa̱, li' tyu'ú na' chaca quiya'.

SAN MATEO 20:19

Li' tsaa lo'o ngu' bi' 'na slo ngu' xa' tsu' nu laca loo, cha' xtyí lo'o ngu' bi' 'na. Lo'o jua'a̱ quiji'i̱ ngu' bi' 'na lo'o reta, cujui'i̱ ca'a̱ ngu' bi' 'na lo crusi li'. Pana, tsa̱ nchca tyuna, li' tyu'ú na' chaca quiya' ―nacui̱ Jesús.

SAN JUAN 19:16

Bi' cha' jua'a̱ ngua li'. Ngulo Pilato cña ji'i̱ sendaru cha' cujuii ngu' ji'i̱ Jesús, cha' cujui'i̱ ca'a̱ ngu' ji'i̱ yu lo crusi li'.