SAN MATEO 27:20 - Chatino Tataltepec

²⁰ Pana nu ngu' sti jo'ó nu laca loo lo'o ngu' cusu' bi', cua nchcui' tsa ngu' bi' lo'o nu quiña'a̱ tsa ñati̱ bi', cha' jña ngu' chacuayá' ji'i̱ Pilato cha' culaá yu ji'i̱ Barrabás nu ntsu'u ne' chcua̱ bi', cha' li' cujuii Pilato ji'i̱ Jesús.

SAN MATEO 27:20 Referans Kwoze

SAN JUAN 18:40

Cui̱i̱ ngusi'ya lo'o ngu' ji'i̱ chaca quiya': ―Si'i ji'i̱ yu jua nti' ya. Ji'i̱ Barrabás cua'ni lyaá nu'u̱ ―nacui̱ ngu'. Lo'o nu naa Barrabás ni, si'i ñati̱ tso'o laca bi'; tyaala tsa Barrabás, la cui' ñati̱ cuaana laca.

SAN MARCOS 15:11

Pana ndijña ngu' quiña'a̱ ji'i̱ Pilato cha' cua'ni lyaá ji'i̱ Barrabás, si'i ji'i̱ Jesús. Na cua nchcui' nu ngu' quiña'a̱ bi' lo'o Pilato cha' clyaá ji'i̱ Barrabás, xqui'ya cha' la cui' sti jo'ó nu laca loo cua nchcui' tsa lo'o ngu' cha' jua'a̱ jña ngu' cha' ji'i̱ Pilato.

SAN MATEO 27:21

Li' xa' nchcuane gobernador bi' ji'i̱ ngu' chaca quiya': ―¿Ti ji'i̱ cua'ni lyaá na' lacua? ―nacui̱ nu Pilato bi'. ―Ji'i̱ Barrabás ―nacui̱ ngu' quiña'a̱ li'.

LOS HECHOS 18:4

Ndyaa Pablo ne' laa ji'i̱ ngu' judío lcaa tsa̱ ta'a nu ndi'i̱ cña' ngu', cha' culu'u yu cha' ji'i̱ Jesús ji'i̱ ngu' nu ndyu'u ti'i̱ li', masi ji'i̱ ngu' judío, masi ji'i̱ ngu' xa' tsu'.