SAN MATEO 27:19 - Chatino Tataltepec

¹⁹ Tya nga'a̱ lcaa ñati̱ bi' slo Pilato, lo'o jua'a̱ tya ntucua ycui' yu lo yaca xlya cña su ndu'ni cuayá' yu ji'i̱ ñati̱. Li' ndyalaa sca msu slo yu, ya̱a̱ lo'o sca cha' nu cua nchcui' clyo'o Pilato bi': “Ná sca cha' cua'ni nu'u̱ lo'o nu qui'yu nu lubii tyiquee jua”, nacui̱ nu cuna'a̱ bi' ji'i̱ Pilato. “Lye tsa ngua ti' na' tyucui talya cuentya ji'i̱ yu bi'. Cua nchcui' tsa xcalá na' xqui'ya yu bi'.”

SAN MATEO 27:19 Referans Kwoze

SAN MATEO 27:24

Li' na'a̱ Pilato cha' tyaala tsa ndi'i̱ loo ngu', cha' ñasi̱' tsa ngu'; jua'a̱ ná ntaja'a̱ ngu' cuna ngu' cha' nu nchcui' yu lo'o ngu' tsiya' ti. Bi' cha' ngulo yu cña cha' ca̱a̱ lo'o msu ji'i̱ sca tsi'yu ntsu'u hitya. Li' ndyaati̱ ya' yu slo lcaa ñati̱. ―Lubii tyanu ya' na', cha' si'i cha' jna' cajaa yu nu lubii tyiquee re ―nacui̱ Pilato ji'i̱ ngu'―, cha' ji'i̱ cu'ma̱ laca cha' bi'.

1 PEDRO 2:22

Ná ntsu'u ni sca qui'ya ji'i̱ nu Cristo bi', ni sca cha' cuiñi ná nchcui' yu;

SAN JUAN 19:13

Lo'o ndyuna Pilato ñi'ya̱ nacui̱ ngu' judío bi', li' ndu'u yu ndyaa tucua yu ca su ndu'ni cuayá' yu ji'i̱ ngu'. Li' ngulo yu cña cha' ca̱a̱ lo'o ngu' ji'i̱ Jesús ca su ntucua yu, la cui' se'i̱ su ntsiya quee cuaja' nu ngua naa Gabata cha'cña ji'i̱ ngu' judío.

SAN LUCAS 23:47

Lo'o na'a̱ nu capitán ji'i̱ sendaru romano ñi'ya̱ ngua cha' bi', li' ngua'ni tlyu ji'i̱ ycui' Ndyosi. Ndi'ya̱ nchcui' li': ―Chañi cha' ná ntsu'u qui'ya ji'i̱ jyo'o re tsiya' ti ―nacui̱ nu capitán ji'i̱ sendaru bi'.

1 JUAN 2:1

Ñi'ya̱ nti' na' ña'a̱a̱ ji'i̱ sñi' na', jua'a̱ nti' na' ña'a̱a̱ ji'i̱ cu'ma̱, cha' tyaca'a tsa ma̱ 'na; bi' cha' nscua na' quityi re cha' ca̱a̱ ca slo cu'ma̱, cha' ná nti' na' cha' sta ycui' Ndyosi qui'ya ji'i̱ ma̱. Pana si ntsu'u cha' sta Ni qui'ya ji'na lo'o cua ngusñi na cha' ji'i̱ Jesucristo, la cui' Jesucristo laca nu cua nchcube' yu cña loo na. Sca ñati̱ nu lubii tsa laca nu Jesucristo bi'.

SAN MATEO 27:4

―Ntsu'u qui'ya 'na ―nacui̱ Judas bi' ji'i̱ ngu' nu laca loo―, cha' cua ndyujui' na' ji'i̱ sca ñati̱ lubii ji'i̱ ma̱, cha' cujuii ma̱ ji'i̱ ―nacui̱. Li' nguxacui̱ ngu' nu laca loo bi' cha' ji'i̱ Judas: ―¿Ha cha' ji'i̱ cua laca cha' bi'? ―nacui̱ ngu' nu laca loo bi'―. Si ntsu'u qui'ya jinu'u̱, cha' jinu'u̱ laca bi'.

SAN MATEO 2:22

Lo'o li' ndyuna yu cha' sñi' jyo'o Herodes laca loo nde Judea, la cui' sñi' yu nu naa Arquelao laca bi'; ndyutsi̱i̱ xi José xqui'ya cha' bi'. Li' xa' nchcui' xcalá yu ñi'ya̱ cua'ni yu, bi' cha' ndyaa ngu' nde loyuu su naa Galilea li'.

SAN MATEO 2:19

Ca tiya' la li' ngujuii rey Herodes bi', lo'o li' ndu'u tucua sca xca̱ ji'i̱ ycui' Ndyosi slo José laja xcalá ti yu, cha' tya ndi'i̱ José ca loyuu su cuentya Egipto:

SAN MATEO 1:20

Laja lo'o nclyacua ti' yu ni cha' laca ngua jua'a̱, li' ndu'u tucua sca xca̱ ji'i̱ ycui' Ndyosi slo yu laja xcalá yu. Nchcui' xca̱ bi' lo'o yu li': ―José ―nacui̱ xca̱ ji'i̱ yu―, ñati̱ tya'a ji'i̱ jyo'o David laca nu'u̱ ―nacui̱―. Ná cutsi̱i̱ nu'u̱ caja clyo'o lo'o Mariá, cha' ca̱a̱ cho' toni'i̱ jinu'u̱. Si'i na cuxi ngua'ni María bi' tsiya' ti; cña nu ngua'ni Xtyi'i ycui' Ndyosi laca cha' ntsu'u sñi' Mariá juani.

SAN LUCAS 23:41

Liñi tsa ntsu'u cha' nchcube' ngu' ji'na, cha' bi' laca caya' ji'i̱ cha' cuxi nu ngua'ni na; pana nu ñati̱ re ni, ná ntsu'u cha' cuxi nu ngua'ni yu.

SAN MATEO 27:18

Jlo ti' nu Pilato bi', cha' liye' tsa ti' ngu' nu laca loo bi' ña'a̱ ngu' ji'i̱ Jesús, bi' cha' cua ngusu'ba ngu' ji'i̱ ne' chcua̱.

LOS HECHOS 12:21

Li' ngusta Herodes sca tsa̱ cha' tyu'u ti'i̱ ngu' sca se'i̱ ti. Ndyacu' Herodes lcaa late' tso'o nu ntsu'u ji'i̱ cha' laca rey, ndyaa ntucua lo yaca xlya tso'o su ntyucua ycui' rey, cha' ta sca cui̱i̱ lo'o ngu' nu lo'o ndyu'u ti'i̱ ngu' slo. Li' nguxana rey nda cui̱i̱ lo'o ngu' bi'.

LOS HECHOS 18:12

Lo'o li' ngua Galión gobernador ji'i̱ loyuu su cuentya Acaya bi'; tyempo bi' ndyu'u ti'i̱ tyu̱u̱ tya'a ngu' judío se'i̱ ti cha' xu̱u̱ tya'a ngu' lo'o Pablo, masi tya'a ngu' judío laca yu. Li' ngusñi ngu' bi' ji'i̱ yu cha' tsaa lo'o ngu' ji'i̱ yu ca slo ngu' tisiya;

LOS HECHOS 18:16

Lo'o li' ngulo gobernador cña cha' culo ngu' ji'i̱ ngu' judío nde liya'.

LOS HECHOS 18:17

Li' hora ti ndaya' lcaa ngu' quichi̱ bi' ji'i̱ nu cusu' Sóstenes, cha' laca nu cusu' bi' loo ne' laa ji'i̱ ngu' judío. Ti'í tsa ngujui'i̱ ngu' ji'i̱ nu cusu' bi' ca slo gobernador Galión; pana nu Galión bi' ni, ná ndube ti' bi' tsiya' ti.

LOS HECHOS 25:6

Nguti'i̱ nu cusu' Festo snu' tsa̱, masi tii tsa̱ nguti'i̱ yu ca Jerusalén, li' nguxtyu̱u̱ yu ndyaa yu nde Cesarea chaca quiya'. Ca chaca tsa̱ ntucua Festo lo yaca xlya tso'o ca su ntucua ycui' gobernador nu lo'o ndyu'u ti'i̱ ngu' cha' ca cuayá' ji'i̱ ngu'. Li' ngulo yu cña ji'i̱ ngu' cha' ca̱a̱ lo'o ngu' ji'i̱ Pablo ca slo yu.

LOS HECHOS 25:10

―Ca nde laca su ndu'ni cuaya' ma̱ ji'na cuentya ji'i̱ rey ji'i̱ ngu' romano nu laca loo la ―nacui̱ Pablo ji'i̱ nu cusu' bi'―, ca nde ca cuayá' jna' lo'o nu'u̱ lacua ―nacui̱―. Jlo tso'o ti' nu'u̱ cha' ni sca cha' cuxi ná ngua'ni na' cuentya ji'i̱ ngu' judío tya'a na'.

LOS HECHOS 25:17

Ndyalaa ngu' ca nde slo na' li'. Lo'o ngua chaca tsa̱, hora ti ntucua na' lo yaca xlya tso'o ca su ntucua gobernador nu lo'o ndu'ni cuayá' na' ji'i̱ ñati̱. Li' ngulo na' cña cha' ca̱a̱ lo'o ngu' ji'i̱ nu qui'yu bi'.