SAN MATEO 27:17 - Chatino Tataltepec

¹⁷ Lo'o jua'a̱ ngua cha' quiña'a̱ tsa ngu' judío ndyu'u ti'i̱ ngu' to' ni'i̱ ji'i̱ gobierno, li' nchcuane Pilato bi' ji'i̱ ngu': ―¿Ti ji'i̱ nti' ma̱ cha' cua'ni lyaá na' ji'i̱ juani? ¿Ha tso'o clyaá Barrabás, o tso'o la clyaá Jesús nu ndu'ni ma̱ Cristo ji'i̱? ―nacui̱ Pilato ji'i̱ ngu'.

SAN MATEO 27:17 Referans Kwoze

SAN JUAN 19:15

Lye tsa nchcui' ngu' judío lo'o Pilato li': ―¡Yaa lo'o ma̱ ji'i̱ yu! ¡Yaa lo'o ma̱ ji'i̱ yu! Cujuii clya ma̱ ji'i̱ yu lo crusi. ―¿Ha nti' ma̱ cha' cujuii ya ji'i̱ rey nu laca loo ji'i̱ ma̱? ―nacui̱ Pilato ji'i̱ ngu'. ―Nga'aa ntsu'u chaca rey nu laca loo ji'na ―nguxacui̱ ngu' ji'i̱―. Sca ti César laca loo ji'na.

SAN MATEO 1:16

Lo'o li' sñi' jyo'o Jacob bi' ngua José nu ngua clyo'o María xtya'a̱ Jesús, lo'o jua'a̱ Cristo naa Jesús bi'.

SAN MATEO 27:16

La cui' tyempo bi', ntsu'u sca nu qui'yu nu naa Barrabás ne' chcua̱, sca ñati̱ nu ntsu'u tsa qui'ya ji'i̱ ngua yu bi'.

SAN MATEO 27:18

Jlo ti' nu Pilato bi', cha' liye' tsa ti' ngu' nu laca loo bi' ña'a̱ ngu' ji'i̱ Jesús, bi' cha' cua ngusu'ba ngu' ji'i̱ ne' chcua̱.

SAN JUAN 4:25

Lo'o li' nguxtyacui nu cuna'a̱ bi' cha' lo'o Jesús chaca quiya': ―Nda na' cuentya cha' cua ca̱a̱ ti sca ñati̱ tlyu nu ta ycui' Ndyosi ji'i̱ cha' ca̱a̱ chalyuu, nu caca naa Cristo ―nacui̱―. Lo'o ca̱a̱ yu bi', li' culu'u liñi yu lcaa cha' tucui ji'na.