SAN MATEO 27:14 - Chatino Tataltepec

¹⁴ Pana ná nguxacui̱ Jesús cha' ji'i̱ ngu' tsiya' ti; ni sca cha' ná nchcui', bi' cha' ndube tsa ti' nu Pilato bi' ña'a̱ yu ji'i̱.

SAN MATEO 27:14 Referans Kwoze

1 CORINTIOS 4:9

Nti' na' cha' cua nguxtyanu ycui' Ndyosi ji'i̱ cuare, masi clyo ngulo Ni cña ji'i̱ ya cha' tsaa ya tyijyu' cha' chcui' ya cha' ji'i̱ Ni; pana nu juani tyanu chu̱' la ya ji'i̱ lcaa ngu' tya'a na, ñi'ya̱ laca preso nu tyiquee' ntajatya cha' cujuii ngu' ji'i̱. Cua laca ya sca cuxe', masi ña'a̱ ñati̱ chalyuu ji'i̱ ya, masi xca̱ nu ntsu'u ji'i̱ ycui' Ndyosi nde cua̱ ña'a̱ ji'i̱ ya.

SAN MATEO 26:63

Ni sca cha' nu nchcui' sti jo'ó, ná nguxacui̱ Jesús ji'i̱ tsiya' ti. Li' ngulo sti jo'ó bi' cña ji'i̱ yu: ―Chacuayá' ji'i̱ ycui' Ndyosi nu lu'ú ca nclyo na' cña re jinu'u̱ juani: Cacha' clya nu'u̱ ji'i̱ cua si chañi cha' laca nu'u̱ Cristo, nu sca ti Sñi' ycui' Ndyosi.

SAN MATEO 27:12

Lo'o li' nu ngu' sti jo'ó nu laca loo lo'o ngu' cusu' bi', ngusta ngu' qui'ya ji'i̱ Jesús; pana ni sca cha' ná nguxacui̱ Jesús ji'i̱ ngu' bi'.

SAN MATEO 27:13

Li' xa' nchcui' Pilato lo'o Jesús: ―¿Ha ná nduna nu'u̱ cha' cuxi nu nchcui' ngu' jinu'u̱? ―nacui̱ nu laca loo bi' ji'i̱ Jesús.

SAN MARCOS 15:5

Nga'aa nchcui' Jesús lo'o ngu' tsiya' ti, lo'o ndube tsa ti' Pilato li'.

SAN LUCAS 23:9

Quiña'a̱ tsa cha' nchcuane yu ji'i̱ Jesús li', pana ná nguxacui̱ Jesús cha' ji'i̱ yu tsiya' ti.

SAN JUAN 19:9

Xa' nguxtyu̱u̱ Pilato ndyaa nde ni'i̱ ji'i̱, nchcuane ji'i̱ Jesús: ―¿Macala ngutu'u nu'u̱ lijya̱? Ná nguxacui̱ Jesús cha' ji'i̱ tsiya' ti li'.