SAN MATEO 27:1 - Chatino Tataltepec

¹ Lo'o nguxee chaca tsa̱, xa' ndyu'u ti'i̱ lcaa sti jo'ó nu laca loo lo'o lcaa ngu' cusu' ji'i̱ ngu' judío, cha' cua'ni stu'ba ngu' cha' lo'o tya'a ngu', ñi'ya̱ taca cujuii ngu' bi' ji'i̱ Jesús.

SAN MATEO 27:1 Referans Kwoze

SAN MARCOS 15:1

Lo'o nguxee chaca tsa̱ tya ndi'i̱ sti jo'ó nu laca loo, lo'o ngu' cusu', lo'o mstru cha' jo'ó, ndi'i̱ lcaa ngu' tisiya cha' chcui' ngu' lo'o tya'a ngu' ji'i̱ cha' bi'. Li' ngusca̱' ngu' ji'i̱ Jesús, ndyaa lo'o ngu' ji'i̱ slo Pilato nu ngua gobernador romano cha' caca cuayá' ji'i̱. Nchcuane Pilato ji'i̱ Jesús li':

SAN JUAN 18:28

Li' ngutu'u ngu' slo Caifás, ndyaa lo'o ngu' ji'i̱ Jesús ca su ndi'i̱ nu gobernador romano nu naa Pilato. Cua cuxee ti ndyaca li', bi' cha' ná ntaja'a̱ nu ngu' judío bi' tyatí̱ ngu' ne' ni'i̱ ji'i̱ gobernador; tacati tsa ndu'ni ngu' bi' xqui'ya ta'a. Ngua ti' ngu' cha' quiñu'u̱ cha' ji'i̱ ngu' si tyatí̱ ngu' ne' ni'i̱ ji'i̱ ngu' xa' tsu', cha' ná ntsu'u chacuayá' cacu ngu' si̱i̱ ta'a bi' li';

SAN LUCAS 22:66

Lo'o nguxee, li' ndyu'u ti'i̱ ngu' cusu' ji'i̱ ngu' judío, lo'o ngu' sti jo'ó nu laca loo, lo'o ngu' mstru cha' jo'ó; ndyaa lo'o ngu' ji'i̱ Jesús nde loo ña'a̱ taju ngu' tisiya bi'. Ca bi' nguxana ngu' ndacha' ngu' ji'i̱ yu:

SAN MATEO 23:13

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Na ndacu̱' ma̱ tyucui̱i̱ ji'i̱ ngu', cha' ná caca tyatí̱ ngu' cha' ji'i̱ ycui' Ndyosi, cha' ná caca ycui' Ni loo ne' cresiya ji'i̱ ngu'. Ni ycui' ma̱, ná caca tyatí̱ ma̱ cha' bi', lo'o jua'a̱ ná nda ma̱ chacuayá' cha' tyatí̱ xa' la ñati̱ cha' bi'.

LOS HECHOS 5:21

Ndaquiya' ngu' bi' ji'i̱ cha' nu nchcui' xca̱ bi' lo'o ngu'; bi' cha' lo'o nguxee, li' ndyatí̱ ngu' bi' ndyaa ngu' ne' laa tonu cha' culu'u ngu' cha' bi' ji'i̱ ñati̱ nu ndi'i̱ ca bi'. Li' ndyaa xu'na sti jo'ó lo'o ngu' tya'a ndya'a̱ yu, ngulo yu cña cha' tyu'u ti'i̱ lcaa ngu' cusu', lcaa nu laca loo ji'i̱ ngu' Israel. Cuati ngulo yu cña cha' tsaa ngu', tsaa culo ngu' ji'i̱ ngu' nu ntsu'u ne' chcua̱ bi', cha' tya̱a̱ ngu' bi' slo yu.

SAN LUCAS 13:1

La cui' tyempo bi' ndi'i̱ xi ñati̱ ca su ndu̱ Jesús. Ndacha' ngu' bi' ji'i̱ yu li', ñi'ya̱ ngua lo'o ndyujuii gobernador Pilato ji'i̱ tyu̱u̱ tya'a ngu' Galilea. Laja lo'o ndyu'ni tacati nu ngu' Galilea bi' ne' laa, nu lo'o ndyujuii ngu' na'ni nu caca msta̱ ji'i̱ ycui' Ndyosi, li' ndyujuii sendaru nu ji'i̱ nu Pilato bi' ji'i̱ ngu' bi', nacui̱ ngu'.