SAN MATEO 26:75 - Chatino Tataltepec

⁷⁵ Lo'o li' ndyi'u ti' Pedro cha' nu nchcui' Jesús lo'o yu tya tsa̱ la, nu lo'o ndi'ya̱ nacui̱ Jesús ji'i̱ yu: “Nu lo'o bilya xi'ya ndye'e talya juani, sna quiya' chcui' nu'u̱ lo'o ñati̱ cha' ná nslo nu'u̱ 'na”. Jua'a̱ nacui̱ Jesús tsa̱ la, bi' cha' ndu'u Pedro ndyaa yu li'; nxi'ya tsa yu ndyaa yu cha' xñi'i̱ tsa ti' yu li'.

SAN MATEO 26:75 Referans Kwoze

SAN MATEO 26:34

Li' nguxacui̱ Jesús cha' ji'i̱ Pedro bi': ―Cha' liñi cacha' na' jinu'u̱ juani ―nacui̱―, cha' nu lo'o bilya xi'ya ndye'e talya ndyi, sna quiya' chcui' nu'u̱ cha' ná nslo nu'u̱ 'na; jua'a̱ ñacui̱ nu'u̱ ji'i̱ ngu'.

SAN JUAN 13:38

―¿Ha chañi hi̱ cha' tyaja'a̱ nu'u̱ cajaa cha' clyaá na'? ―nacui̱ Jesús ji'i̱―. Liñi tsa cha' nu ta na' lo'o nu'u̱ juani: Lo'o tya lyiji ti xi'ya ndye'e nde tlya, sna quiya' xacui̱ nu'u̱ cha' ji'i̱ ngu' cha' ná nslo nu'u̱ 'na.

GÁLATAS 6:1

Cu'ma̱ ngu' tya'a na, ndi'ya̱ nga'a̱ cha' cua'ni ma̱ lo'o ña'a̱ ma̱ cha' ngua cuxi cresiya ji'i̱ sca ngu' tya'a ngusñi ma̱ cha' ji'i̱ ycui' Ndyosi, xqui'ya cha' ngua'ni yu sca cha' cuxi: nga'a̱ cha' xtyucua ma̱ xi ji'i̱ yu bi', cha' cati̱ qui'ya nu ntsu'u ji'i̱ yu, cha' tucuá yu cña ji'i̱ Cristo chaca quiya', cha' tya'a ntsu'u cha' ji'i̱ ma̱ lo'o Xtyi'i ycui' Ndyosi laca yu. Tsa tso'o ti chcui' ma̱ lo'o yu bi'. Lo'o jua'a̱ tii ti ti' ma̱ tyi'i̱ ycui' ca ma̱ cha' ná cua'ni ma̱ la cui' cha' cuxi ñi'ya̱ nu ngua'ni yu bi'.

1 PEDRO 1:5

Cua ngusñi ma̱ cha' ji'i̱ ycui' Ndyosi, bi' cha' ndu̱ Ni cua̱ ji'i̱ ma̱ juani cha' ña'a̱si̱i̱ Ni ji'i̱ ma̱. Ná ntsu'u ni sca na nu nguula la juersa ji'i̱, nu taca ji'i̱ tyiji̱loo ji'i̱ ycui' Ndyosi; cua'a Ni ji'i̱ ma̱ ji'i̱ nu cuxi, cha' cua'ni lyaá Ni ji'i̱ ma̱ lo'o tye chalyuu re, cha' cua ndyaa Ni ngua'ni cho'o Ni su tyi'i̱ ma̱ ca slo ycui' Ndyosi.

1 CORINTIOS 4:7

¿Ni cha' laca cha' ndulo tsa cha' ji'i̱ ycui' ma̱ cuentya ji'i̱ ma̱, pana ná ndube ti' ma̱ ji'i̱ xa' ñati̱? Ycui' Ndyosi cua nda lcaa na nu ntsu'u ji'i̱ ma̱, lcaa cña nu nchca ji'i̱ ma̱; bi' cha' lacua ná ntsu'u cha' cua'ni tyucuaa ti' ma̱ ji'i̱ tya'a ma̱. Si'i xqui'ya cña nu ndyu'ni ycui' ma̱ ngutsa'a̱ chalyuu ji'i̱ ma̱, xqui'ya ycui' Ndyosi cua laca ma̱ ñi'ya̱ nu laca ma̱ juani.

SAN MATEO 10:33

Lo'o jua'a̱ lcaa ngu' nu nchcui' lo'o xa' ñati̱ cha' ná ntsu'u cha' ji'i̱ ngu' lo'o na', jua'a̱ na', chcui' na' lo'o Sti na' nu ntucua nde cua̱ cha' si'i tya'a tso'o na' laca ñati̱ bi'.

SAN MATEO 26:74

Li' chaca quiya' lye tsa nchcui' Pedro cha' xcube' ycui' Ni ji'i̱ yu si cha' cuiñi laca nu nda yu. ―Ná nslo na' ji'i̱ nu qui'yu jua tsiya' ti ―nacui̱ Pedro ji'i̱ ngu'. Hora ti ngusi'ya ndye'e li'.