SAN MATEO 26:74 - Chatino Tataltepec

⁷⁴ Li' chaca quiya' lye tsa nchcui' Pedro cha' xcube' ycui' Ni ji'i̱ yu si cha' cuiñi laca nu nda yu. ―Ná nslo na' ji'i̱ nu qui'yu jua tsiya' ti ―nacui̱ Pedro ji'i̱ ngu'. Hora ti ngusi'ya ndye'e li'.

SAN MATEO 26:74 Referans Kwoze

APOCALIPSIS 3:19

Lcaa ñati̱ nu tyaca'a tsa 'na, ndaca'a na' xi ji'i̱ ngu', nchcube' na' xi ji'i̱ ngu'. Cua'ni clya ma̱ lacua, cha' culochu̱' ma̱ cha' cuxi nu ndyu'ni ma̱.

1 CORINTIOS 16:22

Chaca tya cha' chcui' na' lo'o ma̱ juani: Si ntsu'u ngu' tya'a ndyu'u ti'i̱ ma̱ nu ná liñi cha' tso'o ntsu'u tyiquee ngu' ña'a̱ ngu' ji'i̱ ycui' nu Xu'na na, xtyanu ti'i̱ ma̱ ji'i̱ ngu' li', cha' xcube' ycui' Ndyosi ji'i̱. ¡Tya̱a̱ nu'u̱, Xu'na, ca su ndi'i̱ ya!

SAN JUAN 18:27

Xa' nchcui' Pedro cha' ná lo'o ndyaa, lo'o la cui' hora li' ngusi'ya ndye'e.

SAN MATEO 10:28

Ná cutsi̱i̱ ma̱ ji'i̱ ngu' nu cujuii ji'i̱ ma̱ nde chalyuu ti, cha' ná nchca ji'i̱ ngu' cujuii ngu' ji'i̱ cresiya ji'i̱ ma̱; tso'o la si cutsi̱i̱ ma̱ ji'i̱ ycui' Ndyosi nu cua'ni cuayá' ji'i̱ ma̱ nde loo la. Cutsi̱i̱ ma̱ ji'i̱ ycui' Ndyosi tu'ni, xqui'ya cha' cua'ni Ni cha' tye cha' ji'i̱ ma̱ tsiya' ti si tsaa ma̱ ca bilyaa.

ROMANOS 9:3

tyucui tyiquee na' tyaja'a̱ na' cha' masi tyanu yabe' nu ntsu'u ji'i̱ ngu' bi' hichu̱' ycui' ca na', masi nga'aa ña'a̱ Cristo jna' tsiya' ti nti' na', si jua'a̱ ti taca cua'ni lyaá Ni ji'i̱ ngu' tya'a quichi̱ tyi na' bi'.

SAN LUCAS 22:60

―Chocue ―nacui̱ Pedro li'―, ná jlo ti' na' ni cha' nchcui' nu'u̱. La cui' hora nu lo'o tya ndu̱ Pedro nchcui', li' ngusi'ya sca ndye'e.

SAN MARCOS 14:68

―Si'i na' ―nacui̱ Pedro―. Ná jlo ti' na'. Ná nchca cuayá' ti' na' ni cha' nchcui' nu'u̱ ―nacui̱ Pedro ji'i̱ nu cuna'a̱ bi'. Li' ndu'u Pedro ndyaa to' lo'o ti. Nxi'ya ndye'e li'.

SAN MARCOS 14:30

―Chañi cha' nu nchcui' na' lo'o nu'u̱ ―nacui̱ Jesús ji'i̱ Pedro―. Ca ndyi sna quiya' chcui' nu'u̱ lo'o ñati̱ cha' ná nslo nu'u̱ 'na. Jua'a̱ cha' ta nu'u̱ lo'o ñati̱ nu lo'o bilya xi'ya ndye'e tucua quiya' talya ndyi.

SAN MATEO 27:25

―Tso'o ―nacui̱ nu ngu' quiña'a̱ bi'―, tyanu qui'ya hichu̱' ya, lcaa ya lo'o sñi' ya; pana ntsu'u cha' cajaa yu re.

SAN MATEO 26:34

Li' nguxacui̱ Jesús cha' ji'i̱ Pedro bi': ―Cha' liñi cacha' na' jinu'u̱ juani ―nacui̱―, cha' nu lo'o bilya xi'ya ndye'e talya ndyi, sna quiya' chcui' nu'u̱ cha' ná nslo nu'u̱ 'na; jua'a̱ ñacui̱ nu'u̱ ji'i̱ ngu'.

SAN MATEO 26:73

Ca tiya' la xi ñaa xi xa' la ñati̱ nu nga'a̱ ndacua ti, nchcui' ngu' lo'o Pedro li': ―Chañi cha' tya'a ndya'a̱ nu'u̱ lo'o nu qui'yu jua ―nacui̱ ngu' ji'i̱―, cha' stu'ba ti ndañi cha' nu nchcui' nu'u̱ lo'o cha' nu nchcui' tya'a quichi̱ tyi yu jua.

SAN MATEO 26:75

Lo'o li' ndyi'u ti' Pedro cha' nu nchcui' Jesús lo'o yu tya tsa̱ la, nu lo'o ndi'ya̱ nacui̱ Jesús ji'i̱ yu: “Nu lo'o bilya xi'ya ndye'e talya juani, sna quiya' chcui' nu'u̱ lo'o ñati̱ cha' ná nslo nu'u̱ 'na”. Jua'a̱ nacui̱ Jesús tsa̱ la, bi' cha' ndu'u Pedro ndyaa yu li'; nxi'ya tsa yu ndyaa yu cha' xñi'i̱ tsa ti' yu li'.