SAN MATEO 26:69 - Chatino Tataltepec

⁶⁹ Lo'o nu Pedro bi' ni, nde liya' ti nga'a̱ yu bi'. Li' ñaa sca nu cuna'a̱ cua' slo yu. ―Lo'o nu'u̱ ndya'a̱ stu'ba ti lo'o Jesús nu ngu' Galilea jua ―nacui̱ nu cuna'a̱ bi' ji'i̱ Pedro.

SAN MATEO 26:69 Referans Kwoze

SAN MATEO 26:71

Li' ndatsu' Pedro, ndyaa ndyatu̱ cacua ti to' lo'o bi'. Lo'o li' na'a̱ chaca nu cuna'a̱ cua' ji'i̱ yu, nchcui' nu cuna'a̱ bi' lo'o ngu' nu ndu̱ cacua ti: ―Stu'ba ti ndya'a̱ nu qui'yu re lo'o Jesús Nazaret jua ―nacui̱ nu cuna'a̱ bi' li'.

LOS HECHOS 5:37

Chaca quiya' ndyalaa sca ngu' Galilea tyempo lo'o nguscua ngu' nu laca cña xtañi ngu' quichi̱, jyo'o Judas ngua bi'. Ngusi'yana jyo'o Judas bi' ji'i̱ tyu̱u̱ tya'a ñati̱ cha' tyu'u lca'a̱ ngu' ji'i̱ yu, cha' xu̱u̱ tya'a ngu' lo'o ngu' sendaru. Lo'o li' ñi'ya̱ nu ngua ji'i̱ Teudas bi', jua'a̱ ngua lo'o Judas bi', cha' ndyujuii ñati̱ ji'i̱ yu. Ndye cha' ji'i̱ yu jua'a̱ ti li', ngusna lcaa ngu' tya'a ndya'a̱ yu.

SAN JUAN 7:52

―¿Ha la cui' ngu' Galilea laca nu'u̱ lacua? ―nacui̱ tya'a fariseo ji'i̱ Nicodemo li'―. Lo quityi ji'i̱ ycui' Ndyosi nu nscua sa'ni ña'a̱ nu'u̱ xi, cha' caca cuayá' la ti' nu'u̱ cha' si'i nde Galilea tyu'u ñati̱ nu culu'u cha' ji'i̱ ycui' Ndyosi ji'na.

SAN JUAN 7:41

Lo'o jua'a̱ nchcui' xi xa' la ngu' cha' ji'i̱ yu: ―Yu jua laca nu ñati̱ tlyu nu nda ycui' Ndyosi ji'i̱ cha' ca̱a̱ ―nacui̱ ngu'. Li' nguxtyacui xa' la ngu' quichi̱ cha' lo'o tya'a ngu': ―Pana si'i nde Galilea tyu'u nu ñati̱ tlyu bi', si'i jua'a̱ caca.

SAN JUAN 1:46

―¿Ha tso'o quichi̱ bi'? ―nacui̱ Natanael―. ¿Ha ntsu'u ñati̱ tso'o nde quichi̱ Nazaret bi'? ―Yaa na'a̱ nu'u̱ xi ji'i̱ lacua ―nacui̱ Felipe.

SAN MATEO 26:58

Lo'o nu Pedro bi' ni, tyijyu' ti ndu'u lca'a̱ yu chu̱' ngu' bi', hasta ña'a̱ cuayá' nu ndyalaa ngu' ca to' lo'o ji'i̱ xu'na sti jo'ó bi'. Li' ndyatí̱ Pedro ne' lo'o, stu'ba ti ngua'a̱ yu lo'o ngu' policia, cha' nti' yu ña'a̱ yu ñi'ya̱ caca lo'o cua'ni tye ngu' cha' ji'i̱ Jesús.

SAN MATEO 26:3

La cui' tyempo nu nchcui' Jesús, li' ndyu'u ti'i̱ tyu̱u̱ tya'a sti jo'ó nu laca loo lo'o mstru cha' jo'ó lo'o ngu' cusu' ji'i̱ ngu' judío; ndyu'u ti'i̱ ngu' slo Caifás nu laca xu'na lcaa sti jo'ó jua.

SAN MATEO 21:11

Li' nguxacui̱ nu quiña'a̱ tsa ñati̱ bi' cha' ji'i̱ ngu' quichi̱ bi': ―Jesús Nazaret laca nu nde. Loyuu su cuentya Galilea laca quichi̱ tyi yu. Tu'ba ji'i̱ ycui' Ndyosi laca yu re ―nacui̱ ngu'.

SAN MATEO 26:70

Li' cui̱i̱ nguxacui̱ Pedro cha' ji'i̱ nu cuna'a̱ ña'a̱ cuayá' nu cuna lcaa ngu': ―Ná nchca cuayá' ti' na' cha' nu nchcui' nu'u̱ ―nacui̱ Pedro ji'i̱.