SAN MATEO 26:67 - Chatino Tataltepec

⁶⁷ Li' ngutu'u hitya sañi' ngu' loo Jesús, ngujui'i̱ ngu' ndacu̱' ji'i̱; jua'a̱ ntsu'u xa' la ngu' nu ngujui'i̱ ya' saca' Jesús.

SAN MATEO 26:67 Referans Kwoze

SAN JUAN 18:22

Lo'o nchcui' Jesús jua'a̱, li' ngujui'i̱ ya' sca policía tu'ba yu: ―Ná tso'o xacui̱ nu'u̱ cha' jua'a̱ ji'i̱ sti jo'ó nu laca loo ―nacui̱ policia li'.

SAN MATEO 27:30

Li' ndu'u hitya sañi' ngu' loo Jesús; ngusñi ngu' yaca quii bi', ngujui'i̱ ngu' hique Jesús lo'o yaca quii bi' li'.

SAN MARCOS 14:65

Li' nguxana ngu' ndyu'ni lya' ti' ngu' ji'i̱ Jesús; ngutu'u hitya sañi' ngu' loo yu, jua'a̱ ndyiji'i̱ ngu' ji'i̱ laja lo'o ndyacu̱' loo yu lo'o sca late'. ―Juani ni, cua'ni nu'u̱ cha' ca tii nu'u̱ ―nacui̱ ngu' ji'i̱ Jesús li'―, cacha' nu'u̱ ji'i̱ ya, ¿tilaca laca nu ngujui'i̱ hi̱? Lo'o nu ngu' nu ndu̱ cua̱ bi', ngujui'i̱ ngu' ndacu̱' ji'i̱ yu li'.

SAN MATEO 5:39

Pana, quiña'a̱ la cha' chcui' na' lo'o ma̱ juani, cha' nga'aa xu̱u̱ tya'a ma̱ lo'o ñati̱ nu ngua'ni cha' cuxi lo'o ma̱. Lo'o quiji'i̱ ya' ngu' loo ma̱ la'a tsu' cui̱, li' ta ma̱ chacuayá' quiji'i̱ ngu' chaca tsu' loo ma̱, si nti' ngu'.

HEBREOS 12:2

Xcui' culacua ti' na ñi'ya̱ ngua'ni Jesús; lcaa cha' nu jlya ti' na ni, Jesús laca su̱u̱ lcaa cha' bi'; si jua'a̱, taca jlya ti' na ji'i̱ Ni ña'a̱ cuayá' nu tye chalyuu. Nu ycui' Jesús ni, ná nguta'a̱chu̱' yu ji'i̱ cña nu nga'a̱ cha' cua'ni yu, masi cua jlo ti' yu cha' cua cajaa ti yu lo crusi. Pana tiya' la li', nu lo'o cua ntiji̱loo yu ji'i̱ nu cuxi, tso'o tsa ntsu'u tyiquee yu li'; bi' cha' ná ngua tyuju'u ti' yu tsiya' ti, masi nguxcube' ngu' ji'i̱ yu lo crusi. Lo'o juani cua ndyaa tucua Jesús nde la'a tsu' cui̱ su tlyu ca su ntucua ycui' Ndyosi Sti na.

SAN JUAN 19:3

Li' lu'ba ti, lu'ba ti ndyaa ngu' slo yu cha' chcuicha' ngu' ji'i̱ yu; na cuiñi ti ngu' cha' ndyu'ni chi̱ ngu' loo yu. ―Tso'o ti tyi'i̱ nu'u̱, cusu', cha' nu'u̱ laca rey nu laca loo ji'i̱ ngu' judío ―ndu'ni ngu' ji'i̱ Jesús li'. Lo'o li' ngujui'i̱ ya' ngu' loo Jesús.

SAN MARCOS 15:19

Nguxana ngu' ngujui'i̱ ngu' yaca quii hique Jesús li'. Lye ngutu'u hitya sañi' ngu' loo yu. Li' ndyatu̱ sti̱' ngu' slo yu, ñi'ya̱ si cua'ni tlyu ngu' ji'i̱ yu, masi cha' cuiñi ti.

1 CORINTIOS 4:13

Masi chiya'a̱ tsa nchcui' ngu' lo'o ya, ndalo tyiquee ya ji'i̱ ngu' li', nxaala' ya cha' ji'i̱ ngu'. Masi juani ña'a̱ ti tya ndyu'ni cuxi ñati̱ lo'o cua, ñi'ya̱ si laca ya nana' nu ndyanu lo hitya yuu; ñi'ya̱ nti' sca nguti nu nchcua̱a̱ ngu', jua'a̱ laca ya cha' ná ntsu'u cuentya ya tsiya' ti, ndu'ni ngu' lo'o tya'a ngu'.

SAN MARCOS 10:34

Li' xtyí lo'o ngu' bi' 'na, tyu'u hitya sañi' ngu' bi' loo na', quiji'i̱ ngu' bi' 'na lo'o reta. Li' cujui'i̱ ca'a̱ ngu' bi' 'na lo crusi cha' cajaa na'. Pana lo'o tyu'u scua sna tsa̱, li' tyu'ú na' chaca quiya'.

SAN MATEO 26:68

Li' nacui̱ ngu' bi': ―Nacui̱ nu'u̱ cha' Cristo laca nu'u̱ nu nda Ni ji'i̱ lijya̱ chalyuu. Tso'o lacua. Cacha' liñi nu'u̱ ji'i̱ ya, ¿ni naa yu nu ngujui'i̱ jinu'u̱, si chañi cha' tii nu'u̱? ―nacui̱ ngu' bi' ji'i̱ Jesús.