SAN MATEO 26:65 - Chatino Tataltepec65 Lo'o li' nu xu'na sti jo'ó bi' ni, ycui' ca yu ngusaa' ste' yu cha' ñasi̱' tsa yu. ―Cuiñi tsa yu re, cha' suba' nchcui' yu re ji'i̱ ycui' Ndyosi ―nacui̱ sti jo'ó bi' ji'i̱ lcaa tya'a ngu' nu laca loo li'―. Nga'aa nti' na cha' sta xa' la ñati̱ qui'ya ji'i̱ yu re. Cua ndyuna na cha' suba' tonu tsa nu nchcui' yu re, nu lo'o nacui̱ yu cha' Sñi' ycui' Ndyosi laca yu. Gade chapit la |
SAN MATEO 26:65
12 Referans Kwoze
Li' nguxtyacui nu ngu' judío bi' cha' lo'o Jesús: ―Ná cujuii ya jinu'u̱ lo'o quee xqui'ya sca cña tso'o nu ngua'ni nu'u̱ ―nacui̱ ngu'―, xqui'ya cha' cuxi nu nchcui' nu'u̱ ji'i̱ ycui' Ndyosi, bi' cha' cu̱ ya quee jinu'u̱. Sñi' ñati̱ chalyuu ti laca nu'u̱, pana ndu'ni nu'u̱ cha' laca nu'u̱ ycui' Ndyosi.
Ñati̱ nu ndya'a̱ tyijyu' nchcui' cha' ji'i̱ Jesucristo laca Pablo lo'o Bernabé ni, bi' cha' ngua xñi'i̱ tsa ti' tyucuaa ngu' lo'o nda ngu' cuentya ñi'ya̱ nu ndyu'ni ngu' quichi̱ bi'. Li' ngusaa' ycui' ca ngu' ste' ngu', cha' caca cuayá' ti' ngu' quichi̱ cha' ná tso'o cña nu ndyu'ni ngu'. Li' ngusna Pablo lo'o Bernabé ndyaa ngu' lcaa laja ñati̱ quiña'a̱ bi', cui̱i̱ tsa ngusi'ya lo'o ngu' ji'i̱ ngu' quichi̱ bi':
Li' ngulacua tsa ti' ngu' mstru cha' jo'ó lo'o ngu' fariseo: “¿Tilaca laca nu qui'yu re? ¿Ni cha' laca re? Cuxi tsa nchcui' yu cha' ji'i̱ ycui' Ndyosi lo'o nchcui' yu jua'a̱”, nclyacua ti' ngu'. “Ná taca ji'i̱ sca ñati̱ chalyuu ñi'ya̱ nti' yu re, ná taca cua'ni clyu ti' ji'i̱ qui'ya nu ntsu'u ji'i̱ ñati̱; sca ti ycui' Ndyosi taca ji'i̱ Ni cuityi̱ Ni qui'ya nu ntsu'u ji'i̱ ñati̱.” Jua'a̱ nclyacua ti' ngu'.
Piblisite