SAN MATEO 26:63 - Chatino Tataltepec

⁶³ Ni sca cha' nu nchcui' sti jo'ó, ná nguxacui̱ Jesús ji'i̱ tsiya' ti. Li' ngulo sti jo'ó bi' cña ji'i̱ yu: ―Chacuayá' ji'i̱ ycui' Ndyosi nu lu'ú ca nclyo na' cña re jinu'u̱ juani: Cacha' clya nu'u̱ ji'i̱ cua si chañi cha' laca nu'u̱ Cristo, nu sca ti Sñi' ycui' Ndyosi.

SAN MATEO 26:63 Referans Kwoze

SAN MATEO 16:16

Hora ti nguxacui̱ Simón Pedro cha' ji'i̱ Jesús li': ―Cristo laca nu'u̱ ―nacui̱―. Sñi' ycui' Ndyosi nu lu'ú ca laca nu'u̱.

SAN MATEO 27:12

Lo'o li' nu ngu' sti jo'ó nu laca loo lo'o ngu' cusu' bi', ngusta ngu' qui'ya ji'i̱ Jesús; pana ni sca cha' ná nguxacui̱ Jesús ji'i̱ ngu' bi'.

SAN JUAN 20:31

Cha' nu nscua lo quityi re ni, nscua bi' cha' taca jlya ti' ma̱ cha' Jesús laca Cristo nu cua nda ycui' Ndyosi ji'i̱ lijya̱ chalyuu, cha' taca xñi ma̱ cha' ji'i̱ Jesús, cha' laca yu nu sca ti Sñi' ycui' Ndyosi. Li' caja chalyuu tso'o nu ná nga'a̱ cha' tye ji'i̱ ma̱ chacuayá' ji'i̱ ycui' Jesús.

SAN JUAN 19:9

Xa' nguxtyu̱u̱ Pilato ndyaa nde ni'i̱ ji'i̱, nchcuane ji'i̱ Jesús: ―¿Macala ngutu'u nu'u̱ lijya̱? Ná nguxacui̱ Jesús cha' ji'i̱ tsiya' ti li'.

SAN JUAN 19:7

Li' nguxacui̱ ngu' judío cha' ji'i̱ Pilato bi': ―Ntsu'u sca cha' ji'i̱ cuare ―nacui̱ ngu'―. Cuentya ji'i̱ ya ntsu'u qui'ya ji'i̱ yu, cha' nacui̱ yu cha' laca yu nu sca ti Sñi' ycui' Ndyosi; xqui'ya cha' bi' ntsu'u cha' cajaa yu.

SAN JUAN 18:37

―¿Ha laca nu'u̱ rey lacua? ―nacui̱ Pilato. Li' nguxtyacui Jesús cha' lo'o nu cusu' bi' chaca quiya': ―Nu'u̱ nacui̱ cha' laca na' rey. Cña nu ntsu'u 'na laca cha' chcui' liñi na' ji'i̱ lcaa cha' nu ntsu'u slo ycui' Ndyosi lo'o ngu'; bi' cha' ngula na' chalyuu, bi' cha' lijya̱ na' lo yuu cha' chcui' liñi na' lcaa cha' ji'i̱ ycui' Ndyosi lo'o ñati̱. Cuna ngu' lcaa cha' nu nchcui' na' si ná ndyacu̱' hique ngu' ji'i̱ cha' liñi bi'.

SAN JUAN 10:36

¿Ni cha' laca ngusta cu'ma̱ qui'ya jna' slo ycui' Ndyosi lo'o nacui̱ ma̱ cha' nchcui' na' cha' cuxi ji'i̱ ycui' Ni? ―nacui̱ Jesús―. Cua ngusubi Sti na' jna', nda Ni 'na lijya̱a̱ nde chalyuu. ¿Ni cha' laca ná tso'o nti' ma̱ cha' nacui̱ na' cha' nu sca ti Sñi' ycui' Ndyosi laca na'?

SAN JUAN 10:30

Lo'o jua'a̱ stu'ba ntsu'u cha' ji'i̱ ycui' Ndyosi Sti na' lo'o na' ―nacui̱ Jesús.

SAN JUAN 10:24

Li' ndyu'u ti'i̱ tyu̱u̱ tya'a ngu' judío slo Jesús, nchcuane ngu' ji'i̱ yu: ―¿Ni jacua' chcui' liñi nu'u̱ lo'o cua, cha' caca cuayá' ti' ya si nu'u̱ laca nu ñati̱ tlyu nu ta ycui' Ndyosi ji'i̱ ca̱a̱? ―nacui̱ ngu' ji'i̱ Jesús―. Ná talo ya si ná cacha' nu'u̱ lcaa cha' ji'i̱ cua. Tso'o si chcui' liñi nu'u̱ juani.

SAN JUAN 8:25

―¿Tilaca laca nu'u̱ lacua? ―nacui̱ ngu' ji'i̱ Jesús li'. ―Tya tsubi' ni na' ji'i̱ ma̱ tilaca laca na' ―nacui̱ Jesús li'―.

SAN JUAN 6:69

Jlya ti' ya jinu'u̱. Cua jlo ti' ya cha' ycui' Ndyosi laca nu cua ngusubi jinu'u̱, cha' sca ti nu'u̱ nu chañi cha' laca nu'u̱ Sñi' ycui' Ndyosi nu lijya̱ chalyuu.

SAN JUAN 1:49

―Mstru ―nacui̱ Natanael―, chañi cha' nu'u̱ laca nu sca ti Sñi' ycui' Ndyosi, nu'u̱ laca Rey nu laca loo ji'i̱ ngu' Israel.

SAN JUAN 1:34

Ycui' ti na' cua na'a̱ na' ji'i̱ cha' bi'. Chañi cha' nu nchcui' na' lo'o cu'ma̱, cha' yu bi' laca nu sca ti Sñi' ycui' Ndyosi; na cua ngusubi Ni ji'i̱ yu bi'.

SAN MARCOS 14:61

Ti̱ ti ndu̱ Jesús, ni sca cha' ná nguxacui̱ yu tsiya' ti. Bi' cha' xa' nchcuane sti jo'ó nu laca loo la ji'i̱ yu li': ―¿Ha chañi cha' Cristo laca nu'u̱? ―nacui̱―. ¿Ha nu'u̱ laca nu sca ti Sñi' ycui' Ndyosi nu ndu'ni tlyu na ji'i̱? ―nacui̱ sti jo'ó bi' ji'i̱ Jesús.

SAN MATEO 27:54

Lo'o nu sendaru nu nga'a̱ cua̱ ji'i̱ Jesús bi', lo'o nu capitán ji'i̱ sendaru bi', ngulacua tsa ti' ngu' bi' li'; tlyu tsa cha' ndyutsi̱i̱ ti' ngujui ji'i̱ ngu' bi' lo'o na'a̱ ngu' ñi'ya̱ ngua cha' bi', ñi'ya̱ ngua lo'o ngulacui̱ chalyuu. ―Chañi tsa cha' Sñi' ycui' Ndyosi laca jyo'o re ―nacui̱ nu ngu' sendaru bi'.

SAN MATEO 27:43

Ndu̱ ti' yu ji'i̱ ycui' Ndyosi cha' xtyucua Ni ji'i̱ yu, nacui̱ yu. Tso'o la si cua'ni lyaá ycui' Ndyosi ji'i̱ yu juani, si chañi cha' tyaca'a yu ji'i̱ Ni; “Sñi' ycui' Ndyosi laca na'”, ndu'ni yu re.

SAN MATEO 27:40

―Nu'u̱ laca nu cuityi̱ ji'i̱ laa tonu bi' nacui̱ nu'u̱, lo'o li' nacui̱ nu'u̱ cha' cuiñá nu'u̱ ji'i̱ chaca quiya' chu̱' sna tsa̱ ti, ngua ti' nu'u̱. Cua'ni lyaá nu'u̱ ji'i̱ ycui' ca lacua ―nacui̱ ngu' bi' ji'i̱ Jesús―. Si chañi cha' nu sca ti Sñi' ycui' Ndyosi laca nu'u̱, cua'ya clya nu'u̱ lo crusi cua juani ―nacui̱ ngu'.

SAN MATEO 27:14

Pana ná nguxacui̱ Jesús cha' ji'i̱ ngu' tsiya' ti; ni sca cha' ná nchcui', bi' cha' ndube tsa ti' nu Pilato bi' ña'a̱ yu ji'i̱.

1 PEDRO 2:23

masi nchcui' ngu' cha' suba' lo'o yu, ni sca cha' tyaala ná nguxacui̱ yu ji'i̱ ngu'; nguxcube' tsa ngu' ji'i̱ yu, pana ná ngua ñasi̱' yu ji'i̱ ngu' li'. Sca ti lo'o ycui' Ndyosi Sti yu nchcui' yu ji'i̱ cha' cuxi nu ndyu'ni ngu' lo'o, cha' sca ti ycui' Ni laca nu xcui' liñi ndu'ni cuaya' ji'i̱ ñati̱.

SAN MATEO 4:3

Lo'o li' ndyu'u tucua nu xu'na cuiñaja bi', cha' chcui' cuayá' lo'o Jesús: ―Si chañi cha' nu'u̱ laca nu sca ti Sñi' ycui' Ndyosi ―nacui̱ nu xña'a̱ bi' ji'i̱ Jesús―, xñi nu'u̱ sca quee re lacua, cha' jua'a̱ cuiñá nu'u̱ xlyá lo'o quee re cha' cacu na.

SAN MATEO 26:62

Li' ndyatu̱ xu'na sti jo'ó, nchcui' yu lo'o Jesús: ―¿Ni cha' ngusta ngu' qui'ya re jinu'u̱? ―nacui̱ sti jo'ó bi'―. ¿Ni cha' ná nxacui̱ nu'u̱ ni sca cha' ji'i̱ ya?

2 CORINTIOS 1:19

cha' nu Jesucristo bi', nu sca ti Sñi' ycui' Ndyosi ni, si'i tucua cha' ntsu'u tyiquee Ni. Cua nchcui' ya cha' ji'i̱ Ni su ndi'i̱ cu'ma̱, lo'o na', lo'o Silvano, lo'o Timoteo, nchcui' cua cha' ji'i̱ Ni. Ná chcui' Ni cha' si'i jua'a̱ laca sca cha' si cua nchcui' Ni tsaca quiya' cha' jua'a̱ laca cha' bi'. Sca ti Cristo laca nu chañi cha' nchcui' Ni cha' liñi,