SAN MATEO 26:58 - Chatino Tataltepec

⁵⁸ Lo'o nu Pedro bi' ni, tyijyu' ti ndu'u lca'a̱ yu chu̱' ngu' bi', hasta ña'a̱ cuayá' nu ndyalaa ngu' ca to' lo'o ji'i̱ xu'na sti jo'ó bi'. Li' ndyatí̱ Pedro ne' lo'o, stu'ba ti ngua'a̱ yu lo'o ngu' policia, cha' nti' yu ña'a̱ yu ñi'ya̱ caca lo'o cua'ni tye ngu' cha' ji'i̱ Jesús.

SAN MATEO 26:58 Referans Kwoze

SAN JUAN 7:32

Cua ndyuna ngu' fariseo ña'a̱ cha' nu nchcui' ngu' quichi̱ ji'i̱ Jesús. Bi' cha' ngulo ngu' cña ji'i̱ policía ne' laa cha' tsaa ngu' taya' ngu' ji'i̱ Jesús. Jua'a̱ ngua'ni sti jo'ó nu laca loo lo'o nu ngu' fariseo bi'.

SAN JUAN 18:25

Laja li' ndu̱ Pedro to' lquii' cha' caca chcatsu̱ ti'. Nchcui' nu xa' ñati̱ nu ndi'i̱ nde bi' lo'o Pedro li': ―¿Ha lo'o nu'u̱ ndyaca tsa'a̱ ji'i̱ yu jua? Ná ntaja'a̱ Pedro ta cha' liñi lo'o ngu'. ―Ná lo'o na' ―nacui̱.

SAN JUAN 7:45

Chaca quiya' ndyaa nu policía ne' laa bi' slo sti jo'ó nu laca loo, slo ngu' fariseo. Li' nchcuane ngu' ji'i̱ policía: ―¿Ni cha' laca ná lo'o yu bi' lijya̱ ma̱ slo cua?

SAN MATEO 5:25

’Pana ndi'ya̱ cua'ni ma̱ si ntsu'u ñati̱ nu sta qui'ya ji'i̱ ma̱ ca toni'i̱ cña: hora ti xaala' ma̱ cha' ji'i̱ ma̱ lo'o ñati̱ bi', laja lo'o bilya tyalaa ma̱ slo ngu' tisiya cha' cua'ni cuayá' ngu' ji'i̱ cha' cusu̱u̱ bi'. Cuxi la cha' si tyaala tsa ngu' tisiya, cha' li' xi'ya ngu' ji'i̱ ngu' policía cha' su'ba ngu' ji'i̱ ma̱ ne' chcua̱.

SAN MATEO 26:3

La cui' tyempo nu nchcui' Jesús, li' ndyu'u ti'i̱ tyu̱u̱ tya'a sti jo'ó nu laca loo lo'o mstru cha' jo'ó lo'o ngu' cusu' ji'i̱ ngu' judío; ndyu'u ti'i̱ ngu' slo Caifás nu laca xu'na lcaa sti jo'ó jua.

SAN LUCAS 22:54

Lo'o li' ngusñi ngu' ji'i̱ Jesús cha' caca preso, ndyaa lo'o ngu' ji'i̱ nde toni'i̱ ji'i̱ xu'na sti jo'ó. Lo'o Pedro ni, ndyaa lca'a̱ yu ji'i̱ ngu' tyijyu' ti li'.

SAN JUAN 19:6

Lo'o sti jo'ó nu laca loo lo'o msu ji'i̱ ngu' ni, cui̱i̱ ngusi'ya lo'o ngu' ji'i̱ Pilato lo'o na'a̱ ngu' ji'i̱ Jesús lijya̱. ―¡Cujuii clya ma̱ ji'i̱ yu! ¡Cujuii clya ma̱ ji'i̱ yu jua! ―nacui̱ ngu' ji'i̱. Nchcui' Pilato lo'o ngu' li': ―Ycui' ca ma̱ yaa lo'o ma̱ ji'i̱ yu cha' cujui'i̱ ca'a̱ ma̱ ji'i̱ lo crusi ―nacui̱ Pilato ji'i̱ ngu'―. Cuentya jna' ná ntsu'u qui'ya ji'i̱ yu.

LOS HECHOS 5:22

Ndyaa ngu' li'; pana nu lo'o ndyalaa ngu' toni'i̱ chcua̱, nga'aa tucui ntsu'u ne' chcua̱ bi'. Hora ti nguxtyu̱u̱ ngu' ñaa ngu' slo nu ngu' cusu' bi'.

LOS HECHOS 5:26

Hora ti ndu'u nu laca loo ji'i̱ ngu' nu nga'a̱ cua̱ bi', ndyaa ndyiqui'ya ji'i̱ preso bi'. Lo'o nu ngu' policía nu nga'a̱ cua̱ ni, ndyaa ngu' lo'o. Ná ngulo policía juersa ji'i̱ ngu' lo'o ngusñi ngu' bi' ji'i̱ ngu', cha' ntsi̱i̱ policía ji'i̱ ngu' quichi̱, ñi'ya̱ si cu̱ ngu' quee ji'i̱ ycui' policía.