SAN MATEO 26:56 - Chatino Tataltepec

⁵⁶ Pana ñi'ya̱ nu nguscua ngu' nu ngua tu'ba ji'i̱ ycui' Ndyosi nu ngua sa'ni, la cui' jua'a̱ ndyu'ni ma̱ lo'o na' juani. Li' ndu'u lcaa ngu' nu ndyaca tsa'a̱ ji'i̱, ngusna ngu'.

SAN MATEO 26:56 Referans Kwoze

SAN JUAN 16:32

Cua'a̱ jyaca̱ ma̱ xi ji'i̱ cha' nu chcui' na' re lacua: Cua ngulala ti hora, cua la cui' hora ndyaca juani cha' tyaa ma̱ toni'i̱ ji'i̱ scaa ma̱. Li' tyanu na' ycui' ti na' ―nacui̱―, pana si'i sca ti na' tyanu na', cha' stu'ba ndi'i̱ Sti na' lo'o na'.

SAN MATEO 26:31

Lo'o li' nchcui' Jesús lo'o ngu' bi': ―Caca tyuju'u ti' lcaa cu'ma̱ ña'a̱ ma̱ 'na talya ndyi. Caca bi' ñi'ya̱ nu nscua lo quityi ji'i̱ ycui' Ndyosi cua sa'ni la. Ndi'ya̱ nchcui' cha' bi': “Lo'o cujuii na' ji'i̱ nu ña'a̱si̱i̱ ji'i̱ xlya', li' xna lcaa xlya' bi', tyaa ni'”, nacui̱ quityi bi'.

SAN MATEO 26:54

Pana ná nti' ya jua'a̱. Nga'a̱ cha' caca ñi'ya̱ nu nscua cha' lo quityi cusu' ji'i̱ ycui' Ndyosi Sti na'.

2 TIMOTEO 4:16

Lo'o nguta'a̱ na' slo ngu' tisiya clyo, ni sca ñati̱ ná nguxtyucua ngu' 'na li', cha' ngusna ngu'; bi' cha' ndijña na' ji'i̱ ycui' Ndyosi cha' cui'ya Ni cha' clyu ti' ji'i̱ ngu' bi'.

LOS HECHOS 1:16

―Cu'ma̱ tya'a ndi'i̱ na re ―nacui̱ Pedro ji'i̱ ngu' bi'―, nu ngua sa'ni nguxtyucua Xtyi'i ycui' Ndyosi ji'i̱ jyo'o cusu' David lo'o nguscua jyo'o bi' lo quityi ñi'ya̱ caca cña nu cua'ni jyo'o Judas nde loo la. Ycui' Judas ngulu'u tyucui̱i̱ ji'i̱ ngu' xña'a̱ lo'o ngusñi ngu' ji'i̱ Jesús preso; pana ñi'ya̱ nu ndyanu cha' caca ji'i̱ yu, jua'a̱ ngua cha' bi'.

SAN MATEO 26:24

Ñi'ya̱ nu nscua lo quityi ji'i̱ ycui' Ni, jua'a̱ nga'a̱ cha' caca 'na, na' nu cua nda Ni 'na lijya̱a̱ cha' caca na' ñati̱. Pana tya'na tsa ñati̱ nu ta 'na ya' ngu' xña'a̱, tso'o la ngua ji'i̱ yu masi ná ngula yu chalyuu tsiya' ti.

LOS HECHOS 2:23

Cua sa'ni la cua jlo ti' ycui' Ndyosi, tya li' cua nchcui' Ni ñi'ya̱ nu caca ji'i̱ Jesús. Ndacha' lo Ni ji'i̱ ngu' cha' cujuii ñati̱ cuxi ji'i̱ ycui' Jesús. Jua'a̱ ngua li'; tsubi' ti ngusñi ma̱ ji'i̱ yu, ngujui'i̱ ca'a̱ ma̱ ji'i̱ yu lo crusi. Cua ndyujuii ma̱ ji'i̱ yu lo'o nda ma̱ cña ji'i̱ ñati̱ cuxi bi', cha' cua ngua'ni ngu' cña cuxi bi' cuentya ji'i̱ ma̱, ñi'ya̱ nu nacui̱ Ni cha' caca.

SAN MATEO 21:42

Li' xa' nchcui' Jesús lo'o ngu' bi': ―¿Ha bilya chcui' ma̱ lo quityi ji'i̱ ycui' Ndyosi? Ndi'ya̱ nscua cha': La cui' quee tonu nu nguxcua̱a̱ cuityi ni'i̱ ji'i̱ clyo, cha' ná tso'o ña'a̱ quee bi' nti' ngu', juani cua ngujui cña cua'ni quee bi'; ndu̱ bi' su ndulo la cha' ji'i̱ cuentya ji'i̱ ycui' Ndyosi. Ycui' Ndyosi ngua'ni cha' jua'a̱ ngua cha' bi', bi' cha' ndube tsa ti' na ji'i̱ cha' tlyu bi'. Jua'a̱ nchcui' cha' nu nscua lo quityi nu ngua tya sa'ni;