SAN MATEO 26:55 - Chatino Tataltepec

⁵⁵ Li' nchcui' Jesús lo'o nu taju ñati̱ tyaala nu ñaa cha' xñi ngu' ji'i̱: ―¿Ni cha' lijya̱ ma̱ lo'o maxtyi cusu̱u̱ lo'o yaca ntsu'u ya' ma̱, cha' xñi ma̱ 'na? ―nacui̱ Jesús ji'i̱ ngu'―. ¿Ha sca nu cuaana laca na' lacua? Tyu̱u̱ tsa tsa̱ ngua'a̱ na' ne' laa tonu ji'i̱ ma̱, ngulu'u na' cha' ji'i̱ ycui' Ndyosi ji'i̱ ñati̱, lo'o ná ngusñi ma̱ 'na li'.

SAN MATEO 26:55 Referans Kwoze

SAN JUAN 8:2

Pana tsa cua cuxee ti, xa' ndatu̱ Jesús ne' laa tonu. Li' ndyu'u ti'i̱ lcaa ñati̱ ca slo yu. Ca bi' ndyaca'a̱ yu ngulu'u yu cha' ji'i̱ ycui' Ndyosi ji'i̱ ngu'.

SAN MARCOS 12:35

Tya ndu̱ Jesús nclyu'u yu ji'i̱ ngu' ne' laa tonu bi'. Li' nchcuane yu ji'i̱ ngu': ―Nchcui' nu mstru cha' jo'ó bi' cha' la cui' ñati̱ tya'a ji'i̱ jyo'o David caca Cristo ―nacui̱ Jesús ji'i̱ ngu'―. ¿Ni cha' laca nchcui' mstru bi' jua'a̱?

SAN JUAN 7:28

Bi' cha' cui̱i̱ nchcui' Jesús ca su ndu̱ yu nclyu'u ji'i̱ ngu' ne' laa tonu bi': ―Chañi cha' nslo ma̱ 'na, chañi cha' jlo ti' ma̱ mala ngutu'u na' ―nacui̱―, pana si'i cuentya jna' lijya̱ na' ca nde. Sca ti ycui' Ndyosi nda 'na lijya̱a̱ chalyuu, lo'o jua'a̱ ná nslo ma̱ ji'i̱ nu bi' ―nacui̱―.

SAN JUAN 7:14

Sca semana ndalo ta'a bi'. Lo'o jua'a̱ tsa̱ nchca jacua ji'i̱ ta'a, li' ndyaa Jesús ne' laa tonu; nguxana yu nclyu'u yu ji'i̱ ngu' ca bi' li'.

SAN MATEO 21:23

Nu lo'o ndyalaa ngu' quichi̱ tlyu bi', li' xa' ndyatí̱ Jesús ndyaa ne' laa tonu bi'; nclyu'u yu ji'i̱ ñati̱ chaca quiya'. Lo'o li' na'a̱ sti jo'ó nu laca loo lo'o xa' la ngu' cusu' nu laca loo, na'a̱ ngu' ji'i̱ Jesús. Hora ti ñaa ngu' bi' slo yu cha' xcuane ngu' cha' ji'i̱ yu li': ―¿Tilaca laca nu nda chacuayá' jinu'u̱ cha' cua'ni nu'u̱ ñi'ya̱ nu ndyu'ni nu'u̱ juani? ―nacui̱ ngu' nu laca loo bi' ji'i̱ Jesús―. ¿Ma nde ngujui chacuayá' cua jinu'u̱? ―nacui̱ ngu' bi' ji'i̱.

SAN MATEO 26:47

Laja lo'o nchcui' Jesús jua'a̱, li' ndyalaa Judas slo. La cui' tya'a ngu' nu ndyaca tsa'a̱ ji'i̱ Jesús laca nu Judas bi'. Lo'o jua'a̱ quiña'a̱ tsa xa' la ñati̱ lijya̱ lo'o yu, nu ntsu'u maxtyi cusu̱u̱ ya', nu ntsu'u yaca ya'; lijya̱ ngu' tyaala bi' cña nu ngulo sti jo'ó nu laca loo, la cui' jua'a̱ cña nu ngulo lcaa ngu' cusu' nu laca loo lijya̱ ngu'.

SAN MARCOS 10:1

Lo'o li' ndu'u Jesús quichi̱ Capernaum bi', ndyaa tyijyu' ca xa' quichi̱ nu ntsu'u su cuentya Judea lo'o xa' la quichi̱ nde chaca tsu' sta'a̱ Jordán. Ca bi' ndyu'u ti'i̱ quiña'a̱ tsa ñati̱ slo yu. Nclyu'u Jesús ji'i̱ ngu' li', ñi'ya̱ nu nclu'u ti yu ji'i̱ ñati̱ nde lcaa quichi̱ su ndya'a̱ yu.

SAN LUCAS 4:20

Li' nguxcatya'a Jesús quityi bi', xa' ndya yu quityi bi' ji'i̱ xirta ne' laa bi', xa' ndyaa tucua Jesús li'; pana lcaa ngu' nu ndi'i̱ ne' laa bi' ña'a̱ tsa ngu' ji'i̱ yu.

SAN LUCAS 19:47

Lcaa tsa̱ ndya'a̱ Jesús nclyu'u ji'i̱ ngu' ne' laa bi'. Lo'o ngu' sti jo'ó nu laca loo, lo'o mstru cha' jo'ó, lo'o ngu' cusu' ji'i̱ quichi̱, ndya'a̱ ngu' nclyana ngu' ñi'ya̱ caca cua'ni ngu' cha' cujuii ngu' ji'i̱ Jesús.

SAN LUCAS 20:1

Ngua sca tsa̱ nga'a̱ Jesús ne' laa nclyu'u yu ji'i̱ ñati̱; nchcui' yu cha' ji'i̱ ycui' Ndyosi, ñi'ya̱ nu ndu'ni lyaá Ni ji'i̱ ngu'. Lo'o li' lijya̱ lcaa sti jo'ó nu laca loo, lo'o mstru cha' jo'ó, lo'o ngu' cusu' ji'i̱ quichi̱ bi', stu'ba ti lijya̱ ngu' slo Jesús.

SAN JUAN 8:20

Nacui̱ Jesús jua'a̱ lo'o ngulu'u yu ji'i̱ ngu' ne' laa tonu, ntucua yu cacua ti su ndu̱ cñá' su cujui'i̱ ngu' cñi nu caca msta̱ ji'i̱ ngu' ne' laa. Lo'o ná tucui ngua'ni cha' tejeya' ji'i̱ Jesús, cha' tsaa lo'o ji'i̱ yu ni'i̱ chcua̱, cha' tya lyiji tyalaa tyempo ji'i̱ yu cha' xcube' ngu' xña'a̱ ji'i̱ yu.