SAN MATEO 26:5 - Chatino Tataltepec

⁵ ―Pana ná tso'o tejeya' na ji'i̱ yu tsa̱ ta'a ―nacui̱ ngu' bi'―. Ca ñasi̱' tsa lcaa ñati̱ nu ndi'i̱ ta'a, lo'o tlyu tsa cha' cusu̱u̱ caca bi' li' ―nacui̱ ngu' bi'.

SAN MATEO 26:5 Referans Kwoze

SAN MATEO 27:24

Li' na'a̱ Pilato cha' tyaala tsa ndi'i̱ loo ngu', cha' ñasi̱' tsa ngu'; jua'a̱ ná ntaja'a̱ ngu' cuna ngu' cha' nu nchcui' yu lo'o ngu' tsiya' ti. Bi' cha' ngulo yu cña cha' ca̱a̱ lo'o msu ji'i̱ sca tsi'yu ntsu'u hitya. Li' ndyaati̱ ya' yu slo lcaa ñati̱. ―Lubii tyanu ya' na', cha' si'i cha' jna' cajaa yu nu lubii tyiquee re ―nacui̱ Pilato ji'i̱ ngu'―, cha' ji'i̱ cu'ma̱ laca cha' bi'.

SAN MATEO 21:26

Lo'o si ñacui̱ na: “Chacuayá' ji'i̱ ñati̱ ti ntyucuatya Juan bi'”, la cui' ti ná tso'o si ñacui̱ na jua'a̱, cha' ntsi̱i̱ na ji'i̱ lcaa ngu' quichi̱ re, cha' lcaa ngu' jlya ti' ngu' cha' chañi cha' ngua Juan bi' tu'ba ji'i̱ ycui' Ndyosi.

SAN MATEO 14:5

Nu ngua li' ngua ti' Herodes cujuii ji'i̱ Juan bi', pana ndyutsi̱i̱ yu ji'i̱ ñati̱, cha' ngua ti' ngu' cha' cua nchcui' Juan cha' ji'i̱ ycui' Ndyosi lo'o ngu'.

SAN MARCOS 14:27

Xa' nchcui' Jesús lo'o nu ngu' nu ndyaca tsa'a̱ ji'i̱ li': ―Caca tyuju'u ti' lcaa cu'ma̱ ña'a̱ ma̱ 'na ―nacui̱ Jesús ji'i̱ ngu'―. Xtyanu ma̱ xi 'na ca ndyi la. Li' caca cha' nu nscua lo quityi ji'i̱ ycui' Ndyosi ndi'ya̱: “Lo'o cujuii na' ji'i̱ nu ña'a̱si̱i̱ ji'i̱ xlya' bi', xna lcaa xlya' tyaa ni' li'”. Jua'a̱ nchcui' quityi.

SAN MARCOS 14:12

Lo'o ngua tsa̱ clyo ji'i̱ ta'a nu ndacu ngu' xlyá nu ná lo'o scua̱ tiye' ndya' bi', tsa̱ bi' ndujuii ngu' xlya' cuañi' cha' cacu ngu' ta'a pascua. Li' nchcuane ngu' nu ndyaca tsa'a̱ ji'i̱ Jesús: ―¿Macala cua'ni cho'o ya na cha' cacu na si̱i̱ nu cuentya ji'i̱ ta'a pascua? ―nacui̱ ngu' ji'i̱ yu.

SAN MARCOS 14:2

Nchcui' ngu' lo'o tya'a ngu' ñi'ya̱ cua'ni ngu' cña bi': ―Ná tso'o tejeya' na ji'i̱ yu tsa̱ ta'a ―nacui̱ ngu'―. Caca ñasi̱' tsa lcaa ñati̱ nu ndi'i̱ ta'a si jua'a̱, tlyu tsa cha' cusu̱u̱ caca bi' li'.

SAN JUAN 18:28

Li' ngutu'u ngu' slo Caifás, ndyaa lo'o ngu' ji'i̱ Jesús ca su ndi'i̱ nu gobernador romano nu naa Pilato. Cua cuxee ti ndyaca li', bi' cha' ná ntaja'a̱ nu ngu' judío bi' tyatí̱ ngu' ne' ni'i̱ ji'i̱ gobernador; tacati tsa ndu'ni ngu' bi' xqui'ya ta'a. Ngua ti' ngu' cha' quiñu'u̱ cha' ji'i̱ ngu' si tyatí̱ ngu' ne' ni'i̱ ji'i̱ ngu' xa' tsu', cha' ná ntsu'u chacuayá' cacu ngu' si̱i̱ ta'a bi' li';

SAN LUCAS 22:7

Li' ndyalaa tsa̱ ta'a nu ndacu ngu' xlyá tiji; la cui' tsa̱ bi' ntsu'u cha' cujuii ngu' xlya' cuañi' cha' cacu ngu' si̱i̱ ta'a pascua bi'.

SAN LUCAS 20:6

Si ñacui̱ na cha' ñati̱ chalyuu nda chacuayá' ji'i̱ Juan bi' ni, li' cujuii nu quiña'a̱ tsa ñati̱ nu ndi'i̱ re ji'na lo'o quee, cha' tu'ba ji'i̱ ycui' Ndyosi cha' nchcui' Ni lo'o ñati̱ ngua jyo'o Juan bi', nti' ngu'.

LOS HECHOS 19:29

Ná jlo ti' ngu' quichi̱ na laca ngua ji'i̱ ngu' cha' nxi'ya tsa ngu' jua'a̱, pana ngusna lcaa ngu' ndyaa ngu' cha' ña'a̱ cui'ya ngu' xi ji'i̱. Li' ntejeya' ngu' ji'i̱ Gayo lo'o Aristarco xqui'ya cha' ndya'a̱ ngu' lo'o Pablo, masi ngu' Macedonia laca ngu' bi', ndyaa lo'o ngu' bi' ji'i̱ ngu' ca su ndyu'u ti'i̱ ngu' quichi̱.

LOS HECHOS 21:38

―¿Ha si'i nu'u̱ laca nu ngu' Egipto nu ngua loo ji'i̱ ngu' nu ngusu̱u̱ tya'a lo'o gobierno tsubi'? ―nacui̱ ji'i̱ Pablo―. ¿Ha si'i nu'u̱ ndyaa lo'o ji'i̱ jacua mil tya'a ñati̱ cuxi ca lo nati̱' btyi?