SAN MATEO 26:38 - Chatino Tataltepec

³⁸ Li' nchcui' Jesús lo'o nu sna tya'a ngu' bi': ―Ne' cresiya 'na ntsu'u sca cha' nu xñi'i̱ ti' na'. Nga'aa talo na' cha' xñi'i̱ tsa ti' na'. Tyanu cu'ma̱ nde ti, pana tii ti ti' ma̱ tyi'i̱ ma̱ lo'o na'.

SAN MATEO 26:38 Referans Kwoze

SAN JUAN 12:27

Tya nchcui' la Jesús lo'o ngu' li': ―Quiña'a̱ tsa cha' nclyacua ti' na' juani. ¿Ha tso'o la si jña na' ji'i̱ ycui' Ndyosi Sti na' cha' cua'ni Ni cha' ná tyacua cha' cuxi re 'na? Si'i, ná chcui' na' jua'a̱. Cua ndyalaa hora 'na juani cha' caca lcaa cña nu nga'a̱ cha' caca 'na.

1 PEDRO 3:18

Ycui' Cristo ngujuii xqui'ya qui'ya nu ntsu'u ji'na, masi lubii tsiya' ti cresiya ji'i̱ yu; nchcube' yu cuentya ji'na, cha' cuxi tsa tyiquee na. Lo'o juani taca tyalaa na slo ycui' Ndyosi xqui'ya nu Cristo bi'. Sca ti quiya' ngua cha' ti'í bi' ji'i̱ Cristo, ndye cña ji'i̱ yu nde loyuu chalyuu li'. Ndyujuii ngu' ji'i̱ nu ñati̱ nu naa Jesucristo bi', pana ngua'ni Xtyi'i ycui' Ndyosi cha' ndyu'ú yu chaca quiya'.

1 PEDRO 2:24

Ycui' Cristo laca nu sca ti quiya' ngujui'i̱ ca'a̱ ngu' ji'i̱ lo crusi cha' taca cuityi̱ Ni qui'ya nu ntsu'u ji'i̱ lcaa na, cha' clyaá na ji'i̱ qui'ya nu ntsu'u ji'na; bi' cha' cuentya ji'i̱ Cristo taca tyi'i̱ na chalyuu juani, cha' jua'a̱ tyaja'a̱ na cua'ni na xcui' cha' tso'o nu nti' ycui' nu Xu'na na cha' cua'ni na. Xqui'ya cha' nchcube' ycui' Cristo, bi' cha' ngua ti̱ cha' cuxi nu ntsu'u tyiquee na, ñi'ya̱ nti' lo'o ngua ti̱ cha' quicha na lo'o ndyaca tso'o na.

GÁLATAS 3:13

Cua ngulo Cristo ji'na ji'i̱ yabe' nu ngusta ycui' Ndyosi hichu̱' na xqui'ya cha' ná ndaquiya' na ji'i̱ lcaa cha' tsiya' ti nu nda Ni lo'o na; yabe' nu ntsu'u ji'na bi' cua ndyanu hichu̱' ycui' Jesús li'. Ndi'ya̱ nscua cha' lo quityi ji'i̱ ycui' Ndyosi: “Si tlyu tsa yabe' ntsu'u ji'i̱ sca ñati̱, ntsu'u cha' cujui'i̱ ca'a̱ ngu' ji'i̱ ña'a̱ lu'ú ti lo sca yaca ndu̱ cha' cajaa yu”.

1 PEDRO 4:7

Cua tye ti cha' ji'i̱ lcaa na nu ntsu'u chalyuu; bi' cha' tso'o la si cua'a ma̱ ji'i̱ ycui' ca ma̱, tii ti ti' ma̱ tyi'i̱ ma̱ chalyuu cha' taca cua'ni ma̱ cña tso'o, cha' lu'ba ti taca chcui' ma̱ lo'o ycui' Ndyosi.

2 CORINTIOS 5:21

Masi ná ntsu'u qui'ya ji'i̱ Cristo tsiya' ti, pana ycui' Ndyosi ngua'ni cha' ndyanu qui'ya nu ntsu'u ji'na hichu̱' Cristo. Si cua ngua stu'ba cha' ji'na lo'o Cristo, li' caca lubii cresiya ji'na ñi'ya̱ nu nti' ycui' Ndyosi cha' caca na.

ROMANOS 8:32

Ná nda ycui' Ndyosi chacuayá' ji'i̱ Jesús cha' tya'a̱chu̱' yu ji'i̱ cña ji'i̱ Ni jua'a̱ ti, masi nu sca ti Sñi' ycui' Ni laca yu; nda Ni ji'i̱ yu cha' cajaa lo crusi cuentya ji'i̱ lcaa na lo'o tya'a na. Cua nda Ni lcaa cha' tso'o nu ji'i̱ ycui' ca Ni ji'i̱ Jesús, la cui' nu laca nu sca ti Sñi' ycui' Ni. Lo'o jua'a̱ sca ti cuayá' nu ta Ni cha' bi' ji'na, ñi'ya̱ lo'o nda Ni cha' bi' ji'i̱ Sñi' ycui' Ni.

SAN MATEO 25:13

Tya nchcui' la xi Jesús lo'o ngu' li': ―Bi' cha' tii ti ti' tyi'i̱ ma̱ lcaa hora, cha' ná jlo ti' ma̱ ni tsa̱ ni hora ca̱a̱ na' chaca quiya', na' nu cua nda Ni 'na lijya̱a̱ cha' caca na' ñati̱.

SAN MARCOS 14:34

―Xñi'i̱ tsa ti' na' juani ―nacui̱ Jesús ji'i̱ ngu'―, nga'aa talo na' cha' xñi'i̱ tsa ti' na'. Tyanu ma̱ ca nde ti, tii ti ti' ma̱ tyi'i̱ ma̱ ―nacui̱.