SAN MATEO 26:35 - Chatino Tataltepec

³⁵ Li' xa' nchcui' Pedro: ―Masi ntsu'u cha' cajaa na' stu'ba ti lo'o nu'u̱, ná chcui' na' lo'o ñati̱ cha' ná nslo na' jinu'u̱ ―nacui̱ Pedro li'. Lo'o la cui' jua'a̱ cha' nguxacui̱ xa' la ngu' nu ndyaca tsa'a̱ ji'i̱ Jesús li'.

SAN MATEO 26:35 Referans Kwoze

ROMANOS 11:20

Chañi cha' ji'i̱ ma̱. Pana ndi'ya̱ laca cha': cua ngulotsu' ycui' Ndyosi ji'i̱ ngu' judío ji'i̱ yaca bi', xqui'ya cha' ná ngusñi ngu' cha' ji'i̱ Ni; pana cu'ma̱ ni, xqui'ya cha' ngusñi ma̱ cha' ji'i̱ ycui' Ni, bi' ti cha' cua ngujui chacuayá' ji'i̱ ma̱ cha' xñi ca'a̱ ma̱ ji'i̱ yaca bi' ca su ntucua ma̱ juani. Bi' cha' ná ntsu'u cha' cua'ni tyucuaa ti' ma̱ lo'o ngu' judío bi'. Culacua tso'o ti' ma̱ xi.

SAN JUAN 13:37

Li' nchcuane Pedro ji'i̱ yu: ―¿Ni cha' laca ná nti' nu'u̱ cha' tya'a̱ na' lo'o nu'u̱ ca su tsaa nu'u̱ juani ti? ―nacui̱―. Cajaa na' si caca clyaá ycui' nu'u̱.

1 PEDRO 1:17

Xcui' liñi ti ndu'ni cuayá' Ni ji'i̱ ñati̱, ñi'ya̱ laca cha' tso'o nu ngua'ni scaa ngu', ñi'ya̱ laca cha' cuxi nu ngua'ni scaa ngu' laja lo'o ndi'i̱ ngu' chalyuu. Bi' cha' ntsu'u cha' cutsi̱i̱ ma̱ xi lo'o chcui' ma̱ lo'o ycui' Ndyosi ndi'ya̱: “Sti ya”, ñacui̱ ma̱ ji'i̱ Ni. Ntsu'u cha' taquiya' ma̱ ji'i̱ ycui' Ndyosi Sti na lcaa tsa̱ lo'o tyi'i̱ ma̱ chalyuu, cha' xcui' cha' tso'o cua'ni ma̱ cuentya ji'i̱ Ni.

FILIPENSES 2:12

Cu'ma̱ ngu' tya'a na nu tyaca'a tsa ma̱ 'na, cua ndaquiya' tsa ma̱ ji'i̱ cha' nu nchcui' na' lcaa tsa̱ lo'o nguti'i̱ na' lo'o ma̱; ña'a̱ ti tya ndulo tsa cha' ji'i̱ ma̱ cha' taquiya' la ma̱ ji'i̱ cha' nu nchcui' na', masi tyijyu' tsa nga'a̱ na' ca su ndi'i̱ ma̱ juani. Ña'a̱ ti cua'ni cña ti' ma̱ cha' caca lyiji lcaa cha' nu ngua ti' ycui' Ndyosi cua'ni Ni ne' cresiya ji'i̱ ma̱ lo'o ngua'ni lyaá Jesucristo ji'i̱ ma̱. Xti ti cha' tyu'u tyiquee ma̱ cuentya ji'i̱ ycui' ma̱, pana cube la ti' ma̱ ji'i̱ ycui' Ndyosi.

1 CORINTIOS 10:12

bi' cha' tso'o si cube ti' ma̱ cha' ná tyu'utsu' ma̱ ji'i̱ tyucui̱i̱ nu liñi ca, si nti' ma̱ cha' tso'o ti tyi'i̱ cresiya ji'i̱ ma̱, cha' ná tyacua sca cha' cuxi ji'i̱ ma̱ tsiya' ti.

SAN MATEO 10:33

Lo'o jua'a̱ lcaa ngu' nu nchcui' lo'o xa' ñati̱ cha' ná ntsu'u cha' ji'i̱ ngu' lo'o na', jua'a̱ na', chcui' na' lo'o Sti na' nu ntucua nde cua̱ cha' si'i tya'a tso'o na' laca ñati̱ bi'.