SAN MATEO 26:32 - Chatino Tataltepec

³² Pana ca tiya' la lo'o tyu'ú na' chaca quiya', li' nde loo la tsa'a na' nde Galilea cuentya ji'i̱ cu'ma̱.

SAN MATEO 26:32 Referans Kwoze

SAN MATEO 28:10

―Ná cutsi̱i̱ ma̱ ―nacui̱ Jesús ji'i̱ ngu' bi' li'―. Yaa clya ma̱ cacha' ma̱ ji'i̱ ngu' tya'a na' cha' ntsu'u cha' tsa'a na' nde Galilea; ca bi' tyacua tya'a ngu' lo'o na', ñacui̱ ma̱ ji'i̱ ngu'.

SAN MATEO 28:16

Lo'o li' ndu'u nu tii chaca tya'a ngu' nu ndyaca tsa'a̱ ji'i̱ Jesús, ndyaa ngu' ca loyuu su cuentya Galilea; ndyu'u ti'i̱ ngu' lo xlya ca'ya ca su nacui̱ Jesús cha' tyacua tya'a ngu' lo'o li'.

SAN MATEO 20:19

Li' tsaa lo'o ngu' bi' 'na slo ngu' xa' tsu' nu laca loo, cha' xtyí lo'o ngu' bi' 'na. Lo'o jua'a̱ quiji'i̱ ngu' bi' 'na lo'o reta, cujui'i̱ ca'a̱ ngu' bi' 'na lo crusi li'. Pana, tsa̱ nchca tyuna, li' tyu'ú na' chaca quiya' ―nacui̱ Jesús.

SAN MARCOS 16:7

Li' yaa clya ma̱ cacha' ma̱ ji'i̱ Pedro lo'o ji'i̱ xa' la ngu' nu ndyaca tsa'a̱ ji'i̱ yu, cha' cua tsaa ti ycui' yu nde loo ji'i̱ ma̱ nde Galilea; tyacua tya'a ma̱ lo'o yu ca bi', ñi'ya̱ nu cua nacui̱ yu ji'i̱ ma̱ tya tsubi'.

SAN MARCOS 14:28

Pana nu lo'o tyu'ú na' chaca quiya', tsa'a na' nde Galilea nu tya lyiji tsaa cu'ma̱.

SAN MATEO 16:21

Lo'o tyempo bi' nguxana Jesús ngulu'u yu ji'i̱ ngu' cha' ntsu'u cha' tsaa yu nde quichi̱ Jerusalén. Pana ca quichi̱ bi' tyacua cha' ti'í ji'i̱ yu xqui'ya cha' xcube' tsa ngu' cusu' bi' ji'i̱ yu; jua'a̱ sti jo'ó nu laca loo, lo'o mstru cha' jo'ó, lcaa ngu' bi' xcube' ngu' ji'i̱ yu ña'a̱ cuayá' nu cujuii ngu' ji'i̱ yu. Pana tyu'ú yu chaca quiya' tsa̱ nchca tyuna, nacui̱ yu.

1 CORINTIOS 15:6

Tiya' la li' ngulu'u loo Jesús ji'i̱ tyu̱u̱ tsa tya'a ñati̱, nteje tacui ca'yu siyento tya'a ñati̱ nu ndi'i̱ se'i̱ ti li'. Lo'o ña'a̱ ti tya tyu̱u̱ tya'a ngu' bi' tya lu'ú ngu', masi ntsu'u xi ngu' bi' nu cua ngujuii.

SAN MATEO 26:33

Li' nchcui' Pedro lo'o: ―Ná xtyanu na' jinu'u̱ tsiya' ti ―nacui̱ Pedro li'―. Masi ca ta'a ngu' xna ngu' jinu'u̱, pana na' ni, ná xna na' jinu'u̱.