SAN MATEO 26:31 - Chatino Tataltepec

³¹ Lo'o li' nchcui' Jesús lo'o ngu' bi': ―Caca tyuju'u ti' lcaa cu'ma̱ ña'a̱ ma̱ 'na talya ndyi. Caca bi' ñi'ya̱ nu nscua lo quityi ji'i̱ ycui' Ndyosi cua sa'ni la. Ndi'ya̱ nchcui' cha' bi': “Lo'o cujuii na' ji'i̱ nu ña'a̱si̱i̱ ji'i̱ xlya', li' xna lcaa xlya' bi', tyaa ni'”, nacui̱ quityi bi'.

SAN MATEO 26:31 Referans Kwoze

SAN JUAN 16:32

Cua'a̱ jyaca̱ ma̱ xi ji'i̱ cha' nu chcui' na' re lacua: Cua ngulala ti hora, cua la cui' hora ndyaca juani cha' tyaa ma̱ toni'i̱ ji'i̱ scaa ma̱. Li' tyanu na' ycui' ti na' ―nacui̱―, pana si'i sca ti na' tyanu na', cha' stu'ba ndi'i̱ Sti na' lo'o na'.

SAN MATEO 11:6

Tso'o tsa caca tyiquee ñati̱ nu ña'a̱ ti tya nxñi cha' 'na, masi ná nchca cuayá' tso'o ti' lcaa cha'.

SAN MATEO 26:56

Pana ñi'ya̱ nu nguscua ngu' nu ngua tu'ba ji'i̱ ycui' Ndyosi nu ngua sa'ni, la cui' jua'a̱ ndyu'ni ma̱ lo'o na' juani. Li' ndu'u lcaa ngu' nu ndyaca tsa'a̱ ji'i̱, ngusna ngu'.

SAN MATEO 26:24

Ñi'ya̱ nu nscua lo quityi ji'i̱ ycui' Ni, jua'a̱ nga'a̱ cha' caca 'na, na' nu cua nda Ni 'na lijya̱a̱ cha' caca na' ñati̱. Pana tya'na tsa ñati̱ nu ta 'na ya' ngu' xña'a̱, tso'o la ngua ji'i̱ yu masi ná ngula yu chalyuu tsiya' ti.