SAN MATEO 26:29 - Chatino Tataltepec

²⁹ Liñi tsa cha' nu chcui' na' lo'o ma̱ juani, cha' nga'aa co'o na' vino juani, ña'a̱ cuayá' nu tyalaa tsa̱ bi' lo'o co'o na' ji'i̱ stu'ba ti lo'o cu'ma̱ slo ycui' Ndyosi Sti na', ca su ntucua ycui' Ni nu laca loo.

SAN MATEO 26:29 Referans Kwoze

APOCALIPSIS 7:17

Ña'a̱si̱i̱ nu ñi'ya̱ ña'a̱ xlya' bi' ji'i̱ ngu', cha' ndi'i̱ Ni la cui' ca su ntucua ycui' Ndyosi loo; bi' laca nu tsalo'o ji'i̱ ngu' su caja hitya co'o ngu' cha' caja chalyuu cucui ji'i̱ ngu' li'. Lo'o jua'a̱ xquityi Ni hitya cloo ngu' cha' nga'aa cunaa ngu' li'.

HEBREOS 12:2

Xcui' culacua ti' na ñi'ya̱ ngua'ni Jesús; lcaa cha' nu jlya ti' na ni, Jesús laca su̱u̱ lcaa cha' bi'; si jua'a̱, taca jlya ti' na ji'i̱ Ni ña'a̱ cuayá' nu tye chalyuu. Nu ycui' Jesús ni, ná nguta'a̱chu̱' yu ji'i̱ cña nu nga'a̱ cha' cua'ni yu, masi cua jlo ti' yu cha' cua cajaa ti yu lo crusi. Pana tiya' la li', nu lo'o cua ntiji̱loo yu ji'i̱ nu cuxi, tso'o tsa ntsu'u tyiquee yu li'; bi' cha' ná ngua tyuju'u ti' yu tsiya' ti, masi nguxcube' ngu' ji'i̱ yu lo crusi. Lo'o juani cua ndyaa tucua Jesús nde la'a tsu' cui̱ su tlyu ca su ntucua ycui' Ndyosi Sti na.

SAN MARCOS 14:25

Chañi cha' nu nchcui' na' lo'o ma̱, cha' nga'aa co'o na' vino chaca quiya', ña'a̱ cuayá' tyalaa tsa̱ bi' lo'o co'o na' vino cucui lo'o cu'ma̱ ca su laca ycui' Ndyosi loo; xa' co'o na' ji'i̱ li'.

LOS HECHOS 10:41

Li' ndu'u tucua yu nde su ndi'i̱ ya; ná na'a̱ lcaa ngu' quichi̱ bi' ji'i̱ yu, cua laca ti ñati̱ tya'a ya na'a̱ ya ji'i̱ yu. Cua ngusubi ycui' Ndyosi ji'i̱ ya cha' culu'u ya cha' ji'i̱ ycui' Ni ji'i̱ xa' ñati̱, bi' cha' cua na'a̱ ya ji'i̱ Jesús lo'o ndyu'ú yu chaca quiya'. Stu'ba ti ndyacu ya lo'o ycui' yu li'.

SAN JUAN 17:13

’Bi' cha' juani tya̱a̱ na' su ntucua nu'u̱, Sti na' ―nacui̱ Jesús ji'i̱ ycui' Ndyosi Sti yu―. Lo'o tya ndi'i̱ na' nde chalyuu, li' nda na' cha' bi' lo'o ngu', cha' ñi'ya̱ lo'o chaa ti' ycui' na' re, jua'a̱ caca chaa ti' ngu' bi' tyucui tyiquee ngu'.

SAN MATEO 13:43

Pana tyanu lcaa ngu' nu lubii tyiquee ca su laca ycui' Ndyosi Sti na loo; caca ndubi tsa ña'a̱ loo ngu' bi' li', ñi'ya̱ ndubi xee cuichaa, xqui'ya cha' ngua lubii cresiya ji'i̱ ngu' tsiya' ti cuentya ji'i̱ ycui' Ni. Cua'a̱ jyaca̱ ma̱ ji'i̱ cha' nu nchcui' na' lo'o ma̱, si chañi cha' nti' ma̱ cuna ma̱.

APOCALIPSIS 14:3

nde loo su ndu̱ yaca xlya tlyu su ntucua ycui' Ndyosi, ca su ndu̱ nu jacua tya'a na'ni tacati bi', ca su ndu̱ nu ngu' cusu' bi', ca bi' ndu̱ ñati̱ nu ndyula lo'o sañi bi'. Sca ti nu ñati̱ quiña'a̱ bi' ngua ji'i̱ cula tu'ba ji̱i̱ bi'; ná ngua ji'i̱ xa' ñati̱ chalyuu ca tsa'a̱ ngu' ji̱i̱ bi', cha' sca ji̱i̱ nu bilya cuna ñati̱ chalyuu laca bi'. Sca ti nu sca siyento ntucua tu'ba ntucua jacua mil tya'a ñati̱ nu ngua'ni lyaá Ni ji'i̱ nde chalyuu, bi' ñati̱ laca nu ngua ji'i̱ cula tu'ba ji̱i̱ bi'.

SAN LUCAS 15:32

Pana juani, tso'o la cha' cua'ni na sca ta'a cha' ndyalaa tya'a nu'u̱ chaca quiya'. Ngua ti' na cha' cua ngujuii yu, pana xa' ndyu'u tucua yu chaca quiya'; cua nguna' yu ngua ti' na, pana ndyalaa yu chaca quiya'. Bi' cha' ndyu'ni na sca ji̱i̱ juani, cha' chaa tsa ti' na.”

SAN LUCAS 12:32

’Ná cutsi̱i̱ cu'ma̱. Ñati̱ 'na laca ma̱, masi xti ti ngu' tya'a ma̱, cu'ma̱ nu laca ma̱ taju ñati̱ ji'i̱ ycui' Ndyosi; cua ngujui chalyuu tso'o ji'i̱ ma̱ cha' ycui' Ndyosi Sti na laca loo ji'i̱ ma̱, cha' jua'a̱ nti' ycui' Ni.

SAN JUAN 15:11

’Nchcui' na' jua'a̱ lo'o cu'ma̱, cha' lo'o ña'a̱ ma̱ cha' chaa ti' na' ndu'ni na' cña ji'i̱ ycui' Ndyosi Sti na', la cui' jua'a̱ cu'ma̱, ná nga'a̱ cha' tye cha' caca chaa ti' ma̱.

SAN MATEO 28:20

Culu'u ma̱ ji'i̱ ngu' bi', cha' taquiya' ngu' lcaa cña nu cua ngulu'u na' ji'i̱ ma̱. Lo'o jua'a̱ tyi'u ti' ma̱ cha' nu nchcui' na' lo'o ma̱, cha' tyi'i̱ na' lo'o ma̱ lcaa tsa̱ hasta ña'a̱ cuayá' tye chalyuu. Tsa lo cua ti cha' nacui̱ Jesús.

SAN MATEO 18:20

Lo'o na' nga'a̱ na' lo'o ma̱ macala su ndyu'u ti'i̱ tucua sna tya'a ti ma̱ chacuaya' 'na.

SAN MATEO 16:28

Cha' liñi nchcui' na' lo'o ma̱ juani, cha' ntsu'u ngu' nu tya ndu̱ lo'o na chalyuu re juani, nu lo'o tya lyiji cajaa ngu' ca cuayá' ti' ngu' cha' cua nguxana cha' laca na' loo ne' cresiya ji'i̱ ñati̱, na' nu cua nda Ni 'na lijya̱a̱ cha' caca na' ñati̱.

SAN JUAN 16:22

Lo'o jua'a̱ cu'ma̱ ―nacui̱―, xti ti tyempo caca xñi'i̱ ti' ma̱; pana ca̱a̱ na' ca̱a̱ na'a̱ na' ji'i̱ ma̱ chaca quiya', lo'o li' caca chaa ti' ma̱ chaca quiya'. Ná tucui taca cua'a ji'i̱ ma̱ cha' ná caca chaa ti' ma̱ li'.

SAN MATEO 25:34

Ca li' lo'o caca na' loo tsiya' ti, chcui' na' lo'o taju ñati̱ nu ndi'i̱ la'a tsu' cui̱ 'na: “Tya̱a̱ ma̱ ca su ntucua ycui' Ni nu laca loo, lcaa cu'ma̱ nu tso'o tsa nti' ycui' Ndyosi Sti na' ña'a̱ Ni ji'i̱ ma̱, cha' cua ngua'ni cho'o ycui' Ni su tyi'i̱ ma̱ slo Ni, tya lo'o ngüiñá Ni chalyuu.

SAN MATEO 26:28

cha' ñi'ya̱ nti' tañi na', jua'a̱ nti' nu nde. Laca bi' sca cha' nu culu'u liñi ji'i̱ ma̱ cha' chaca quiya' quiñi cha' ji'i̱ ycui' Ndyosi lo'o ñati̱ chalyuu, nu lo'o tyalú tañi na' lo crusi. Jua'a̱ cua'ni lyaá Ni ji'i̱ quiña'a̱ tsa tya'a ma̱, nu lo'o cua'ni clyu ti' Ni ji'i̱ qui'ya nu ntsu'u ji'i̱ ma̱.

SAN MATEO 26:30

Lo'o ndyula tu'ba ngu' sca ji̱i̱ ji'i̱ ycui' Ndyosi, li' ndu'u ngu' ndyaa ngu' nde ca'ya Olivos.