SAN MATEO 26:21 - Chatino Tataltepec

²¹ Laja li' nguxana nchcui' Jesús lo'o ngu' bi': ―Chañi cha' nchcui' na' lo'o ma̱ juani, cha' ntsu'u tsaca cu'ma̱ nde nu cujui' cresiya 'na ji'i̱ ngu' xña'a̱.

SAN MATEO 26:21 Referans Kwoze

SAN JUAN 13:21

Lo'o nchcui' Jesús jua'a̱, ti'í tsa nti' cresiya ji'i̱ yu nda yu cha' lo'o ngu' bi': ―Liñi tsa cha' nu ta na' lo'o ma̱ juani, cha' ntsu'u sca ngu' tya'a ma̱ nu cujui' cresiya 'na ji'i̱ ngu' cuxi ―nacui̱ Jesús li'.

HEBREOS 4:13

Ná taca tyu'u cuaana ti cha' tyiquee na, ni tsaca cha' nu ntsu'u ji'na, cha' ná ca cuayá' ti' ycui' Ndyosi ji'i̱ cha' bi'. Ná taca. Ña'a̱ Ni ji'i̱ lcaa ñati̱ nu cua ngüiñá Ni, nu cua ngusta Ni chalyuu; nchca tii Ni lcaa cha' nu ntsu'u ji'na. Ná taca cua'ni na ni sca cña ca slo ycui' Ndyosi cha' tyu'u cuatsi' ti sca cha', cha' nga'a̱ cha' xacui̱ na cha' ji'i̱ ycui' Ni cuentya ji'i̱ lcaa cña nu ngua'ni scaa na nde chalyuu, nu lo'o tye chalyuu ji'na.

APOCALIPSIS 2:23

hasta cujuii na' ji'i̱ ñati̱ nu ngusñi cha' ji'i̱ nu cuna'a̱ bi', nacui̱ Ni. Lo'o li' lcaa taju ñati̱ ji'i̱ Jesucristo lcua ti quichi̱, caja cha' ji'i̱ ngu' cha' cua ngua'ni tye na' ji'i̱ cha' cuxi bi'; li' taca jlya tso'o ti' ngu' cha' cua jlo ti' na' lcaa ña'a̱ cha' nu nclyacua ti' ñati̱ chalyuu. Lo'o li' ca cuayá' ti' lcaa ma̱ cha' la cui' ñi'ya̱ ngua'ni ma̱ cha' cuxi tya lo'o ya̱a̱ ma̱ chalyuu, jua'a̱ xcube' na' ji'i̱ ma̱, nacui̱ Jesús.

SAN MATEO 26:2

―Jlo ti' ma̱ cha' tucua ti tsa̱ lyiji cha' caca ta'a si̱i̱ ji'i̱ ta'a pascua, lo'o li' tejeya' ngu' xña'a̱ jna' nu cua nda Ni 'na lijya̱a̱ cha' caca na' ñati̱. Tyaa lo'o ngu' 'na cha' cujuii ngu' 'na lo crusi li'.

SAN MATEO 26:22

Xñi'i̱ tsa ti' ngu' ngua lo'o ndyuna ngu' cha' bi'. Li' nguxana ngu' nchcuane ngu' ji'i̱ Jesús: ―¿Ha na' nu ta̱ jinu'u̱ ya' ngu' xña'a̱, Xu'na? ―nacui̱ tsaca yu ji'i̱ Jesús. ―¿Ha na'? ―nacui̱ chaca yu li'. Lo'o jua'a̱ nacui̱ xi xa' la ngu'.

SAN JUAN 13:18

’Ná nchcui' na' ji'i̱ lcaa cu'ma̱. Jlo ti' na' ti ji'i̱ ngusubi na' cha' caca tsa'a̱ ngu' jna' ―nacui̱ Jesús―. Tya sa'ni nguscua ngu' sca cha' ji'i̱ ycui' Ndyosi lo quityi ndi'ya̱: “La cui' ñati̱ nu stu'ba ndyacu tyaja lo'o na', bi' laca nu xu̱u̱ tya'a lo'o na' juani”; jlo ti' na' cha' nga'a̱ cha' caca cha' bi' ―nacui̱ Jesús―.

SAN JUAN 13:22

Ndube tsa ti' ngu' nu ndyaca tsa'a̱ ji'i̱, nguxña'a̱ ngu' ji'i̱ tya'a ngu' li'; ná nda ngu' cuentya tsiya' ti ti ji'i̱ cha' nu nchcui' yu.