SAN MATEO 26:18 - Chatino Tataltepec

¹⁸ ―Tsaa ma̱ lquichi̱ ca su ndi'i̱ tya'a tso'o na' bi'. Ndi'ya̱ chcui' ma̱ lo'o: “Nacui̱ mstru ji'na cha' cua ngulala ti hora ji'i̱. Lo'o juani nti' ycui' nu cusu' bi' cacu si̱i̱ cuentya ji'i̱ ta'a pascua ca toni'i̱ jinu'u̱ lo'o nu ngu' nu ndyaca tsa'a̱ ji'i̱.”

SAN MATEO 26:18 Referans Kwoze

SAN JUAN 7:6

Li' nacui̱ Jesús: ―Tya lyiji tyalaa la cui' tyempo nu tya'a na' ca bi'. Cua ña'a̱ ca tsa̱ tso'o cha' tsaa cu'ma̱ ―nacui̱ Jesús―,

SAN JUAN 17:1

Lo'o ndye nchcui' Jesús cha' bi', li' nguxña'a̱ yu nde cua̱, lo'o jua'a̱ cui̱i̱ tsa nchcui' yu lo'o ycui' Ndyosi Sti yu: ―Chcui' na' lo'o nu'u̱, cha' nu'u̱ laca Sti na' ―nacui̱―. Cua ndyalaa hora 'na cha' caja̱a̱. Lo'o juani cua'ni nu'u̱ cha' caca tlyu la na', cha' laca na' Sñi' nu'u̱, cha' li' taca cua'ni na' cha' caca tlyu la ycui' nu'u̱.

SAN JUAN 13:1

Tyucuaa tsa̱ tya lijyi cha' caca ta'a pascua bi'; jlo ti' Jesús cha' cua ngulala tyempo ji'i̱, cha' tyu'u yu chalyuu re tyaa yu ca slo ycui' Ndyosi Sti yu. Xcui' cua ntsu'u tsa tyiquee Jesús ña'a̱ ji'i̱ ñati̱ chalyuu nu ngusñi cha' ji'i̱ yu; lo'o ña'a̱ ti tya ntsu'u tsa tyiquee yu ña'a̱ yu ji'i̱ ñati̱ bi' li', ña'a̱ cuayá' nu tye chalyuu ji'i̱.

SAN JUAN 7:30

Lo'o ndye nchcui' Jesús cha' bi', li' ndyalaa xi ngu' slo yu, ngua ti' ngu' cha' taya' ngu' ji'i̱ yu. Pana ni sca ngu' ná ndaya' ngu' ji'i̱ yu, cha' tya lyiji tyalaa tyempo ji'i̱ Ni cha' xñi ngu' ji'i̱ yu.

SAN JUAN 7:8

Yaa clya ycui' ca ma̱ ta'a bi'; ná tsa'a na', cha' tya lyiji tyalaa la cui' tyempo nu tya'a̱ ca bi'.

SAN JUAN 12:23

Lo'o li' nda Jesús sca cha' lo'o ngu': ―Cua ndyalaa hora cha' caca tlyu ycui' na' lo'o cajaa na', na' nu cua lijya̱a̱ chalyuu cha' caca̱ ñati̱ ―nacui̱ Jesús―.

SAN LUCAS 22:53

Lcaa tsa̱ lo'o nguti'i̱ na' lo'o cu'ma̱ ne' laa tonu bi', ni sca quiya' ná ngusacui̱ ya' cu'ma̱ 'na. Pana cua ngujui xi tyempo ji'i̱ ma̱ cha' cua'ni ma̱ cha' cuxi bi' juani, cha' cua nda nu xña'a̱ chacuayá' ji'i̱ ma̱; la cui' nu bi' laca loo ji'i̱ ma̱.

SAN JUAN 11:28

Ndye nchcui' Marta, li' ndyaa nu cuna'a̱ bi', cuaana ti ngusi'ya ji'i̱ María tya'a ngula: ―Cua tyalaa ti nu Mstru bi' juani ―nacui̱―. Nxi'ya yu jinu'u̱ cha' tsaa nu'u̱ slo yu.

SAN MARCOS 5:35

Lo'o tya nchcui' Jesús lo'o nu cuna'a̱ bi', li' ndyalaa sca msu ji'i̱ Jairo nu laca loo ne' laa bi', ndyacua tya'a lo'o ngu'. Nchcui' msu bi' lo'o xu'na cuentya ji'i̱ nu piti quicha: ―Cua ngujuii sñi' nu'u̱, cusu' ―nacui̱ msu ji'i̱ nu cusu' bi'―. Nga'aa ntsu'u la cha' chcui' nu'u̱ lo'o mstru re.

SAN MATEO 26:2

―Jlo ti' ma̱ cha' tucua ti tsa̱ lyiji cha' caca ta'a si̱i̱ ji'i̱ ta'a pascua, lo'o li' tejeya' ngu' xña'a̱ jna' nu cua nda Ni 'na lijya̱a̱ cha' caca na' ñati̱. Tyaa lo'o ngu' 'na cha' cujuii ngu' 'na lo crusi li'.

SAN MATEO 23:10

Lo'o jua'a̱ ná ta ma̱ chacuayá' ji'i̱ ñati̱ cha' chcui' ngu' ji'i̱ ma̱ cha' xu'na ngu' laca ma̱, cha' sca ti Cristo laca Xu'na ma̱ nu chañi ca.

SAN MATEO 23:8

’Pana cu'ma̱ ni, ná tso'o si ñacui̱ ngu' ji'i̱ ma̱ cha' mstru laca ma̱; tso'o la si sca ti cha' ntsu'u tyiquee ma̱ lo'o tya'a ma̱, cha' sca ti mstru ntsu'u ji'i̱ ma̱, bi' laca Cristo.

SAN MATEO 21:3

Pana si xcuane ngu' ji'i̱ ma̱: “¿Ni cña cua'ni ma̱ lo'o huru jua?” Li' ñacui̱ ma̱ ji'i̱ ngu' bi': “Ntsu'u cña cuentya ji'i̱ ycui' nu Xu'na na cha' cua'ni huru re”. Li' hora ti ta ngu' chacuayá' ji'i̱ ma̱ cha' ca̱a̱ ma̱ ca̱a̱ lo'o ma̱ ji'i̱ ni'.

SAN JUAN 20:16

―¡María! ―nacui̱ Jesús ji'i̱ li'. Lo'o li' nguxtyacui María na'a̱ su ndu̱ Jesús. ―¡Raboni! ―nacui̱. (Sca cha' hebreo laca; La Mstru 'na, jua'a̱ nti' ñacui̱ cha' bi'.)

SAN MATEO 26:49

bi' cha' ndyaa Judas bi' ca su ndu̱ Jesús cha' chcuicha' ji'i̱ yu. ―Nde ti ndu̱ nu'u̱, mstru ―nacui̱ Judas bi' ji'i̱ Jesús. Li' ndyacu Judas saca' Jesús.

SAN MATEO 26:19

Li' ndu'u ngu' nu ndyaca tsa'a̱ bi' ndyaa ngu' lquichi̱, ngua'ni ngu' lcaa cña nu cua ngulo Jesús ji'i̱ ngu'; ngua'ni cho'o ngu' lcaa na nu cua'nijo'o ji'i̱ ngu' cha' cacu ngu' si̱i̱ cuentya ji'i̱ ta'a pascua.