SAN MATEO 26:14 - Chatino Tataltepec

¹⁴ Lo'o Judas Iscariote ni, tya'a ndya'a̱ yu lo'o nu chaca tii chaca tya'a ngu' nu ndyaca tsa'a̱ ji'i̱ Jesús, ndu'u yu ndyaa yu slo sti jo'ó nu laca loo li'.

SAN MATEO 26:14 Referans Kwoze

SAN MATEO 10:4

ngusubi yu ji'i̱ Simón nu ngua ji'i̱ taju ngu' cananista, lo'o ji'i̱ Judas Iscariote nu cujui' cresiya ji'i̱ Jesús ji'i̱ ngu' cuxi ca tiya' la.

LOS HECHOS 1:16

―Cu'ma̱ tya'a ndi'i̱ na re ―nacui̱ Pedro ji'i̱ ngu' bi'―, nu ngua sa'ni nguxtyucua Xtyi'i ycui' Ndyosi ji'i̱ jyo'o cusu' David lo'o nguscua jyo'o bi' lo quityi ñi'ya̱ caca cña nu cua'ni jyo'o Judas nde loo la. Ycui' Judas ngulu'u tyucui̱i̱ ji'i̱ ngu' xña'a̱ lo'o ngusñi ngu' ji'i̱ Jesús preso; pana ñi'ya̱ nu ndyanu cha' caca ji'i̱ yu, jua'a̱ ngua cha' bi'.

SAN JUAN 13:30

Bi' cha' lo'o ndye ndyacu Judas tyaja bi', ngutu'u ndyaa ña'a̱ talya ti li'.

SAN JUAN 13:2

Laja li' cua ngua'ni nu xña'a̱ cha' ngua'ya cha' hique Judas sñi' Simón Iscariote cha' cujui' cresiya ji'i̱ Jesús ji'i̱ ngu' cuxi.

SAN MATEO 27:3

Lo'o nu Judas nu ndyujui' ji'i̱ Jesús ya' ngu' xña'a̱ bi' ni, na'a̱ yu cha' cua cujuii ti ngu' ji'i̱ Jesús; ngua xñi'i̱ ti' yu li'. Hora ti ndya yu nu calaa tyii cñi plata ji'i̱ ngu' nu laca loo bi' chaca quiya'.

SAN MATEO 26:47

Laja lo'o nchcui' Jesús jua'a̱, li' ndyalaa Judas slo. La cui' tya'a ngu' nu ndyaca tsa'a̱ ji'i̱ Jesús laca nu Judas bi'. Lo'o jua'a̱ quiña'a̱ tsa xa' la ñati̱ lijya̱ lo'o yu, nu ntsu'u maxtyi cusu̱u̱ ya', nu ntsu'u yaca ya'; lijya̱ ngu' tyaala bi' cña nu ngulo sti jo'ó nu laca loo, la cui' jua'a̱ cña nu ngulo lcaa ngu' cusu' nu laca loo lijya̱ ngu'.

SAN JUAN 18:2

Lo'o nu Judas nu cua ndyujui' cresiya ji'i̱ Jesús ji'i̱ ngu' cuxi ni, lo'o Judas jlo ti' mala su ndyaa ngu', cha' cua tyu̱u̱ quiya' ndyu'u ti'i̱ ngu' nu ndyaca tsa'a̱ ji'i̱ lo'o Jesús ca bi'.

SAN MATEO 26:25

Lo'o Judas nu ngua'ni cha' cuxi bi', lo'o yu bi' nchcuane yu ji'i̱ Jesús li': ―Mstru ―nacui̱ Judas bi' ji'i̱ Jesús―, ¿ha na' laca̱ nu ta̱ jinu'u̱ ya' ngu' xña'a̱? ―La cui' nu'u̱ ―nacui̱ Jesús ji'i̱ Judas li'.

SAN JUAN 12:4

Nga'a̱ Judas sñi' Simón Iscariote lo'o ngu', cha' ñati̱ nu ndyaca tsa'a̱ ji'i̱ Jesús laca. La cui' bi' laca nu cujui' cresiya ji'i̱ Jesús ji'i̱ ngu' cuxi ca tiya' la. Na'a̱ nu Judas bi' ñi'ya̱ nu ngua'ni María, lo'o li' lye nchcui' ni cha' laca ngua'ni María jua'a̱:

SAN JUAN 13:26

―Ndi'ya̱ cua'ni na' ―nacui̱ Jesús ji'i̱ li'―. Ta'a̱ na' sa yu'be tyaja 'na ne' ca'ña scuaa re. Ñati̱ nu ta na' yu'be tyaja bi' ji'i̱ cha' cacu, nu bi' laca nu ni na' ji'i̱ ma̱. Li' nda'a̱ Jesús sa yu'be tyaja ne' ca'ña, nda ji'i̱ Judas, sñi' Simón Iscariote.

LOS HECHOS 1:18

Lo'o li' ndyaa jyo'o bi' ngüi'ya sca yuu lo'o caya' nu nda ngu' ji'i̱ yu cha' ngua'ni yu cha' cuxi, nu lo'o ndyujui' yu cresiya ji'i̱ Jesús ji'i̱ ngu' xña'a̱ bi'. Ycui' ca yu nguxtyú yu ji'i̱ yu lo yuu, ngutaa' ne' yu ndu'u tri se'i̱ yu, ngujuii yu li'.