SAN MATEO 26:13 - Chatino Tataltepec

¹³ Cha' liñi chcui' na' lo'o ma̱ juani, cha' lcaa su cañi cha' jna' tyucui ña'a̱ chalyuu, ca bi' cuna ngu' lcaa cha' nu ngua'ni nu cuna'a̱ re juani, cha' tyi'u ti' ngu' cha' tso'o tsa cña nu ngua'ni nu cuna'a̱ re.

SAN MATEO 26:13 Referans Kwoze

SAN MARCOS 14:9

Chañi cha' nu chcui' na' lo'o ma̱ juani, cha' lcaa su cañi cha' jna' tyucui ña'a̱ chalyuu, ca bi' cuna ñati̱ lcaa cha' nu ngua'ni nu cuna'a̱ re juani, cha' tyi'u ti' ngu' cha' tso'o tsa cña nu ngua'ni nu cuna'a̱ re.

SAN MATEO 24:14

Ntsu'u cha' culu'u ma̱ cha' jna' ji'i̱ ñati̱, lcaa cha' tso'o nu nchcui' na', ñi'ya̱ caca lo'o laca ycui' Ndyosi loo ne' cresiya ji'i̱ ñati̱; ntsu'u cha' chcui' ma̱ cha' bi' lo'o ñati̱ tyucui ña'a̱ chalyuu, cha' caca cuayá' ti' ngu' ji'i̱ cha' bi' nde lcaa nasiyu̱. Lo'o li' tye chalyuu.

HEBREOS 6:10

Lo'o jua'a̱ liñi tsa ndu'ni ycui' Ndyosi lo'o na. Ná cjlyaa ti' Ni lcaa cha' tso'o nu cua ndyu'ni ma̱, nu lo'o nxtyucua ma̱ ji'i̱ ngu' tya'a ngusñi na cha' ji'i̱ Jesús, cha' cua quiña'a̱ xi cña ndyu'ni ma̱ cuentya ji'i̱ ngu' bi'. Xqui'ya cha' ndyu'ni ma̱ jua'a̱, bi' cha' jlo ti' xa' ñati̱ cha' ntsu'u tsa tyiquee ma̱ ji'i̱ Jesús, cha' ña'a̱ ti tya ndyu'ni ma̱ cha' tso'o lo'o ngu' juani.

APOCALIPSIS 14:6

Na'a̱ na' ndyaa chaca xca̱ ji'i̱ ycui' Ndyosi li', nu cua̱ tsa ndacui ndyaa; ndyalo'o bi' ji'i̱ sca cha' tso'o nu ngua ti' ycui' Ndyosi chcui' lo'o lcaa ñati̱ chalyuu, sca cha' nu ndulo tsa ji'i̱ ñati̱ cha' cuna ngu'. Lcaa tyempo ná tye chca cha' bi'. Slo lcaa lo ñati̱ chalyuu tyucui ña'a̱ chalyuu mala su ndi'i̱ ñati̱, cua ña'a̱ ca quichi̱ tyi ngu', ñati̱ nu nchcui' cua ña'a̱ ca lo cha'cña nu nchcui' ñati̱ chalyuu, ca bi' ndyaa xca̱ bi', cha' chcui' lo'o lcaa ñati̱.

1 TIMOTEO 2:6

Nda Jesucristo chacuayá' cha' ndyujuii ngu' ji'i̱ yu cua tsubi' la; jua'a̱ nda yu caya' lo qui'ya nu ntsu'u ji'i̱ ñati̱ chalyuu, nu lo'o ngujuii yu lo crusi. Ngua'ni ycui' Ndyosi cña bi' la cui' hora lo'o ngua ti' Ni cha' cua'ni Ni ji'i̱.

COLOSENSES 1:23

Pana juani ña'a̱ ti ndulo tsa cha' ji'i̱ ma̱ cha' tyanu tachaa la cha' ji'i̱ Cristo ne' cresiya ji'i̱ ma̱, cha' ycui' yu bi' laca su̱u̱ lcaa cha' bi'. Ná ta ma̱ chacuayá' cha' cñilo'o ngu' ji'i̱ ma̱, cha' si jua'a̱, nga'aa culacua ti' ma̱ ji'i̱ cha' tso'o nu tyacua ji'i̱ ma̱ nde loo la, la cui' cha' nu cua ndyuna ma̱ ji'i̱ tya clyo. Xqui'ya cha' tso'o ji'i̱ Cristo bi', bi' cha' ndya'a̱ ngu' tyucui ña'a̱ chalyuu nchcui' ngu' cha' bi' lo'o ñati̱. Lo'o jua'a̱ na', Pablo, ndya'a̱ tsa na' lo cña bi'.

COLOSENSES 1:6

Cua lijya̱ ngañi la cha' tso'o ji'i̱ Jesús bi' tyucui ña'a̱ chalyuu, lo'o jua'a̱ lijya̱ ndyaca tso'o la cresiya ji'i̱ ñati̱ macala su nduna ngu' cha' bi'. La cui' jua'a̱ ndyaca tya lo'o ndyuna ma̱ cha' bi' tya clyo; tya li' cua ndyuna ma̱ cha' ndu'ni tsa ycui' Ndyosi cha' xlya'be lo'o ñati̱, li' ngua cuayá' ti' ma̱ cha' chañi tsa laca cha' bi'.

2 CORINTIOS 10:18

Si'i na taquiya' tso'o la Ni ji'i̱ ñati̱ nu nchcui' tsa ji'i̱ cña nu ndyu'ni ycui' ca ngu'; nu lo'o tso'o ti nti' Ni ña'a̱ Ni ji'i̱ ñati̱, li' taquiya' Ni ji'i̱ cña nu ndyu'ni ngu' bi'.

ROMANOS 15:19

Ngua'ni Ni cña tonu nu ná ca cua'ni ñati̱ chalyuu, cha' cube ti' xa' ñati̱ cha' ycui' Ndyosi laca nu ndyu'ni cña bi'. Jua'a̱ ngua cha' cua ndya'a̱ na' ndi'i̱ na' ca loyuu tyijyu' la. Nguxana na' nde quichi̱ Jerusalén, ña'a̱ cuayá' ndyalaa na' loyuu su cuentya Ilírico. Lcaa quichi̱ su ndya'a̱ na', quiña'a̱ tsa cha' tso'o ji'i̱ Cristo nda na' lo'o ngu' ña'a̱ cuayá' nu ngua 'na.

ROMANOS 10:18

Nti' na' xcuane na' sca cha' ji'i̱ cu'ma̱: ¿Ha bilya cuna ngu' judío cha' ji'i̱ Cristo lacua? Cua ndyuna ngu', cha' cua nscua sca cha' lo quityi cusu' nu nchcui' ndi'ya̱: Tyucui ña'a̱ chalyuu nguañi cha' nu nda ngu' lo'o; lcaa se'i̱ ndyalaa cha' nu nchcui' ngu', masi ca su cua tyijyu' la cua ndyalaa cha' bi'. Jua'a̱ nchcui' quityi.

SAN LUCAS 24:47

Li' ntsu'u cha' ta ngu' cha' ji'i̱ ycui' na' lo'o ñati̱ tyucui ña'a̱ chalyuu. Nde Jerusalén xana ma̱ cacha' ma̱ cha' bi' ji'i̱ ngu' clyo. Nga'a̱ cha' chcui' ma̱ lo'o ñati̱ cha' ca tyuju'u ti' ngu' ji'i̱ cha' cuxi nu ntsu'u tyiquee ngu', cha' xtyanu ngu' ji'i̱ cha' cuxi nu ndu'ni ngu'; li' cua'ni clyu ti' ycui' Ndyosi ji'i̱ lcaa qui'ya nu ntsu'u ji'i̱ ngu'.

SAN MARCOS 16:15

―Tsaa ma̱ tyucui ña'a̱ chalyuu ―nacui̱ Jesús ji'i̱ ngu' bi' li'―. Ta ma̱ cha' lo'o lcaa ñati̱ cuentya jna'. Chcui' ma̱ lo'o ngu' cha' taca clyaá ngu' ji'i̱ nu cuxi xqui'ya na'.

SAN MARCOS 13:10

Pana tya lyiji tye chalyuu li', cha' clyo ntsu'u cha' cañi cha' tso'o cuentya jna' slo lcaa ñati̱ tyucui ña'a̱ chalyuu.

SAN MATEO 28:19

Yaa ma̱ lcaa quichi̱ nde chalyuu cha' ca tsa'a̱ lcaa ñati̱ cha' jna'. Li' tyucuatya ma̱ ji'i̱ ngu' chacuayá' ji'i̱ ycui' Ndyosi Sti na', jua'a̱ chacuayá' jna' nu laca̱ Sñi' ycui' Ndyosi, jua'a̱ chacuayá' ji'i̱ Xtyi'i ycui' Ndyosi.

LOS HECHOS 10:4

Ndyutsi̱i̱ tsa Cornelio lo'o na'a̱ yu ji'i̱ xca̱ bi' li'. ―Xu'na ―nacui̱ yu―, ¿ñi'ya̱ cha' laca nti' nu'u̱ jna'? ―Cua ndyuna ycui' Ndyosi cha' nu cua nchcui' nu'u̱ lo'o Ni ―nacui̱ xca̱ bi'―. Lo'o jua'a̱ cua na'a̱ Ni cha' tso'o tsa ndu'ni nu'u̱ lo'o ngu' ti'i, bi' cha' cua ndyi'u ti' ycui' Ndyosi jinu'u̱.