SAN MATEO 25:8 - Chatino Tataltepec

⁸ Li' ndyi'u ti' ngu' cuna'a̱ tonto bi' ji'i̱ setye. ¿Ma caja bi'? Li' ngüijña ngu' bi' ji'i̱ tya'a ngu': “Ta ma̱ xi setye ji'i̱ cuare, cha' cua tyubi' ti candil ji'i̱ cua”, nacui̱ ngu' tonto bi'.

SAN MATEO 25:8 Referans Kwoze

SAN LUCAS 12:35

’Tii ti ti' ma̱ tyi'i̱ ma̱ chalyuu cha' caca cua'ni yala ma̱, ñi'ya̱ lo'o ndu'ni yala ngu' msu nu ndi'i̱ na'a̱si̱i̱ ni'i̱ ji'i̱ ngu'. Talya laca lo'o cua ndyaa xu'na ni'i̱ bi' ta'a su caja clyo'o ngu'. Tya tii msu bi', tya lacu' ngu' ste' ngu', ña'a̱ ti ntsu'u xee ni'i̱ bi' su ndyanu ngu' msu to' tyi xu'na ngu'; tya tii ngu' cha' ntajatya ngu' ji'i̱ xu'na ngu', ni jacua' tyalaa ycui' xu'na bi'. Lo'o tyalaa ycui', cujui'i̱ ya' yu toni'i̱ nde liya', yala ti saala msu bi' toni'i̱ ji'i̱ li'.

HEBREOS 4:1

Cha' nu laca juani, cua nguxtyanu Ni sca cha' lo'o na, cha' taca tyalaa na ca slo Ni, cha' tyi'i̱ tso'o ti na ca bi'. Tso'o si cube ti' na ji'i̱ lcaa ngu' tya'a na, cha' ná tyu'utsu' ni tsaca ngu' ji'i̱ tyucui̱i̱ liñi nu tsaa ca su tyi'i̱ na lo'o ycui' Ndyosi.

APOCALIPSIS 3:9

Ntsu'u xi taju ñati̱ nu cuiñi ti nda cha' lo'o tya'a ngu' cha' ñati̱ jna' laca ngu'; liñi la ñacui̱ na cha' ntsu'u cha' ji'i̱ ngu' bi' lo'o Satanás. Ca tiya' la xi cuane na' ji'i̱ ngu' bi', cha' tya̱a̱ ngu' ca slo cu'ma̱, tyu̱ sti̱' ngu' slo ma̱ cha' cua'ni tlyu ngu' ji'i̱ ma̱ li'; caca cuayá' ti' ngu' jua'a̱ cha' tyaca'a tsa cu'ma̱ 'na.

SAN LUCAS 16:24

Li' ngusi'ya nu culiya' bi' ji'i̱ Abraham: “Sti ya Abraham, cua'ni tya'na ti' nu'u̱ jna'. Ta nu'u̱ ji'i̱ Lázaro jua cha' ca̱a̱ ca̱lo'o xi hitya cha' co'o na', masi lo'o sne ti yu cuicha' yu xi tu'ba na' cha' ca'ya tyacala' xi ltse' na', cha' lye tsa tyique' nti' na' su ntsu'u na' lo quii' re.”

SAN LUCAS 8:18

’Bi' cha' cua'a̱ tso'o jyaca̱ ma̱. Nu ñati̱ nu jlya ti' cha' nu ndyaca tsa'a̱ ngu' ji'i̱ Ni ni, tya ta la ycui' Ndyosi cha' lo'o ngu' bi'; pana ñati̱ nu ná jlya ti', nu ná nti' ca tsa'a̱ ngu', cua'ni ycui' Ni cha' ná caca ji'i̱ ngu' bi' ca tsa'a̱ ngu' cha' ji'i̱ ycui' Ni tsiya' ti.

SAN MATEO 3:9

Ná culacua ti' ma̱ cha' caca tso'o ji'i̱ ma̱ slo ycui' Ndyosi si xcui' ndyi'u ti' ma̱ ji'i̱ jyo'o cusu' ji'i̱ ma̱, nu cusu' Abraham bi'. Ná talo ycui' Ni ji'i̱ cha' cuxi nu ndu'ni ma̱ tsiya' ti, masi ñati̱ tya'a ji'i̱ jyo'o Abraham laca ma̱, nchcui' ma̱. Na cuiñi ma̱. Si nti' ycui' Ndyosi, taca ji'i̱ Ni cuiñá Ni ji'i̱ ñati̱ tya'a ji'i̱ jyo'o Abraham, masi lo'o quee to' sta'a̱ re, taca ji'i̱ Ni si nti' Ni. Nga'aa taquiya' Ni ji'i̱ cu'ma̱ li'.

LOS HECHOS 8:24

Nguxacui̱ Simón cha' ji'i̱ ngu' li': ―Cua'ni ma̱ cha' tso'o chcui' ma̱ lo'o ycui' nu Xu'na na cuentya jna' ―nacui̱ Simón ji'i̱ ngu'―, cha' cui'ya Ni cha' clyu ti' 'na ―nacui̱―, cha' nga'aa cua'ni ycui' Ndyosi ñi'ya̱ nu nacui̱ ma̱ jna'.

SAN MATEO 25:1

’Ta na' chaca cha' lo'o ma̱ cha' ca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱: Ndyaa tii tya'a nu cuna'a̱ cuañi' ca to' tyi sca nu cuna'a̱ nu laca cuxi̱i̱ ji'i̱ ngu'; ntsu'u candil ji'i̱ ca ta'a tii tya'a ngu', cha' jatya ngu' ji'i̱ cutsii.

SAN MATEO 25:7

Hora ti ngue ti' lcaa ngu' cuna'a̱ bi' li', ngusi'yu ngu' nchcubi' ntucua lo mecha ji'i̱ candil ji'i̱ ngu', lo'o cua su'ba ti ngu' xa' setye ne' candil bi'.

SAN MATEO 25:9

“Setye nu ntsu'u ne' caatya̱ ji'i̱ cua, ná tyu'u scua ji'i̱ ca ta'a na cha' tyu'u ne' candil ji'i̱ lcaa na”, nacui̱ ngu' cuna'a̱ bi'. “Tso'o la yaa clya ma̱ ca tienda cha' cui'ya ma̱ la xi.”