SAN MATEO 25:6 - Chatino Tataltepec

⁶ Cla'be talya tsiya' ti nguañi ngusi'ya sca ñati̱: “Cua lijya̱ cutsii juani”, nacui̱. “Tyu'u clya ma̱ nde liya' cha' tsaa ma̱ tyacua tya'a ma̱ lo'o yu, cha' tya̱a̱ lo'o ma̱ ji'i̱ nde ni'i̱.”

SAN MATEO 25:6 Referans Kwoze

2 PEDRO 3:10

Chañi cha' tyalaa tsa̱ bi' lo'o ca̱a̱ ycui' nu Xu'na na chaca quiya', pana ná jlo ti' na ni tsa̱ caca bi'. Ñi'ya̱ laca si cua ca̱a̱ ti sca nu cuaana to' tyi na lo'o ná jlo ti' na, jua'a̱ caca tsa̱ bi'. Cati̱ jua'a̱ ti lcaa na nu ntsu'u nde cua̱, lye tsa cañi cha' bi'; lo'o li' tye tsiya' ti tyaqui̱ lcaa na nu ntsu'u nde cua̱. Jua'a̱ tyucui ña'a̱ chalyuu ni, tye tsiya' ti li'.

SAN MATEO 25:1

’Ta na' chaca cha' lo'o ma̱ cha' ca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱: Ndyaa tii tya'a nu cuna'a̱ cuañi' ca to' tyi sca nu cuna'a̱ nu laca cuxi̱i̱ ji'i̱ ngu'; ntsu'u candil ji'i̱ ca ta'a tii tya'a ngu', cha' jatya ngu' ji'i̱ cutsii.

SAN MATEO 24:44

Lo'o jua'a̱ lcaa tsa̱ ntsu'u cha' tii ti' tyi'i̱ ma̱ chalyuu, cha' ná tyiquee' tsa tsiya' ca tyu'u tucua na' ca̱a̱ na' nu cua nda Ni 'na lijya̱a̱ cha' caca na' ñati̱. ¿Ñi'ya̱ cua'ni ma̱ si ná ndi'i̱ ma̱ tii ti ti' ma̱ li'?

SAN MATEO 24:31

Nu lo'o lye cañi cui' chcua̱, li' culo na' cña ji'i̱ quiña'a̱ tsa tya'a xca̱ 'na cha' ca̱a̱ xca̱ bi', cha' xuti'i̱ se'i̱ ti ji'i̱ lcaa ñati̱ nu cua ngusubi ycui' Ni ji'i̱; macala su ndi'i̱ ngu' tyucui ña'a̱ chalyuu tyu'u ngu' ca̱a̱ ngu' li'.

APOCALIPSIS 16:15

“Cua'a̱ jyaca̱ ma̱”, nacui̱ Jesús, “tsiya' ca tyu'u tucua na' tya̱a̱ na' ñi'ya̱ nti' sca nu cuaana. Tso'o caca tyiquee ñati̱ nu tii ti ti' tyi'i̱ chalyuu, xqui'ya cha' ngusñi ngu' cha' jna'; nga'aa ca tyuju'u ti' ngu' bi' slo ñati̱ lo'o tyalaa hora nu tya̱a̱ na' li'.” Jua'a̱ nacui̱ Jesús ji'i̱ ñati̱ ji'i̱ Ni.

1 TESALONICENSES 4:16

Ndi'ya̱ caca cha' lo'o tyalaa tsa̱ bi': Nde cua̱ ca̱a̱ ycui' nu Xu'na na, ca'ya Ni lo yuu; li' stu'ba ti cañi Xtyi'i ycui' Ni lo'o xtyi'i xca̱ ji'i̱ Ni nu laca loo, jua'a̱ cañi cui'chcua̱ ji'i̱ ycui' Ndyosi li'. Clyo tyacuí̱ lcaa jyo'o ñati̱ ji'i̱ Jesucristo tyaa ngu' nde cua̱;

SAN LUCAS 12:46

Lo'o li' tsiya' ca tyu'u tucua xu'na yu sca tsa̱ lo'o ná tii yu. Ná jlo ti' yu ni hora tyu'u tucua ycui' nu xu'na yu chaca quiya', la cui' ti ná jlya ti' yu si tyalaa xu'na yu tsa̱ bi'. Li' ti'í tsa xcube' xu'na yu ji'i̱ yu xña'a̱ bi'. Stu'ba ti tsaa yu ca bilyaa cha' chcube' yu lo'o ñati̱ nu ná ndaquiya' ji'i̱ ycui' Ndyosi tsiya' ti.

SAN LUCAS 12:20

Li' nchcui' ycui' Ndyosi lo'o yu: “Tonto tsa nclyacua ti' nu'u̱. Talya ndyi ti cajaa nu'u̱”, nacui̱ Ni ji'i̱ nu culiya' bi'. “¿Ti ji'i̱ tyanu lcaa cha' tso'o nu cua nguxco'o ca ti nu'u̱, cha' caja jinu'u̱ nquicha'?” nacui̱ Ni ji'i̱ nu culiya' bi'.

SAN MATEO 25:31

’Nu lo'o tya̱a̱ na' nu cua nda Ni 'na lijya̱a̱ cha' caca na' ñati̱, ca̱a̱ na' cha' caca na' loo tsiya' ti ji'i̱ ñati̱. Stu'ba ti ca̱a̱ na' lo'o lcaa ngu' xca̱ 'na, lo'o li' tyaca'a̱ na' su tlyu su cua cua̱ la xi, sca se'i̱ su ndubi tsa ña'a̱ laca bi'. Ca bi' cua'ni cuayá' na' ji'i̱ lcaa ñati̱ li'.

SAN MATEO 25:5

Lo'o li' tyiquee' tsa ntajatya ngu' ji'i̱ nu cutsii bi'; ngua'ya tsa xcalá ngu', ngujua' ngu' li'.

SAN MATEO 25:7

Hora ti ngue ti' lcaa ngu' cuna'a̱ bi' li', ngusi'yu ngu' nchcubi' ntucua lo mecha ji'i̱ candil ji'i̱ ngu', lo'o cua su'ba ti ngu' xa' setye ne' candil bi'.