SAN MATEO 25:42 - Chatino Tataltepec

⁴² Cu'ma̱ ni, ná nda ma̱ na cacu na' tsiya' ti lo'o ntyute' tsa na' nguti'i̱ na' nde chalyuu; ná nda ma̱ hitya co'o na' lo'o ngüityi na' hitya li';

SAN MATEO 25:42 Referans Kwoze

2 TESALONICENSES 1:8

Li' xcube' ycui' Ndyosi ji'i̱ cua ña'a̱ ca ñati̱ nu ná ntaja'a̱ taquiya' ji'i̱ Ni, lo'o jua'a̱ xcube' Ni ji'i̱ ñati̱ nu ná ntaja'a̱ xñi cha' tso'o ji'i̱ ycui' Jesús nu Xu'na na.

1 CORINTIOS 16:22

Chaca tya cha' chcui' na' lo'o ma̱ juani: Si ntsu'u ngu' tya'a ndyu'u ti'i̱ ma̱ nu ná liñi cha' tso'o ntsu'u tyiquee ngu' ña'a̱ ngu' ji'i̱ ycui' nu Xu'na na, xtyanu ti'i̱ ma̱ ji'i̱ ngu' li', cha' xcube' ycui' Ndyosi ji'i̱. ¡Tya̱a̱ nu'u̱, Xu'na, ca su ndi'i̱ ya!

SAN JUAN 5:23

Cua nti' Ni cha' cua'ni chi̱ lcaa ñati̱ loo na' ñi'ya̱ nu ndu'ni chi̱ ngu' loo ycui' Ni. Pana si ná tyaja'a̱ ñati̱ cua'ni chi̱ ngu' loo na' nu laca̱ Sñi' ycui' Ni, la cui' jua'a̱ ná taca cua'ni chi̱ ngu' loo ycui' Ndyosi nu nda 'na lijya̱a̱.

SAN MATEO 12:30

’Ñati̱ nu ná ntaja'a̱ xñi cha' jna', na nxu̱u̱ tya'a ngu' bi' lo'o na', jua'a̱ ndyu'u cha' bi'. Lo'o jua'a̱ ñati̱ nu ná nxtyucua 'na, na ndaca'a ngu' bi' ji'i̱ tya'a ñati̱ ngu' cha' ná xñi tya'a ngu' cha' jna' lacua.

1 JUAN 4:20

Ngu' nu ñacui̱ ndi'ya̱: “Ntsu'u tsa tyiquee na' ña'a̱ na' ji'i̱ ycui' Ndyosi”, lo'o li' ña'a̱ ti tya liye' ti' ngu' bi' ña'a̱ ngu' ji'i̱ tya'a ngu', cha' cuiñi ti laca nu nchcui' ngu' bi'. Ndi'ya̱ ndyu'u cha' bi': taca ña'a̱ na ji'i̱ tya'a ñati̱ na, pana ycui' Ndyosi ni, bilya ña'a̱ na ji'i̱ Ni tsiya' ti; bi' cha' lacua, si ná ntsu'u tyiquee na ña'a̱ na ji'i̱ tya'a ngusñi na cha' ji'i̱ Jesucristo, li' ná taca ñacui̱ na cha' ntsu'u tyiquee na ña'a̱ na ji'i̱ ycui' Ndyosi Sti na.

SAN JUAN 14:21

Lcaa ñati̱ nu chañi cha' ntsu'u tyiquee ngu' ña'a̱ ngu' jna', bi' laca ñati̱ nu cua'a̱ jyaca̱ ji'i̱ lcaa cha' nu chcui' na' lo'o ngu'; taquiya' ngu' bi' ji'i̱ cha' bi' ―nacui̱―. Lo'o ntsu'u tsa tyiquee ngu' ña'a̱ ngu' jna', jua'a̱ Sti na' ntsu'u tyiquee Ni ña'a̱ Ni ji'i̱ ngu' bi' li'. Lo'o na', tso'o tsa caca tyiquee na' ña'a̱ na' ji'i̱ ngu' bi', cuati culu'u na' ji'i̱ ngu' bi' lcaa cha' ñi'ya̱ nu laca ycui' Na'.

SAN MATEO 25:35

Cu'ma̱ ni, cua nguxacu ma̱ 'na lo'o ntyute' na' nguti'i̱ na' nde chalyuu; nu lo'o nguityi na' hitya, cua nda ma̱ hitya ndyi'o na' li'; masi ná ndyuloo ma̱ 'na, pana cua nda ma̱ to' tyi ma̱ cha' nguti'i̱ na' li';

SAN MATEO 4:2

Lo'o li' tu'ba tsa̱ tu'ba talya ná ndyacu Jesús tsiya' ti, ntyute' tsa yu li'.

SAN MATEO 25:41

’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.

SAN MATEO 25:43

ná nda ma̱ su tyi'i̱ na' slo ma̱ li', cha' ná ndyuloo ma̱ 'na; ni ná nda ma̱ late' cacu' na' lo'o quichi' ti na' nguta'a̱ na' li'; ná ndyaa na'a̱ ma̱ 'na lo'o ngua quicha na', ni ná ndyaa ma̱ slo na' lo'o nga'a̱ na' ne' chcua̱.”