SAN MATEO 25:25 - Chatino Tataltepec

²⁵ Bi' cha' ndyutsi̱i̱ na', lo'o li' ndyaa na' nguxatsi' na' cñi jinu'u̱ ne' yuu. Nde laca cñi jinu'u̱ lacua.”

SAN MATEO 25:25 Referans Kwoze

ROMANOS 8:15

Na cua nda ycui' Ndyosi Xtyi'i Ni ji'i̱ ma̱, cha' ndu'ni Xtyi'i Ni cha' caca ma̱ sñi' ycui' Ndyosi; ndu'ni bi' cha' ndi'ya̱ taca chcui' na lo'o ycui' Ndyosi: “Sti ya”, ñacui̱ na ji'i̱ Ni. Si'i cha' cuxi ndu'ni Xtyi'i Ni nu lo'o nclyo bi' cña ji'i̱ ma̱, si'i cha' xcutsi̱i̱ ji'i̱ ma̱ ñi'ya̱ nu ntsi̱i̱ ma̱ cua sa'ni la, si'i jua'a̱ cña ndu'ni nu bi'.

APOCALIPSIS 21:8

Pana lcaa ñati̱ nu ntsi̱i̱ tsa cha' tyu'u cha' ji'i̱ lo'o na', jua'a̱ ñati̱ nu ná ndaquiya' jna' tsiya' ti, jua'a̱ nu chiya'a̱ tsa ndu'ni, jua'a̱ nu ndujuii ji'i̱ tya'a ñati̱, jua'a̱ nu ndu'ni suba' lo'o nu cuna'a̱, jua'a̱ nu cucha'a̱, jua'a̱ ñati̱ nu jlya tsa ti' ji'i̱ cha' cucha'a̱, jua'a̱ ñati̱ nu ndu'ni tlyu ji'i̱ lcui̱ jo'ó, jua'a̱ nu cuiñi, lcaa ngu' bi' tyaa ngu' ca lo tayu' tlyu ca su ntsu'u quii' nu ndyaqui̱ lo'o yuu sufri. Lcaa ngu' nu cua ndyaa nde tayu' bi' ni, cua ndyaa ngu' nde chalyuu talya; cua ndye cha' ngujuii ngu' tsiya' ti li'.

SAN MATEO 25:24

Lo'o li' ndyalaa chaca msu nu nda xu'na sca mil cñi ji'i̱ yu. “Xu'na”, nacui̱ msu bi', “jlo ti' na' cha' ñati̱ tiji tsa laca nu'u̱, cha' ndu'ni nu'u̱ clacua masi xa' ñati̱ ngua'ni cña bi'; jua'a̱ nscua' nu nchcuá' xa' ñati̱, bi' laca nu caja jinu'u̱.

SAN MATEO 25:26

Ngua ñasi̱' xu'na lo'o msu bi' li'. “Sca msu xña'a̱ laca nu'u̱”, nacui̱ xu'na ji'i̱ msu bi'. “Taja tsa nu'u̱”, nacui̱. “Nacui̱ nu'u̱ cha' jlo ti' nu'u̱ ñi'ya̱ nu ndu'ni na', cha' nxuti'i̱ na' ltya masi ná ndyataa na' nscua'; lo'o jua'a̱ tyaa lo'o na' ji'i̱ nscua' masi ná ngua'ni na' cña ji'i̱”, nacui̱ nu'u̱.