SAN MATEO 25:16 - Chatino Tataltepec

¹⁶ Hora ti ndyaa msu nu ntsu'u ca'yu mil cñi plata ji'i̱, ngüi'ya yu yu'ba lo'o cñi bi'. Li' ndyujui' yu yu'ba bi', ngua'ni yu ngana ña'a̱ cuayá' nu ngujui chaca ca'yu mil cñi plata ji'i̱.

SAN MATEO 25:16 Referans Kwoze

2 TIMOTEO 2:6

Chaca cha' ni, sca ñati̱ nu tlyu tsa cña ngua'ni lo xtya̱ ji'i̱ yu, clyo cacu ycui' yu na nu ndyu'u lo xtya̱ bi'.

LOS HECHOS 13:36

Ngua'ni jyo'o David cña ji'i̱ ycui' Ndyosi lcaa tyempo lo'o nguti'i̱ nu cusu' bi' chalyuu. Lo'o ngujuii yu, li' nguxatsi' ngu' ji'i̱ se'i̱ ti lo'o xa' la jyo'o cusu' ji'na; ndye cuaña' yu ngutsu' li'.

1 CORINTIOS 15:10

Pana tya'na ti' ycui' Ndyosi, bi' cha' tso'o ti ntsu'u tyiquee Ni ña'a̱ Ni jna'; jua'a̱ ngua'ni Ni cha' ndya'a̱ na' cña ji'i̱ Ni li'. Ni si'i na nguliji yu'u cha' bi' jua'a̱ ti lo'o ngua'ni Ni cha' tso'o lo'o na'; masi lo'o nu xa' la ngu' tya'a ya ndyu'ni ngu' la cui' cña nu ndyu'ni na', pana tlyu la cña ntsu'u jna' que ngu' bi'. Si'i na nchca tsa 'na, pana ycui' Ndyosi laca nu ndu'ni lo'o na' cha' caca chcui' na' lo'o ñati̱, cha' tso'o ti ntsu'u tyiquee Ni ña'a̱ Ni 'na.

SAN MATEO 18:24

Lo'o nguxana ca ti nclyacua ti' rey jua'a̱, hora ti ndu'u tucua ngu' slo rey bi', ñaa lo'o ngu' ji'i̱ sca msu nu ndacui tyu̱u̱ tsa miyu̱ paxu ji'i̱.

SAN MATEO 25:17

Lo'o jua'a̱ ngua'ni chaca msu nu ntsu'u tucua mil cñi plata ji'i̱, ngua'ni yu ngana ña'a̱ cuayá' nu ngujui chaca tyucuaa mil cñi plata ji'i̱ yu.

SAN LUCAS 19:13

Nu lo'o tya lyiji tsaa yu, li' ngusi'ya yu ji'i̱ tii tya'a ñati̱ nu laca msu ji'i̱ yu, cha' ta yu sca cñi ji'i̱ scaa ngu', sca cñi oro nu quiña'a̱ ntsu'u loo. Li' nacui̱ yu ji'i̱ ngu' msu bi': “Cua'ni ma̱ ngana lo'o cñi re tyucui tyempo nu tsa'a̱ juani, ña'a̱ cuayá' nu tya̱a̱ na' chaca quiya'”, nacui̱ yu ji'i̱ ngu'.