SAN MATEO 25:14 - Chatino Tataltepec

¹⁴ ’Lo'o jua'a̱, ta na' chaca cha' lo'o ma̱, cha' ca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱: Cua tsaa ti sca nu culiya' tyijyu', bi' cha' ngusi'ya yu ji'i̱ ca ta'a msu ji'i̱, cha' ca̱a̱ ngu' slo. Li' nguxtyanu xu'na ngu' xi cñi ji'i̱ scaa msu bi', cha' cua'ni ngu' cña lo'o cñi bi' cuentya ji'i̱ ycui' nu culiya' bi'.

SAN MATEO 25:14 Referans Kwoze

SAN MARCOS 13:34

Ñi'ya̱ laca lo'o cua tsaa ti sca ñati̱ tlyu tyijyu': lo'o cua tsaa ti yu, ta yu cña ji'i̱ msu cha' ña'a̱si̱i̱ ngu' to' tyi yu, sca cña scaa msu bi'; cuati culo nu xu'na ni'i̱ bi' cña ji'i̱ nu qui'yu nu ndu̱ cua̱ ca to' lo'o cha' cua'ni tii ti' yu.

EFESIOS 4:11

Xqui'ya cha' tyu̱u̱ lo cha' tso'o nda Jesús lo'o ñati̱ chalyuu, bi' cha' taca cua'ni ñati̱ cña nu nda Ni ji'i̱ ngu' cha' cua'ni ngu': clyo cua ngua'a̱lo Cristo cña ji'i̱ la cui' ñati̱ nu ngua tsa'a̱ ji'i̱ yu; lo'o jua'a̱ cua nda Ni cña ji'i̱ ngu' cha' caca chcui' ngu' na laca nu cua cua'ni ti ycui' Ndyosi chalyuu; lo'o xa' la ñati̱ ji'i̱ Ni ntsu'u cña ji'i̱ cha' cacha' liñi ji'i̱ ñati̱ ñi'ya̱ caca clyaá ngu' ji'i̱ nu cuxi; lo'o jua'a̱ ngua'a̱lo Ni cña ji'i̱ ñati̱ nu caca loo ji'i̱ tya'a, cha' caca ngu' bi' mstru, cha' culu'u ngu' bi' cha' ji'i̱ ycui' Ndyosi ji'i̱ tya'a ngu'.

1 CORINTIOS 12:4

Tyu̱u̱ lo cha' nda ycui' Ndyosi ji'na cha' caca cua'ni na sca cña ji'i̱ Ni, pana sca ti Xtyi'i ycui' Ndyosi ndu'ni cha' taca cua'ni na cña bi'.

SAN MATEO 21:33

’Nde chcui' na' chaca cui̱i̱ lo'o ma̱: Ngua sca ngu' culiya', li' ndyataa yu quiña'a̱ tsa yaca si'yu losu' tyixi. Ngusu'ba yu culiya' bi' sca lo'o hichu̱' yaca bi' li', xcui' yaca ye'e ndya' lo'o bi'. Lo'o jua'a̱ ngüiñá yu sca pilya cha' tyatá si'yu losu' ndacua, cha' tyu'u hitya tyixi nu ntsu'u ji'i̱ si'yu bi'. Li' ngüiñá yu sca ni'i̱ su tyu̱ ngu' cua̱ ji'i̱ cña bi'. ’Li' nda nu xu'na yuu bi' yuu ngüijña xi xa' la ñati̱, cha' cua'ni ngu' cña ne' lo'o ji'i̱ yu, cha' ntsu'u sca cña tsaa yu tyijyu'.

1 CORINTIOS 3:5

¿Tilaca laca nu Apolos bi' lacua? ¿Tilaca laca na' lacua? ¿Ha si'i cña ji'i̱ ycui' Ndyosi ndyu'ni ca ta'a ya? ¿Ha si'i xqui'ya cha' nda ya cha' lo'o ma̱, bi' cha' ngusñi ma̱ cha' ji'i̱ Cristo li'? Cua laca cña ndyu'ni scaa ya, la cui' cña ñi'ya̱ nu cua nda ycui' nu Xu'na na cha' cua'ni ya.

SAN LUCAS 20:9

Lo'o ti nguxana Jesús nda sca cui̱i̱ lo'o ngu' nu ndu̱ slo: ―Ntsu'u sca nu qui'yu nu ntsu'u sca lo'o su ndyataa yu yaca si'yu losu' tyixi ji'i̱ yu. Lo'o li' nda yu yuu su ndu'ni yu cña ngüijña xa' ñati̱. Chacua' li' ndu'u yu ndyaa yu tyijyu' tyu̱u̱ tsa tyempo.