SAN MATEO 25:13 - Chatino Tataltepec

¹³ Tya nchcui' la xi Jesús lo'o ngu' li': ―Bi' cha' tii ti ti' tyi'i̱ ma̱ lcaa hora, cha' ná jlo ti' ma̱ ni tsa̱ ni hora ca̱a̱ na' chaca quiya', na' nu cua nda Ni 'na lijya̱a̱ cha' caca na' ñati̱.

SAN MATEO 25:13 Referans Kwoze

1 TESALONICENSES 5:6

Bi' cha' tii ti ti' na tyi'i̱ na chalyuu; si'i ñi'ya̱ nti' si xcui' na laja' ti na tyi'i̱ na chalyuu, masi jua'a̱ ndu'ni xa' la ñati̱ nu ná ndaquiya' ji'i̱ Jesucristo tsiya' ti. Lo'o jua'a̱ ña'a̱si̱i̱ na ji'i̱ ycui' ca na cha' ná caca cu'bi na.

APOCALIPSIS 16:15

“Cua'a̱ jyaca̱ ma̱”, nacui̱ Jesús, “tsiya' ca tyu'u tucua na' tya̱a̱ na' ñi'ya̱ nti' sca nu cuaana. Tso'o caca tyiquee ñati̱ nu tii ti ti' tyi'i̱ chalyuu, xqui'ya cha' ngusñi ngu' cha' jna'; nga'aa ca tyuju'u ti' ngu' bi' slo ñati̱ lo'o tyalaa hora nu tya̱a̱ na' li'.” Jua'a̱ nacui̱ Jesús ji'i̱ ñati̱ ji'i̱ Ni.

SAN LUCAS 21:36

Tii ti ti' ma̱ tyi'i̱ ma̱ chalyuu lacua. Lcaa tyempo chcui' ma̱ lo'o ycui' Ndyosi cha' xtyucua Ni ji'i̱ ma̱, cha' talo ma̱ lo'o caca cha' cuxi bi' chalyuu. Lo'o li' caja ñi'ya̱ nu tyalaa ma̱ su tyucua ycui' na' nu cua nda Ni 'na lijya̱a̱ cha' caca na' ñati̱, cha' cua'ni cuayá' na' ji'i̱ ma̱ ―nacui̱ Jesús ji'i̱ ngu'.

1 CORINTIOS 16:13

Tii ti ti' ma̱ tyi'i̱ ma̱ chalyuu. Xñi tso'o ma̱ cha' ji'i̱ Jesús. Cua'ni tlyu tyiquee ma̱, ná cutsi̱i̱ ma̱.

1 PEDRO 5:8

¡Tii ti ti' ma̱ tyi'i̱ ma̱ chalyuu! Ná caja' ma̱, cha' tya'a cusu̱u̱ ma̱ laca ycui' nu xña'a̱, lo'o jua'a̱ cacua tsa ndu̱ bi' slo ma̱. Ñi'ya̱ nti' sca cuichi nu tyaala tsa nu nclyana ji'i̱ sca ñati̱ cha' cacu ni', jua'a̱ nti' ndya'a̱ yu'u nu xña'a̱ bi' chalyuu.

SAN MATEO 24:50

Lo'o li' ca̱a̱ xu'na msu xña'a̱ bi' sca tsa̱ lo'o ná tii yu bi' li', cha' ná jlo ti' msu bi' ni hora tyu'u tucua xu'na yu chaca quiya'.

1 PEDRO 4:7

Cua tye ti cha' ji'i̱ lcaa na nu ntsu'u chalyuu; bi' cha' tso'o la si cua'a ma̱ ji'i̱ ycui' ca ma̱, tii ti ti' ma̱ tyi'i̱ ma̱ chalyuu cha' taca cua'ni ma̱ cña tso'o, cha' lu'ba ti taca chcui' ma̱ lo'o ycui' Ndyosi.

2 TIMOTEO 4:5

Lo'o nu'u̱ ni, culacua xi ti' nu'u̱ na laca nu tso'o la cha' cua'ni nu'u̱, cha' talo tyiquee nu'u̱ lo'o lya' tsa ti' ngu' jinu'u̱, cha' ña'a̱ ti chcui' nu'u̱ cha' tso'o ji'i̱ ycui' Ndyosi lo'o ñati̱, cha' tya cua'ni la nu'u̱ lcaa cña nu ntsu'u cha' cua'ni nu'u̱ cuentya ji'i̱ ycui' Ndyosi.

LOS HECHOS 20:31

Cui'ya ma̱ cuentya lacua. Tyi'u ti' ma̱ cha' cua ndya'a sna yija̱ ngulu'u na' ji'i̱ ma̱ tsa̱ lo'o talya, lo'o jua'a̱ ntsu'u quiya' ngusi'ya tsa na' xqui'ya cu'ma̱.

SAN MATEO 25:12

Li' nguxacui̱ cutsii cha' ji'i̱ ngu' cuna'a̱ tonto bi': “Ná nslo na' ji'i̱ ma̱ tsiya' ti, ná jlo ti' na' ti ñati̱ laca cu'ma̱”, nacui̱ nu cutsii bi' ji'i̱ ngu' li'.