SAN MATEO 25:12 - Chatino Tataltepec

¹² Li' nguxacui̱ cutsii cha' ji'i̱ ngu' cuna'a̱ tonto bi': “Ná nslo na' ji'i̱ ma̱ tsiya' ti, ná jlo ti' na' ti ñati̱ laca cu'ma̱”, nacui̱ nu cutsii bi' ji'i̱ ngu' li'.

SAN MATEO 25:12 Referans Kwoze

1 CORINTIOS 8:3

Pana si tso'o ntsu'u tyiquee na ña'a̱ na ji'i̱ ycui' Ndyosi, tyuloo Ni ji'na li', tyu'u cha' ji'i̱ Ni lo'o na li'.

2 TIMOTEO 2:19

Liñi tsa laca cha' nu nchcui' ycui' Ndyosi; cua'ni Ni cha' ná xtyanu na cha' bi', si jlya ti' na cha' nu nchcui' ycui' Ndyosi ndi'ya̱: “Cua nslo ycui' nu Xu'na na tilaca laca ñati̱ ji'i̱ Ni”. Lo'o chaca cha' nchcui' ndi'ya̱: “Cua ña'a̱ ca ñati̱ nu ntsu'u cha' ji'i̱ lo'o Cristo ni, ntsu'u cha' xtyanu ngu' bi' lcaa cha' cuxi”. Jua'a̱ nacui̱ quityi ji'i̱ ycui' Ndyosi.

SAN JUAN 10:27

Ñi'ya̱ ndu'ni xlya', jua'a̱ nduna ñati̱ 'na jna' lo'o nchcui' na' lo'o ngu'. Cua nslo na' ji'i̱ ngu', cua ndya'a̱ ngu' lo'o na'.

SAN JUAN 9:31

Jlo ti' lcaa tya'a na cha' ná ndaquiya' ycui' Ndyosi ji'i̱ cha' nu nchcui' ñati̱ cuxi lo'o Ni; ndaquiya' Ni ji'i̱ ngu' lo'o nchcui' ñati̱ nu ndu'ni tacati, ñati̱ nu ndu'ni cña nu ngulo Ni ji'i̱ ―nacui̱―.

GÁLATAS 4:9

Lo'o juani cua nslo ma̱ ji'i̱ ycui' Ndyosi; hasta tso'o la ñacui̱ na, cua ndyuloo ycui' Ni ji'i̱ ma̱. ¿Ni cha' laca nti' ma̱ tya'a̱chu̱' ma̱ ji'i̱ cha' ji'i̱ ycui' Ndyosi lacua? Xa' cua'ni ma̱ cña nu ndatsaa cua ña'a̱ ca jo'ó nu cuxi ti bi' ji'i̱ ma̱ li', jo'ó nu ntsu'u ji'i̱ ñati̱ ti; pana ná ndyu'u tso'o cha' bi' tsiya' ti, ná caca cua'ni lyaá jo'ó bi' ji'na.

SAN MATEO 25:11

Ca tiya' la xi ndyalaa ngu' cuna'a̱ tonto bi'. “Cua ndyalaa cuare juani”, nacui̱ ngu'. “Xaala clya toni'i̱ cha' tya̱a̱ ya nde ni'i̱ su ndi'i̱ ma̱ cua”, nacui̱ ngu' ji'i̱ cutsii.

SAN MATEO 25:13

Tya nchcui' la xi Jesús lo'o ngu' li': ―Bi' cha' tii ti ti' tyi'i̱ ma̱ lcaa hora, cha' ná jlo ti' ma̱ ni tsa̱ ni hora ca̱a̱ na' chaca quiya', na' nu cua nda Ni 'na lijya̱a̱ cha' caca na' ñati̱.

SAN LUCAS 13:25

Li' tyatu̱ xu'na ni'i̱ bi', cha' tacu̱' yu toni'i̱ bi'. Lo'o tyalaa cu'ma̱, li' xana ma̱ cujui'i̱ ya' ma̱ toni'i̱ bi', chcui' ma̱ lo'o: “Xaala ma̱ toni'i̱, cusu'”. Li' ñacui̱ yu ji'i̱ ma̱: “Ná jlo ti' na' ti ñati̱ laca cu'ma̱”.