bi' cha' tso'o tsa caca tyiquee na, ca chaa ti' na juani, cua'ni chi̱ na loo ycui' Ni. Cua ndyalaa tsa̱ cha' caja clyo'o ycui' yu nu ngujuii lo crusi cuentya ji'na. Lo'o lcaa na, ñati̱ nu ngusñi cha' ji'i̱ Ni nde chalyuu, laca na ñi'ya̱ si laca na cuxi̱i̱ ji'i̱ yu, masi tsa tlyu ti na sca tyempo ti. Cua ngua'ni cho'o na ñi'ya̱ si caja clyo'o na lo'o ycui' yu, nacui̱ ngu'.
SAN MATEO 25:1 - Chatino Tataltepec1 ’Ta na' chaca cha' lo'o ma̱ cha' ca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱: Ndyaa tii tya'a nu cuna'a̱ cuañi' ca to' tyi sca nu cuna'a̱ nu laca cuxi̱i̱ ji'i̱ ngu'; ntsu'u candil ji'i̱ ca ta'a tii tya'a ngu', cha' jatya ngu' ji'i̱ cutsii. Gade chapit la |
SAN MATEO 25:1
43 Referans Kwoze
Ndyalaa sca xca̱ ji'i̱ ycui' Ndyosi ca slo na' li'; la cui' tya'a yu laca lo'o nu tya tyacati tya'a xca̱ bi', ngu' nu ntucua ca'ña oro ya', nu ntsu'u cati tya'a quicha bi'. Bi' quicha caca lo'o cua tye ti chalyuu. Nchcui' xca̱ bi' lo'o na' li': ―Cua̱a̱ clya nu'u̱ ca nde cha' culu'u̱ hi̱ ñi'ya̱ ña'a̱ quichi̱ tlyu ca su tyaa ma̱, lcaa cu'ma̱ nu ntsu'u cha' ji'i̱ ma̱ lo'o nu ñi'ya̱ ña'a̱ xlya' bi'. Tso'o tsa ña'a̱ quichi̱ bi'.
La cui' Juan laca na', lo'o li' na'a̱ na' cha' cua nscua chaca quichi̱ Jerusalén cucui. Lubii tsa ña'a̱ quichi̱ bi' juani; nde su ntucua ycui' Ndyosi ngutu'u quichi̱ bi', ngua'ya nde lo yuu cucui. Tyucui ña'a̱ quichi̱ cua ngalya' tso'o; tso'o tsa ña'a̱ bi', ndubi tsa ña'a̱ bi'. Ñi'ya̱ ña'a̱ sca cuxi̱i̱ ji'i̱ ñati̱, nu tso'o tsa ña'a̱ ste', jua'a̱ tso'o tsa ña'a̱ quichi̱ cucui bi'.
Ñi'ya̱ nu laca lo'o ngujui clyo'o ngu', sca ti nu cutsii bi' ngujui clyo'o lo'o nu cuxi̱i̱; pana lcaa tya'a tso'o cutsii nu ndi'i̱ ca bi', tso'o tsa ntsu'u tyiquee ngu'. Ñi'ya̱ lo'o chaa ti' ngu' ndi'i̱ ngu' lo'o ngujui clyo'o ngu', jua'a̱ na' tso'o tsa ntsu'u tyiquee na' cha' ña'a̱ na' ji'i̱ ngu' nu ndya'a̱ lo'o Jesús ―nacui̱ Juan―.
Ñati̱ lubii tsiya' ti laca nu ngu' quiña'a̱ bi'. Ná ngutu'u cha' ji'i̱ ngu' bi' lo'o xa' nu cuna'a̱ nu lo'o nguti'i̱ ngu' chalyuu, ná ngua'ni ngu' bi' cha' suba' tsiya' ti; nguta'a̱ ngu' lo'o nu ñi'ya̱ ña'a̱ xlya' bi' macala su ndya'a̱. Cua ngua'ni lyaá Ni ji'i̱ ngu' bi', cha' bi' laca ñati̱ nu tso'o nti' ycui' Ndyosi ña'a̱ Ni ji'i̱ tya lo'o nguxana cha' ji'i̱ nu ñi'ya̱ ña'a̱ xlya' bi'. Tya clyo ngusubi Ni ji'i̱ ngu' bi', cha' cua'ni ngu' cña ji'i̱ Ni.
bi' cha' jlo ti' na' cha' ntsu'u sca cha' tso'o nu tyacua 'na; ta ycui' nu Xu'na na cha' tso'o bi' jna' nu lo'o tyalaa tsa̱ lo'o cua'ni cuayá' Ni ji'i̱ lcaa ñati̱, cha' liñi tsa ndu'ni cuayá' ycui' Ndyosi. Ta Ni cha' tso'o bi' ji'i̱ lcaa ñati̱ nu ntajatya tsa ji'i̱ Cristo ni jacua' ca̱a̱ Ni chaca quiya', xqui'ya cha' ntsu'u tsa tyiquee ngu' ña'a̱ ngu' ji'i̱ Ni; si'i jna' ti ta Ni cha' bi'.
’Chaca cha' nti' na' chcui̱' lo'o ma̱ juani, cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱. Chcui' na' sca cui̱i̱ cuentya ji'i̱ sca nu laca xu'na msu. Ngua sca tsa̱ nde tlya ndu'u yu ndyaa yu lcaya' cha' chcui' yu lo'o ngu' nu caca msu ji'i̱, si cua'ni ngu' cña ne' lo'o ji'i̱ yu ca su ndyataa yaca si'yu losu' tyixi.
Na tiji̱' tsa ti' na' ña'a̱ na' ji'i̱ cu'ma̱. Ni tyiquee' la cui' jua'a̱ nti' ycui' Ndyosi ña'a̱ Ni ji'i̱ cu'ma̱. Na cua ngüiñi cha' 'na lo'o ycui' Ndyosi cha' ta na' ji'i̱ ma̱ cha' caca ma̱ ñati̱ ji'i̱ Cristo, ñati̱ nu lubii tyiquee, la cui' ñi'ya̱ laca lo'o sca nu cuna'a̱ cuañi' nu caja clyo'o lo'o sca ti nu qui'yu ji'i̱;
Li' nguxacui̱ Jesús cha' ji'i̱ ngu' bi': ―Lo'o caja clyo'o ngu' ni, ndacu ngu' nu ndya'a̱ lo'o cutsii; ná ndi'i̱ ngu' xñi'i̱ ti' ngu' tsa̱ bi' lo'o ndi'i̱ ngu' lo'o cutsii ―nacui̱ Jesús ji'i̱ ngu' li'―. Pana nu lo'o tyalaa tsa̱ li', nu lo'o tyaa lo'o ngu' ji'i̱ cutsii, li' ná cacu ngu' tya'a tso'o cutsii, cha' caca xñi'i̱ ti' ngu' li'. La cui' jua'a̱ chaa ti' tya'a tso'o na' juani, pana caca xñi'i̱ ti' ngu' re nde loo la.
Piblisite