SAN MATEO 24:48 - Chatino Tataltepec

⁴⁸ Pana sca msu nu xña'a̱ ni, masi ntsu'u cña nu ngulo xu'na yu ji'i̱ yu, ná ndube ti' yu; “Tiya' tsa ca̱a̱ xu'na na'”, culacua ti' yu, bi' cha' hora ti ca'ya sca cha' cuxi hique yu.

SAN MATEO 24:48 Referans Kwoze

SAN MATEO 18:32

Hora ti ngusi'ya xu'na yu ji'i̱ msu tyaala bi' cha' xa' tya̱a̱ yu ca slo. “Cuxi tsa tyiquee nu'u̱”, nacui̱ xu'na ji'i̱ msu tyaala bi'. “Cua ngüijña nu'u̱ cha' clyu ti' 'na, lo'o jua'a̱ ngua'ni clyu ti' na' jinu'u̱ nquicha', masi quiña'a̱ tsa cñi ndacui nu'u̱ 'na.

SAN LUCAS 12:45

Pana sca msu nu ná ndube ti' ji'i̱ cña nu ngulo xu'na yu ji'i̱ yu, hora ti ca'ya sca cha' cuxi hique yu: “Tiya' tsa ca̱a̱ xu'na na'”, culacua ti' yu. Li' xana yu bi' cua'ni xña'a̱ yu; cua'ni tyaala yu ji'i̱ tya'a msu yu, masi cuna'a̱, masi qui'yu ngu'. Tso'o tsa cacu yu scuaa, tsa cu' ti co'o yu lcui, tsa cu' ti tya'a̱ yu cu'bi yu.

LOS HECHOS 5:3

Nchcui' Pedro lo'o yu li': ―Ananías ―nacui̱―, ¿na laca ngua hi̱? ¿Ni cha' laca nda nu'u̱ chacuayá' ji'i̱ nu xña'a̱ nu naa Satanás cha' caca loo ne' cresiya jinu'u̱? Bi' laca nu ngua'ni cha' nguñilo'o nu'u̱ ji'i̱ Xtyi'i ycui' Ndyosi ―nacui̱ Pedro ji'i̱ yu bi'―. Nacui̱ nu'u̱ cha' nde laca lcaa cñi nu ngujui jinu'u̱ lo yuu bi', lo'o si'i lcaa cñi laca re.

SAN JUAN 13:2

Laja li' cua ngua'ni nu xña'a̱ cha' ngua'ya cha' hique Judas sñi' Simón Iscariote cha' cujui' cresiya ji'i̱ Jesús ji'i̱ ngu' cuxi.

SAN MARCOS 7:21

Si chañi cha' ntsu'u cha' cuxi ne' cresiya ji'i̱ ñati̱, quiña'a̱ tsa cha' cuxi taca cua'ni ñati̱ bi' li': masi culacua cuxi ti' ngu', masi cua'ni suba' ngu' lo'o xa' ñati̱, masi tyu'u cha' ji'i̱ ngu' lo'o clyo'o xa' ñati̱, masi cujuii ngu' ji'i̱ tya'a ngu',

LOS HECHOS 8:22

Culochu̱' nu'u̱ ji'i̱ cha' cuxi nu ntsu'u ne' cresiya jinu'u̱, cha' caca chcui' nu'u̱ lo'o ycui' Ndyosi cha' cui'ya Ni cha' clyu ti' jinu'u̱ ji'i̱ lcaa cha' cuxi nu ngua'ni nu'u̱.

SAN LUCAS 19:22

Li' nacui̱ rey bi' ji'i̱: “Msu nu xña'a̱ tsa laca nu'u̱. Xqui'ya cha' nchcui' nu'u̱ jua'a̱, bi' cha' sta na' qui'ya hi̱ li'”, nacui̱ rey. “Jlo ti' nu'u̱ cha' laca na' sca ñati̱ tiji, cha' nscua' nu nchcuá' xa' ñati̱, bi' laca nu caja jna'; jua'a̱ ndu'ni na' clacua, masi xa' ñati̱ ngua'ni cña bi', nacui̱ nu'u̱.

SAN MATEO 25:26

Ngua ñasi̱' xu'na lo'o msu bi' li'. “Sca msu xña'a̱ laca nu'u̱”, nacui̱ xu'na ji'i̱ msu bi'. “Taja tsa nu'u̱”, nacui̱. “Nacui̱ nu'u̱ cha' jlo ti' nu'u̱ ñi'ya̱ nu ndu'ni na', cha' nxuti'i̱ na' ltya masi ná ndyataa na' nscua'; lo'o jua'a̱ tyaa lo'o na' ji'i̱ nscua' masi ná ngua'ni na' cña ji'i̱”, nacui̱ nu'u̱.

SAN MATEO 24:47

Cha' liñi nchcui' na' lo'o ma̱ juani, cha' tlyu la cña ta xu'na yu ji'i̱ msu bi' li', cha' caca yu loo ji'i̱ lcaa cña nu ntsu'u ji'i̱ xu'na yu bi'.

SAN MATEO 24:49

Li' xana yu bi' cua'ni xña'a̱ yu, cua'ni tyaala yu ji'i̱ tya'a msu yu; tsaa yu cacu yu, tsaa yu co'o yu lo'o tya'a cu'bi ti yu li'.