SAN MATEO 24:4 - Chatino Tataltepec

⁴ Li' ngulu'u la xi Jesús ji'i̱ ngu' bi': ―Cua'ni tii ti' ma̱, cui'ya ma̱ cuentya cha' ná tucui cñilo'o ji'i̱ ma̱ ―nacui̱―.

SAN MATEO 24:4 Referans Kwoze

1 JUAN 4:1

Cu'ma̱ tya'a ngusñi na cha' ji'i̱ Cristo nu tyaca'a tsa ma̱ 'na, ná xñi ma̱ cha' ji'i̱ cua ña'a̱ ca ñati̱ nu ñacui̱ cha' cua nda ycui' Ndyosi Xtyi'i ycui' Ni ji'i̱ ngu' bi'. Cua'ni cuayá' ma̱ ji'i̱ ngu' bi' clyo, cha' quijeloo cha' ji'i̱ ma̱ lo'o ngu' si chañi cha' cua ndyanu Xtyi'i ycui' Ndyosi ne' cresiya ji'i̱ ngu' bi', si cha' cuiñi ti laca nu nchcui' ngu' bi'. Cua ndu'u tucua tyu̱u̱ tsa tya'a ngu' cuiñi chalyuu juani, nu nñilo'o ji'i̱ ñati̱ cha' cuentya ji'i̱ ycui' Ndyosi nchcui' ngu'.

2 TESALONICENSES 2:3

Ná taquiya' ma̱ ji'i̱ ngu' cuiñi nu chcui' jua'a̱. Nu lo'o tya lyiji tyalaa tsa̱ bi', lye tsa xu̱u̱ tya'a ñati̱ chalyuu lo'o ycui' Ndyosi; li' ca̱a̱ sca ñati̱ nu ndu'ni cña ji'i̱ nu xña'a̱ nde chalyuu, nu ntsu'u cha' tsaa ca bilyaa lo'o tye chalyuu.

COLOSENSES 2:8

Cui'ya tso'o ma̱ cuentya lacua, cha' ná tucui taca cñilo'o ji'i̱ ma̱ lo'o cua ña'a̱ ca cha' cuiñi nu chcui' ngu' lo'o ma̱, masi tajua' tsa chcui' ngu' bi'. Si'i ycui' Cristo nu ntucua quiya' cha' ji'i̱ ngu' lo'o nchcui' ngu' jua'a̱; bi' laca cña cua̱ ti, bi' laca cha' cuiñi nu nchcui' ñati̱ chalyuu ti, masi nchcui' ngu' cha' ji'i̱ sca jo'ó, masi nchcui' ngu' cha' ji'i̱ sca cui'i̱ nu ntsu'u nde chalyuu ti.

EFESIOS 5:6

Ná ta ma̱ chacuayá' cha' ñilo'o ngu' ji'i̱ ma̱ lo'o sca cha' tonto ti. Xqui'ya cha' cuxi bi' ñasi̱' tsa ycui' Ndyosi ji'i̱ ñati̱ chalyuu nu ná ndaquiya' ji'i̱ cha' nu nchcui' Ni; xcube' tsa Ni ji'i̱ ngu' bi' lo'o tye chalyuu.

SAN MARCOS 13:22

Cristo cuiñi caca ngu' bi'. Lo'o jua'a̱ tyu'u tucua xi nu cuiñi nu chcui' cha' tu'ba ji'i̱ ycui' Ndyosi laca ycui' ca ngu'; cha' cuiñi ti cua'ni ngu' bi' cha' tlyu, cha' cube tsa ti' xa' ñati̱. Cua'ni ngu' cuiñi bi' jua'a̱, cha' tyiji̱loo ngu' ji'i̱ ma̱ nti' ngu', lo'o jua'a̱ ji'i̱ lcaa ñati̱ nu cua ngusubi ycui' Ndyosi ji'i̱.

EFESIOS 4:14

Li' nga'aa cua'ni na ñi'ya̱ ndu'ni nu sube nu lu'ba ti ncha'a̱ cña ji'i̱, cha' nu ndijya ngu'; ni ná ta na chacuayá' cojolaqui ngu' ji'na xa' tyucui̱i̱, nu lo'o chcui' ngu' lo'o na cua ña'a̱ ca cha' nu bilya cuna na ji'i̱. Ntsu'u tsa cha' cuiñi nu nda ñati̱ nu tajua' tsa nchcui' lo'o na, ñati̱ nu nti' tsa cha' tsalo'o ji'na nde tyucui̱i̱ cuxi.

SAN LUCAS 21:8

―Cui'ya ma̱ cuentya ―nacui̱ Jesús li'―, cha' ná tucui cñilo'o ji'i̱ ma̱. Quiña'a̱ tsa ngu' ca̱a̱ ngu' nu ñacui̱ cha' Cristo laca ycui' ca ngu': “Juani ndyalaa tyempo bi'”, ñacui̱ ngu' bi'. Pana ná xñi ma̱ cha' ji'i̱ ngu' bi'.

COLOSENSES 2:18

Ná cube ti' ma̱ ji'i̱ cua ña'a̱ ca ñati̱ nu cua'ni tyucuaa ti' lo'o ma̱, ngu' nu tacati la ndu'ni ycui' ngu', nti' ngu', cha' ndyu'ni tlyu ngu' ji'i̱ sca xca̱ nu ntsu'u ji'i̱ ycui' Ndyosi ca nde cua̱; si'i ji'i̱ ycui' Ndyosi ndyu'ni tlyu ngu' bi'. Ñati̱ nu ndu'ni jua'a̱ ni, nti' ngu' cha' xa' la cha' ji'i̱ ycui' Ndyosi cua ngulu'uloo ji'i̱ ngu'. Lye tsa ndu'ni tyucuaa ti' ngu' bi' lo'o tya'a ngu', masi ná ntsu'u cha' cua'ni ngu' bi' jua'a̱, cha' ña'a̱ ti tya ntsu'u cha' cuxi ne' cresiya ji'i̱ ngu' bi';

GÁLATAS 6:3

Na ñilo'o ti na ji'i̱ ycui' ca na si culacua ti' na cha' tso'o tsa laca na cuentya ji'i̱ ycui' Ndyosi; tso'o la si ta na cuentya cha' ná sca na laca na cuentya ji'i̱ ycui' Ni.