SAN MATEO 24:36 - Chatino Tataltepec

³⁶ ’Pana tsa̱ bi' ni, ni sca ñati̱ ná jlo ti' ni tsa̱ caca, ni hora caca bi'. Ni xca̱ ji'i̱ ycui' Ndyosi ná jlo ti' ngu', ni na' nu laca̱ nu sca ti Sñi' ycui' Ni, ná jlo ti' na'; sca ti ycui' Ndyosi Sti na' jlo ti' cha' bi'.

SAN MATEO 24:36 Referans Kwoze

SAN MARCOS 13:32

’Ni sca ñati̱ ná jlo ti' ni tsa̱ caca cha' bi', ni hora caca; masi xca̱ ji'i̱ ycui' Ndyosi, masi na' nu laca̱ nu sca ti Sñi' ycui' Ni, ná jlo ti' ya. Sca ti ycui' Ndyosi Sti na', jlo ti' Ni ni tsa̱ caca bi'.

LOS HECHOS 1:7

Nguxacui̱ Jesús cha' ji'i̱ ngu' bi' li': ―Ná ndyi'ya ma̱ chacuayá' cha' caca cuayá' ti' ma̱ ni tsa̱ caca, ni tyempo caca nu cua'ni ycui' Ndyosi cña. Sca ti ycui' Ndyosi Sti na' jlo ti' cha' bi', nguxtyanu tso'o Ni cha' ji'i̱.

SAN MATEO 24:44

Lo'o jua'a̱ lcaa tsa̱ ntsu'u cha' tii ti' tyi'i̱ ma̱ chalyuu, cha' ná tyiquee' tsa tsiya' ca tyu'u tucua na' ca̱a̱ na' nu cua nda Ni 'na lijya̱a̱ cha' caca na' ñati̱. ¿Ñi'ya̱ cua'ni ma̱ si ná ndi'i̱ ma̱ tii ti ti' ma̱ li'?

2 PEDRO 3:10

Chañi cha' tyalaa tsa̱ bi' lo'o ca̱a̱ ycui' nu Xu'na na chaca quiya', pana ná jlo ti' na ni tsa̱ caca bi'. Ñi'ya̱ laca si cua ca̱a̱ ti sca nu cuaana to' tyi na lo'o ná jlo ti' na, jua'a̱ caca tsa̱ bi'. Cati̱ jua'a̱ ti lcaa na nu ntsu'u nde cua̱, lye tsa cañi cha' bi'; lo'o li' tye tsiya' ti tyaqui̱ lcaa na nu ntsu'u nde cua̱. Jua'a̱ tyucui ña'a̱ chalyuu ni, tye tsiya' ti li'.

1 TESALONICENSES 5:2

cua laca ngua cuayá' ti' ma̱ cha' ni sca ñati̱ chalyuu, ná jlo ti' ngu' ni tsa̱ ca̱a̱ ycui' nu Xu'na na. Ñi'ya̱ ndyalaa sca nu cuaana to' ni'i̱ ji'i̱ ngu' talya, jua'a̱ cuaana ti ca̱a̱ Jesús.

APOCALIPSIS 16:15

“Cua'a̱ jyaca̱ ma̱”, nacui̱ Jesús, “tsiya' ca tyu'u tucua na' tya̱a̱ na' ñi'ya̱ nti' sca nu cuaana. Tso'o caca tyiquee ñati̱ nu tii ti ti' tyi'i̱ chalyuu, xqui'ya cha' ngusñi ngu' cha' jna'; nga'aa ca tyuju'u ti' ngu' bi' slo ñati̱ lo'o tyalaa hora nu tya̱a̱ na' li'.” Jua'a̱ nacui̱ Jesús ji'i̱ ñati̱ ji'i̱ Ni.

SAN MATEO 24:42

’Bi' cha' cua'ni tii ti' ma̱, cha' ná jlo ti' ma̱ tsiya' ti ni tsa̱ laca nu ca̱a̱ ycui' nu Xu'na ma̱.

SAN MATEO 25:13

Tya nchcui' la xi Jesús lo'o ngu' li': ―Bi' cha' tii ti ti' tyi'i̱ ma̱ lcaa hora, cha' ná jlo ti' ma̱ ni tsa̱ ni hora ca̱a̱ na' chaca quiya', na' nu cua nda Ni 'na lijya̱a̱ cha' caca na' ñati̱.

APOCALIPSIS 3:3

Tyi'u ti' ma̱ cha' tso'o tsa ngusñi ma̱ cha' 'na nu lo'o ngulu'u ngu' cha' ji'i̱ ma̱ tya clyo; taquiya' ma̱ ji'i̱ cha' bi' chaca quiya', pana culochu̱' ma̱ cha' cuxi nu ndyu'ni ma̱ juani, nacui̱ Jesús. Si ná tyaja'a̱ ma̱ taquiya' ma̱ cha' 'na, li' tsiya' ca tyu'u tucua na' ca̱a̱ na' slo cu'ma̱, ñi'ya̱ nti' lijya̱ sca nu cuaana; ca̱a̱ na' cha' xcube' na' ji'i̱ ma̱ lo'o ná ca tii ma̱ ni hora laca nu ca̱a̱ na', nacui̱ Ni.