SAN MATEO 24:35 - Chatino Tataltepec

³⁵ Masi tye lcaa na nu ntsu'u nde cua̱, masi tye chalyuu re, pana ná tye tsiya' ti cha' nu nchcui' na' re, cha' xcui' cha' liñi laca cha' nu nchcui' na'.

SAN MATEO 24:35 Referans Kwoze

1 PEDRO 1:25

Pana scaa cha' nu nchcui' ycui' Ndyosi ni, tyanu cha' bi'; ná quiñu'u̱ cha' bi' tsiya' ti. Jua'a̱ nacui̱ quityi bi'. Lo'o jua'a̱ nu cha' tso'o ji'i̱ ycui' Ndyosi nu ngulu'u ya ji'i̱ ma̱, la cui' cha' bi' laca nu ná quiñu'u̱ tsiya' ti.

SAN MATEO 5:18

Cha' liñi nda na' lo'o ma̱ juani, cha' ni sca si'yu cha' nu nguscua jyo'o cusu' sa'ni cuentya ji'i̱ ycui' Ndyosi, ná taca cuityi̱ ngu' cha' bi' ña'a̱ cuayá' nu tye chalyuu; chañi cha' caca lcaa ca cha' nu nscua lo quityi ji'i̱ ycui' Ndyosi cua sa'ni la.

TITO 1:2

lo'o jua'a̱ taca jatya na ji'i̱ chalyuu nu ná nga'a̱ cha' tye ji'na li'. Ná cuiñi ycui' Ndyosi. Sa'ni tsa nchcui' Ni cha' caja chalyuu bi' ji'na, tya lo'o ngüiñá Ni chalyuu; tya li' nda Ni cha' lo'o ñati̱ ji'i̱ Ni nde chalyuu cha' taca tyi'i̱ ngu' slo Ni.

APOCALIPSIS 3:14

’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Laodicea, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui' na' lo'o ma̱: Chañi cha' ndyu'u tucua cha', lcaa cha' nu nda na' lo'o ñati̱; liñi tsa nchcui' na' cha' ji'i̱ ycui' Ndyosi Sti na' lo'o ñati̱, cha' tyucui tyiquee na' ndu'ni na' cña ji'i̱ ycui' Ni. Nu lo'o nguxana ndya' lcaa na nu ntsu'u chalyuu, stu'ba ti ndu̱ na' lo'o ycui' Ni nu ngua li', nacui̱ Jesús.

APOCALIPSIS 6:14

Nga'aa chcana ña'a̱ ngu' nde cua̱ li'; cua nguliji yu'u bi', cha' ngulatsu' ycui' Ndyosi ji'i̱. La cui' jua'a̱ ngulatsu' Ni ji'i̱ lcaa ca'ya cua̱; jua'a̱ lcaa yuu cla'be nu nscua cla'be hitya, ngulatsu' Ni ji'i̱.

APOCALIPSIS 20:11

Lo'o li' na'a̱ na' cha' ntucua sca ñati̱ tlyu lo sca yaca xlya tlyu nu ndubi tsa ña'a̱. Li' nguti̱ lcaa chalyuu, jua'a̱ nguti̱ lcaa ca na nu ntsu'u nde cua̱, nu lo'o ndu'u tucua ycui' Ni; nga'aa tyaca̱' tsiya' ti ma nde su nguliji yu'u chalyuu bi'.

SAN MARCOS 13:31

Tye cha' ji'i̱ lcaa na nu ntsu'u nde cua̱, tye cha' ji'i̱ chalyuu, pana ná tye tsiya' ti cha' nu cua nchcui' na' lo'o ma̱, cha' xcui' cha' liñi laca cha' nu nchcui' na'.

SAN LUCAS 21:33

Tye cha' ji'i̱ lcaa na nu ntsu'u nde cua̱, tye cha' ji'i̱ lcaa na nu ntsu'u nde lo yuu, pana ná tye cha' ji'i̱ cha' nu cua nchcui' na' lo'o ma̱; nga'a̱ cha' caca cha' bi'.