SAN MATEO 24:31 - Chatino Tataltepec

³¹ Nu lo'o lye cañi cui' chcua̱, li' culo na' cña ji'i̱ quiña'a̱ tsa tya'a xca̱ 'na cha' ca̱a̱ xca̱ bi', cha' xuti'i̱ se'i̱ ti ji'i̱ lcaa ñati̱ nu cua ngusubi ycui' Ni ji'i̱; macala su ndi'i̱ ngu' tyucui ña'a̱ chalyuu tyu'u ngu' ca̱a̱ ngu' li'.

SAN MATEO 24:31 Referans Kwoze

1 TESALONICENSES 4:16

Ndi'ya̱ caca cha' lo'o tyalaa tsa̱ bi': Nde cua̱ ca̱a̱ ycui' nu Xu'na na, ca'ya Ni lo yuu; li' stu'ba ti cañi Xtyi'i ycui' Ni lo'o xtyi'i xca̱ ji'i̱ Ni nu laca loo, jua'a̱ cañi cui'chcua̱ ji'i̱ ycui' Ndyosi li'. Clyo tyacuí̱ lcaa jyo'o ñati̱ ji'i̱ Jesucristo tyaa ngu' nde cua̱;

SAN MARCOS 13:27

Li' culo na' cña ji'i̱ quiña'a̱ tsa tya'a xca̱ ji'i̱ ycui' Ndyosi, cha' tsaa xca̱ bi', cha' xuti'i̱ se'i̱ ti ji'i̱ lcaa ñati̱ nu cua ngusubi ycui' Ni ji'i̱; tsaa xca̱ bi' lcaa su ndi'i̱ ñati̱ bi' tyucui ña'a̱ chalyuu.

1 CORINTIOS 15:52

laja lo'o nchquiña ti quiji̱ cloo na. Li' cañi cula'á cui'chcua̱ ji'i̱ ycui' Ndyosi. Lo'o cañi cui'chcua̱ bi', li' tyu'ú lcaa jyo'o nu ngusñi cha' ji'i̱ ycui' Ndyosi lo'o ya̱a̱ ngu' chalyuu; tyu'ú ngu' chaca quiya' cha' nga'aa ntsu'u cha' cajaa ngu' bi' tsiya' ti. Li' xcutsa'a̱ Ni ji'i̱ tyucui ña'a̱ tsaca na.

SAN MATEO 13:41

Tsa̱ bi', na' nu cua lijya̱a̱ cha' caca na' ñati̱, ta na' ji'i̱ xca̱ 'na cha' xuti'i̱ xca̱ bi' ji'i̱ lcaa ñati̱ nu ngulu'u qui'i̱ ji'i̱ tya'a cha' cua'ni ngu' cha' cuxi; tyu'u ti'i̱ lcaa ñati̱ nu cuxi tyiquee, cha' ná ntsu'u chacuayá' tyanu ngu' bi' ca su laca ycui' Ndyosi loo.

2 TESALONICENSES 2:1

Cu'ma̱ tya'a ngusñi na cha' ji'i̱ Jesús, jlo ti' na cha' tya ca̱a̱ Jesucristo nu Xu'na na chaca quiya', cha' tsalo'o Ni ji'na cha' tyacua tya'a na lo'o Ni ca bi'; bi' cha' liñi nchcui' ya lo'o ma̱ juani,

EFESIOS 1:10

ngua ti' Ni cha' caca stu'ba lcaa lo na nu ntsu'u nde chalyuu, lo'o sca ti Cristo nu Xu'na na caca loo la li'. Lo'o tyalaa tyempo bi', li' xuti'i̱ Ni lcaa na nu ntsu'u loyuu chalyuu, lo'o jua'a̱ lcaa na nu ntsu'u nde cua̱; li' sca ti Cristo caca loo ji'i̱ lcaa na bi'.

SAN JUAN 11:52

masi cajaa Jesús cuentya ji'i̱ lcaa ñati̱ lcua ti ña'a̱ chalyuu, cha' stu'ba ti caca tyiquee lcaa ñati̱ nu jlya ti' ji'i̱ ycui' Ndyosi, ngu' nu cua ngusubi ycui' Ndyosi ji'i̱ cha' caca ngu' sñi' Ni.

SAN MATEO 25:31

’Nu lo'o tya̱a̱ na' nu cua nda Ni 'na lijya̱a̱ cha' caca na' ñati̱, ca̱a̱ na' cha' caca na' loo tsiya' ti ji'i̱ ñati̱. Stu'ba ti ca̱a̱ na' lo'o lcaa ngu' xca̱ 'na, lo'o li' tyaca'a̱ na' su tlyu su cua cua̱ la xi, sca se'i̱ su ndubi tsa ña'a̱ laca bi'. Ca bi' cua'ni cuayá' na' ji'i̱ lcaa ñati̱ li'.

APOCALIPSIS 7:1

Tiya' la li' na'a̱ na' ji'i̱ jacua tya'a xca̱ ji'i̱ ycui' Ndyosi; na'a̱ na' nde quiya' chalyuu, nde jacua se'i̱ su ndu̱ nu jacua tya'a ngu' xca̱ bi'. Ndaca'a xca̱ bi' ji'i̱ ca ta'a jacua cui'i̱ nu nclyatu'u lo chalyuu; nga'aa nda ngu' xca̱ bi' chacuayá' culatu'u cui'i̱ bi', masi nde lo yuu, masi nde tyujo'o, ni sca chu̱' yaca ná culatu'u cui'i̱.

APOCALIPSIS 8:2

Cuati na'a̱ na' ji'i̱ tya tyacati tya'a xca̱ nu ndu̱ cña nde loo ycui' Ndyosi; cua nda ngu' cati tya'a cui'chcua̱ ji'i̱ ngu' xca̱ bi' cha' cula'á ngu'.

ROMANOS 10:18

Nti' na' xcuane na' sca cha' ji'i̱ cu'ma̱: ¿Ha bilya cuna ngu' judío cha' ji'i̱ Cristo lacua? Cua ndyuna ngu', cha' cua nscua sca cha' lo quityi cusu' nu nchcui' ndi'ya̱: Tyucui ña'a̱ chalyuu nguañi cha' nu nda ngu' lo'o; lcaa se'i̱ ndyalaa cha' nu nchcui' ngu', masi ca su cua tyijyu' la cua ndyalaa cha' bi'. Jua'a̱ nchcui' quityi.

SAN MATEO 28:18

Li' ñaa Jesús cacua la, nchcui' lo'o ngu': ―Cua nda ycui' Ndyosi Sti na' lcaa chacuayá' 'na cha' laca na' loo ji'i̱ lcaa na, masi lcaa na nu ntsu'u ca slo ycui' Ni nde cua̱, masi lcaa na nu ntsu'u nde chalyuu ―nacui̱ Jesús ji'i̱ ngu'―.

SAN MATEO 24:22

Pana cua nacui̱ ycui' nu Xu'na na cha' xti ti tsa̱ caca tyempo nu chcube' ngu' jua'a̱; si tyiquee' talo tyempo cuxi bi', nga'aa clyaá ni tsaca ñati̱ chalyuu li'. Pana tya'na ti' ycui' Ndyosi ña'a̱ Ni ji'i̱ ñati̱ ji'i̱ Ni, bi' cha' cua'ni Ni cha' xti ti tsa̱ caca tyempo cuxi bi'.

APOCALIPSIS 11:15

Li' cua ndya'a cati quiya' nguañi ngula'á xca̱ lo'o cui'chcua̱ ji'i̱. Nguañi nda xtyi'i tyu̱u̱ tya'a ñati̱ nde cua̱ li', nu ndi'ya̱ nchcui': Ca juani ndyanu tachaa cha' ji'i̱ ycui' nu Xu'na na, jua'a̱ ji'i̱ Cristo, cha' caca Ni loo ji'i̱ tyucui ña'a̱ chalyuu, nacui̱ ngu'. Lo'o juani ná nga'a̱ cha' tye cha' culo Ni cña chalyuu.

SAN LUCAS 24:47

Li' ntsu'u cha' ta ngu' cha' ji'i̱ ycui' na' lo'o ñati̱ tyucui ña'a̱ chalyuu. Nde Jerusalén xana ma̱ cacha' ma̱ cha' bi' ji'i̱ ngu' clyo. Nga'a̱ cha' chcui' ma̱ lo'o ñati̱ cha' ca tyuju'u ti' ngu' ji'i̱ cha' cuxi nu ntsu'u tyiquee ngu', cha' xtyanu ngu' ji'i̱ cha' cuxi nu ndu'ni ngu'; li' cua'ni clyu ti' ycui' Ndyosi ji'i̱ lcaa qui'ya nu ntsu'u ji'i̱ ngu'.

APOCALIPSIS 1:20

Ndi'ya̱ ndyu'u cha' nu na'a̱ nu'u̱ tsa̱, cha' ji'i̱ nu cati tya'a cuii nu ntsu'u nde cua̱ nu na'a̱ nu'u̱ cha' ndacui ya' na' la'a tsu' cui̱, jua'a̱ nu cati tya'a candyeru oro bi', cha' ná ngua cuayá' ti' nu'u̱ nquicha': nu cati tya'a cuii bi', bi' laca nu cati tya'a ñati̱ nu ndu̱ cuentya ji'i̱ ycui' Ndyosi cha' chcui' ngu' lo'o nu cati tya'a taju ñati̱ ji'i̱ Jesucristo, sca taju ñati̱ bi' scaa quichi̱; lo'o jua'a̱ nu cati tya'a candyeru oro, bi' laca nu cati tya'a taju ñati̱ bi'.

SAN MATEO 24:24

cha' Cristo cuiñi caca nu bi'. Lo'o jua'a̱ tyu'u tucua xi ngu' cuiñi nu chcui' cha' tu'ba ji'i̱ ycui' Ndyosi laca ycui' ca ngu', nu cuiñi ti cua'ni cha' tlyu cha' cube tsa ti' xa' ñati̱; cua'ni ngu' cuiñi bi' jua'a̱, cha' nti' ngu' cua'ni ngu' ngana ji'i̱ ma̱, lo'o jua'a̱ ji'i̱ lcaa ñati̱ nu cua ngusubi ycui' Ndyosi ji'i̱.

SAN MATEO 24:32

’Ntsu'u sca cha' nu ca tsa'a̱ na lo'o ña'a̱ na yaca, masi yaca quityi, masi yaca ntsati̱. Nu lo'o xana tyucua sati̱, li' caluu laca' bi'; jlo ti' na cha' cua ngulala ti tyalaa ni tyo li'.

HEBREOS 12:19

La cui' jua'a̱ ná ndyuna ma̱ lo'o cui̱i̱ tsa nguañi ngula'á cui'chcua̱ ji'i̱ ycui' Ndyosi li', nguañi nchcui' Ni lo'o ñati̱ bi' li'. Nu lo'o ndyuna ngu' nchcui' ycui' Ndyosi lo'o ngu', li' lye tsa ngüijña ngu' ji'i̱ Ni, cha' nga'aa chcui' ycui' Ni lo'o ngu' bi' tsiya' ti.