SAN MATEO 24:22 - Chatino Tataltepec

²² Pana cua nacui̱ ycui' nu Xu'na na cha' xti ti tsa̱ caca tyempo nu chcube' ngu' jua'a̱; si tyiquee' talo tyempo cuxi bi', nga'aa clyaá ni tsaca ñati̱ chalyuu li'. Pana tya'na ti' ycui' Ndyosi ña'a̱ Ni ji'i̱ ñati̱ ji'i̱ Ni, bi' cha' cua'ni Ni cha' xti ti tsa̱ caca tyempo cuxi bi'.

SAN MATEO 24:22 Referans Kwoze

SAN MARCOS 13:20

Pana cua nacui̱ ycui' nu Xu'na na cha' xtyi la tsa̱ caca tyempo nu chcube' ngu' ca li'. Si tyiquee' talo tyempo cuxi bi', nga'aa clyaá ni tsaca ñati̱ chalyuu li'. Pana xqui'ya cha' tya'na ti' ycui' Ni ji'i̱ ñati̱ ji'i̱ Ni, bi' cha' cua'ni Ni cha' xti ti tsa̱ caca tyempo cuxi bi'.

2 TIMOTEO 2:10

bi' cha' talo tyiquee na' ji'i̱ ngu', masi nchcube' tsa ngu' jna'. Talo na' ji'i̱ cha' cuxi bi' cuentya ji'i̱ ca ta'a ñati̱ nu ngusubi ycui' Ndyosi ji'i̱, cha' lo'o ñati̱ bi' ngua'ni lyaá Jesucristo ji'i̱, cha' caja chalyuu nu ná nga'a̱ cha' tye ji'i̱ ñati̱ bi'. Caca tyi'i̱ ngu' bi' ca slo ycui' Ndyosi su tso'o tsa ña'a̱ lcaa cha'.

SAN MATEO 24:31

Nu lo'o lye cañi cui' chcua̱, li' culo na' cña ji'i̱ quiña'a̱ tsa tya'a xca̱ 'na cha' ca̱a̱ xca̱ bi', cha' xuti'i̱ se'i̱ ti ji'i̱ lcaa ñati̱ nu cua ngusubi ycui' Ni ji'i̱; macala su ndi'i̱ ngu' tyucui ña'a̱ chalyuu tyu'u ngu' ca̱a̱ ngu' li'.

SAN MATEO 24:24

cha' Cristo cuiñi caca nu bi'. Lo'o jua'a̱ tyu'u tucua xi ngu' cuiñi nu chcui' cha' tu'ba ji'i̱ ycui' Ndyosi laca ycui' ca ngu', nu cuiñi ti cua'ni cha' tlyu cha' cube tsa ti' xa' ñati̱; cua'ni ngu' cuiñi bi' jua'a̱, cha' nti' ngu' cua'ni ngu' ngana ji'i̱ ma̱, lo'o jua'a̱ ji'i̱ lcaa ñati̱ nu cua ngusubi ycui' Ndyosi ji'i̱.

ROMANOS 9:11

Masi tya lyiji cala nu sube bi', tya lyiji cuna ngu' ni sca cha' tso'o, ni sca cha' cuxi, li' ndacha' ycui' Ndyosi ji'i̱ Rebeca: “Nu cala clyo ni, bi' caca msu ji'i̱ nu cuañi' la”, nacui̱ Ni. Ndi'ya̱ cha' nu nscua lo quityi lo'o nchcui' ycui' Ndyosi ji'i̱ tyucuaa nu sube bi': “Tyaca'a tsa Jacob 'na”, nacui̱ Ni, “pana nga'aa ndiya ti' na' ji'i̱ Esaú tsiya' ti”. Jua'a̱ ndyanu cha', cha' ntsu'u chacuayá' ji'i̱ ycui' Ndyosi cha' subi Ni ji'i̱ cua ña'a̱ ca ñati̱ nu nti' ycui' Ni; si'i xqui'ya cña nu ndyu'ni ti na caca na ñati̱ ji'i̱ ycui' Ndyosi lacua.

SAN MATEO 22:14

Lo'o ycui' Ndyosi ni, ndacane Ni ji'i̱ quiña'a̱ tsa ñati̱ cha' cua'a̱ jyaca̱ ngu' ji'i̱ lcaa cha' nu nchcui' Ni, pana cua laca ti ñati̱ nu nsubi Ni ji'i̱ cha' caca ngu' ñati̱ ji'i̱ Ni.

SAN LUCAS 18:7

Pana tso'o tsa tyiquee ycui' Ndyosi, yala ti xtyucua Ni ji'i̱ ñati̱ nu cua ngusubi Ni ji'i̱, nu tya'na tsa nxi'ya ji'i̱ Ni tsa̱ lo'o talya. ¿Ha tiya' tsa xtyucua Ni ji'i̱ ngu' nti' ma̱?

1 PEDRO 1:1

Pedro laca na' nu nscua na' quityi re cha' ca̱a̱ slo lcaa cu'ma̱ nu ngusñi ma̱ cha' ji'i̱ Jesús, cu'ma̱ ngu' nu ndi'i̱ tyijyu'. Ntsu'u cu'ma̱ nu ndyalaa ma̱ nde loyuu su cuentya Ponto; xi xa' la tya'a cu'ma̱ ndyalaa ma̱ nde loyuu su cuentya Galacia, jua'a̱ loyuu su cuentya Capadocia, jua'a̱ loyuu su cuentya Asia, jua'a̱ loyuu su cuentya Bitinia cua lye tsa ngañi ma̱. Cña nu nda ycui' Jesucristo 'na, bi' laca cha' tsa'a na' chcui' na' cha' ji'i̱ Ni lo'o xa' la ñati̱.