SAN MATEO 24:21 - Chatino Tataltepec

²¹ Tyempo lo'o lye tsa chcube' ngu' caca bi', nu lo'o ntsu'u cha' xna ma̱ li'; bilya chcube' ñati̱ chalyuu jua'a̱ tya lo'o ngüiñá ycui' Ni chalyuu hasta juani, lo'o jua'a̱ nga'aa si'i jua'a̱ chcube' ñati̱ tyempo ca nde loo la.

SAN MATEO 24:21 Referans Kwoze

SAN LUCAS 21:24

Ntsu'u ngu' nu cajaa laja cha' cusu̱u̱ bi', lo'o jua'a̱ ntsu'u xa' la ngu' nu tyaa ngu' preso lcaa lo yuu su cuentya ji'i̱ xa' nasiyu̱ tyijyu' la. Satá quiya' ngu' xa' tsu' bi' ji'i̱ quichi̱ Jerusalén re, ña'a̱ cuayá' nu tye tyempo nu ngujui chacuayá' ji'i̱ ngu' bi', cha' caca ngu' loo ca nde.

1 TESALONICENSES 2:16

Ná nda ngu' judío cuxi bi' chacuayá' ji'i̱ ya cha' chcui' ya cha' ji'i̱ Jesucristo lo'o ngu' xa' tsu', cha' cua'ni lyaá Ni ji'i̱ ngu' xa' tsu' bi' li'; bi' cha' jua'a̱ nchca tlyu la qui'ya nu ntsu'u ji'i̱ ngu' judío cuxi bi', ña'a̱ cuayá' nchca ñasi̱' tsa ycui' Ndyosi ji'i̱ ngu' bi'. Ntsu'u cha' xcube' tsa Ni ji'i̱ ngu' bi' nde loo la.

SAN MATEO 24:29

’Nu lo'o cua ndye tsa̱ nu nga'a̱ cha' chcube' ngu', li' yala ti caca talya ña'a̱ xee cuichaa, lo'o jua'a̱ nga'aa tyaca̱' xee co' li'. Tyalú cuii lo'o cualya nu ntsu'u nde cua̱ ca lo yuu, lo'o jua'a̱ xquiña Ni lcaa na nu ntsu'u nde cua̱.

SAN MARCOS 13:9

’Lo'o cu'ma̱ ni, tii ti ti' ma̱ tyi'i̱ ma̱ li' ―nacui̱ Jesús―. Tejeya' ñati̱ cuxi ji'i̱ ma̱, jua'a̱ sta ngu' qui'ya ji'i̱ ma̱ slo ngu' tisiya; quiji'i̱ ngu' bi' ji'i̱ ma̱, masi ca ne' laa ji'i̱ ngu'. Nga'a̱ cha' tsatu̱ ma̱ slo ngu' gobierno, slo ngu' nu laca loo; cuentya jna' cacha' ma̱ lcaa cha' tso'o jna' ji'i̱ ngu' bi'.

SAN MATEO 24:20

Tso'o si jña ma̱ cha' ji'i̱ ycui' Ndyosi cha' ná ntsu'u cha' xna ma̱ lo'o caca tyempo tlya', cha' ná ntsu'u cha' xna ma̱ tsa̱ ta'a nu ndi'i̱ cña' ngu'.

APOCALIPSIS 7:14

―Ná jlo ti' na', Cusu'. Culu'u nu'u̱ xi jna' ―ni na' ji'i̱. Nchcui' nu cusu' lo'o na' li': ―Cua nteje tacui ca ti cha' lye tsa nchcube' ñati̱ bi', xqui'ya cha' ngusñi ngu' cha' ji'i̱ Jesús ―nacui̱ nu cusu' jna'―. Cua laca lacu' ngu' late' ngati̱; cua ngua lubii ne' cresiya ji'i̱ ngu' laca cha' bi', xqui'ya cha' cua ngujuii nu ñi'ya̱ ña'a̱ xlya' bi' lo crusi cuentya ji'i̱ ngu'.

APOCALIPSIS 16:18

Li' lye tsa ndyubi, lye tsa nguañi tyucui ña'a̱ lo tyujo'o, lye tsa nchcui' tyi'yu, lye tsa ngulacui̱ chalyuu; bilya clyacui̱ chalyuu jua'a̱ tya lo'o ngüiñá Ni ji'i̱ ñati̱ chalyuu. Tlyu tsa cha' ngua.