SAN MATEO 24:15 - Chatino Tataltepec

¹⁵ ’Jyo'o Daniel nu ngua tu'ba ji'i̱ ycui' Ndyosi cua sa'ni ni, cua nchcui' yu cuentya ji'i̱ sca na nu suba' tsa, nu cua'ni ñu'u̱ ji'i̱ lcaa na lubii. (Caca cuayá' ti' cu'ma̱ ji'i̱ cha' bi' nu lo'o chcui' ma̱ lo quityi re.) Nu lo'o ña'a̱ ma̱ cha' ndu̱ na suba' bi' ca su tacati tsa ne' laa tonu bi' ―nacui̱ Jesús―,

SAN MATEO 24:15 Referans Kwoze

SAN MARCOS 13:14

’Cua nscua lo quityi ji'i̱ jyo'o cusu' Daniel nu ngua tu'ba ji'i̱ ycui' Ndyosi nu ngua sa'ni, cha' ca tiya' la ña'a̱ ma̱ cha' tyu̱ sca na nu suba' tsa, nu cua'ni ñu'u̱ ji'i̱ lcaa na lubii―. (Caca cuayá' ti' ma̱ cha' bi' nu lo'o chcui' ma̱ lo quityi re.) ―Nu lo'o ña'a̱ ma̱ cha' ndu̱ na suba' bi' ca ne' laa tonu su ná ntsu'u chacuayá' tyu̱ ―nacui̱ Jesús―, li' tso'o la si xna lcaa ma̱ nu ndi'i̱ ma̱ nde loyuu su cuentya Judea, xna ma̱ cha' tyu'u cuatsi' ma̱ laja ca'ya.

SAN LUCAS 21:20

’Pana nu lo'o ña'a̱ ma̱ cha' nsu'ba lo'o ngu' cusu̱u̱ tyi'i̱ ca to' quichi̱ Jerusalén re, li' ca cuayá' ti' ma̱ cha' cua tye ti cha' ji'i̱ quichi̱ tyi ma̱ re.

APOCALIPSIS 1:3

Tso'o tsa caca tyiquee ma̱, ñati̱ nu chcui' lo quityi re, jua'a̱ cu'ma̱ lo'o cuna ma̱ cha' nu nchcui' quityi re, lcaa ña'a̱ cha' nu cua lijya̱ ti cha' caca nde chalyuu; nu lo'o taquiya' na ji'i̱ lcaa cha' nu nscua re, tso'o tsa caca tyiquee na li'. Lo'o jua'a̱ cua ngulala ti caca cha' nu nscua re.

SAN LUCAS 19:43

Pana tyalaa sca tsa̱ cuxi ji'i̱ ma̱. Lo'o li' cuiñá ngu' tya'a cusu̱u̱ ma̱ ngutu yuu tyucui ña'a̱ to' quichi̱. Li' su'ba lo'o ngu' bi' tyucui ña'a̱ to' quichi̱.

HEBREOS 2:1

Tlyu tsa cha' laca ji'i̱ Jesús juani lacua, bi' cha' nga'a̱ cha' xñi tso'o na lcaa cha' nu cua nchcui' Jesús lo'o na, cha' ná tyu'utsu' na ji'i̱ tyucui̱i̱ liñi nu ngusñi na.

LOS HECHOS 6:13

Lo'o jua'a̱ ndacua nga'a̱ ngu' nu nchcui' cha' cuiñi bi': ―Lcaa tsa̱ chiya'a̱ nchcui' nu qui'yu re ―nacui̱ ngu' cuiñi bi'―. Nchcui' ca'a̱ yu ji'i̱ laa tonu re, lo'o jua'a̱ nchcui' ca'a̱ yu ji'i̱ quityi nu nscua cña lo, la cui' cña nu ngulo ycui' Ndyosi ji'na ―nacui̱.

APOCALIPSIS 3:22

Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱.” Cua ndye cha' nu nda Jesús ndyaa slo taju ñati̱ ji'i̱ Ni scaa quichi̱.

LOS HECHOS 21:28

Ngusi'ya ngu' judío bi' ji'i̱ ngu' quichi̱ li': ―Cu'ma̱ ngu' Israel tya'a na ―nacui̱ ngu'―, xtyucua ma̱ ji'i̱ ya ―nacui̱ ngu'―. Cua ngulu'u nu qui'yu re ji'i̱ ngu' lcaa quichi̱ su nguta'a̱ yu cha' ná tso'o na nu laca na ngu' judío; ná tso'o cha' cua'ni tlyu na ji'i̱ cha' nu nguscua jyo'o Moisés, lo'o jua'a̱ ná tso'o laa tlyu re, nacui̱ yu re. Lo'o chaca cha' ni, cua ndyaa lo'o yu re ji'i̱ ngu' xa' tsu' ne' laa tlyu re cha' cua'ni ñu'u̱ ngu' ji'i̱ laa su ndu'ni tlyu na ji'i̱ ycui' Ndyosi.

SAN JUAN 11:48

Lo'o ta na chacuayá' ji'i̱ yu cha' tya cua'ni la yu jua'a̱, li' xñi lcaa ngu' quichi̱ cha' ji'i̱ yu. Li' ca̱a̱ ngu' romano cha' cuityi̱ ngu' laa tlyu ji'na, culo'o ngu' ji'i̱ ñati̱ tya'a na su ndi'i̱ ngu' ―nacui̱ ngu'.

SAN MATEO 24:16

li' ca cuayá' ti' ma̱ cha' tso'o la si xna lcaa ma̱ nu ndi'i̱ ma̱ nde loyuu su cuentya Judea, xna ma cha' tyu'u cuatsi' ma̱ laja ca'ya.