SAN MATEO 23:9 - Chatino Tataltepec

⁹ Lo'o jua'a̱ ná nga'a̱ cha' ñacui̱ ma̱ cha' sti ma̱ laca sca ñati̱ chalyuu ti, cha' sca ti ycui' Ndyosi nu ntucua nde cua̱, bi' laca Sti ma̱.

SAN MATEO 23:9 Referans Kwoze

1 JUAN 3:1

Tlyu tsa cha' tso'o laca cha' ntsu'u tsa tyiquee ycui' Ndyosi Sti na ña'a̱ Ni ji'i̱ ca ta'a ngu' tya'a ntsu'u cha' ji'na lo'o Jesucristo; bi' cha' laca cha' nchcui' ycui' Ndyosi ji'na cha' sñi' ycui' Ni laca na, lo'o jua'a̱ chañi laca cha' bi'. Ná ntaja'a̱ ñati̱ chalyuu tyuloo ji'na cha' sñi' Ni laca na; la cui' jua'a̱ lo'o nguti'i̱ Jesucristo chalyuu, ná ntaja'a̱ ngu' tyuloo ngu' ji'i̱ yu li'.

HEBREOS 12:9

Nde chalyuu nchcube' sti na ji'na, bi' cha' ndaquiya' na ji'i̱ cha' nu nchcui' ngu' cusu' ji'na lo'o na. ¿Ha ná tso'o si ta na chacuayá' cha' xcube' ycui' Ndyosi Sti na ji'na, cha' tso'o la tyi'i̱ tyiquee na nde loo la lacua?

SAN MATEO 7:11

Bi' cha' lacua, si jlo ti' ma̱ ñi'ya̱ ta ma̱ na tso'o ji'i̱ sñi' ma̱, masi cuxi ntsu'u cha' tyiquee ma̱, la cui' jua'a̱ caca cuayá' ti' ma̱ cha' jlo la ti' ycui' Ndyosi Sti na nu ntucua nde cua̱ ñi'ya̱ nu ta Ni na tso'o ji'i̱ ngu' nu ndijña ji'i̱ Ni.

1 CORINTIOS 4:15

Ntsu'u tsa ngu' tya'a ntsu'u cha' ji'na lo'o Cristo nu taca xtyucua ngu' ji'i̱ ma̱, pana sca ti na' ndu'ni na' ñi'ya̱ nu ndu'ni sti ma̱, cha' ndye ndacha' na' cha' tso'o nu cua nda Jesucristo lo'o na ji'i̱ ma̱; xqui'ya na' ngusñi ma̱ cha' ji'i̱ Jesús.

2 CORINTIOS 6:18

caca na' Sti ma̱; jua'a̱ cu'ma̱ caca ma̱ sñi' na', masi nu cuna'a̱, masi nu qui'yu. Jua'a̱ nacui̱ ycui' Ndyosi nu Xu'na ma̱, nu lcaa tsiya' ti cña nchca ji'i̱ Ni.

LOS HECHOS 22:1

―Cu'ma̱ ngu' cusu', ngu' tya'a na' ―nacui̱ Pablo ji'i̱ ngu'―, cua'a̱ jyaca̱ ma̱ ji'i̱ cha' nu chcui' na' lo'o ma̱ ―nacui̱―, si caca cua'ni lyaá na' ji'i̱ ycui' ca na' lo'o chcui' na' lo'o ma̱.

SAN MATEO 6:32

Jua'a̱ nclacua ti' ñati̱ nu ná ntsu'u cha' ji'i̱ lo'o ycui' Ndyosi tsiya' ti. Pana jlo ti' ycui' Ndyosi Sti na nu ntucua nde cua̱ cha' lyiji cha' bi' ji'i̱ ma̱,

SAN MATEO 23:10

Lo'o jua'a̱ ná ta ma̱ chacuayá' ji'i̱ ñati̱ cha' chcui' ngu' ji'i̱ ma̱ cha' xu'na ngu' laca ma̱, cha' sca ti Cristo laca Xu'na ma̱ nu chañi ca.