SAN MATEO 23:8 - Chatino Tataltepec

⁸ ’Pana cu'ma̱ ni, ná tso'o si ñacui̱ ngu' ji'i̱ ma̱ cha' mstru laca ma̱; tso'o la si sca ti cha' ntsu'u tyiquee ma̱ lo'o tya'a ma̱, cha' sca ti mstru ntsu'u ji'i̱ ma̱, bi' laca Cristo.

SAN MATEO 23:8 Referans Kwoze

SANTIAGO 3:1

Cu'ma̱ tya'a ngusñi na cha' ji'i̱ Cristo, ná tso'o si tyu̱u̱ tsa tya'a ma̱ culu'u ma̱ ji'i̱ tya'a ñati̱ ma̱; cuayá' xti ti na caca na mstru nu culu'u cha' ji'i̱ ycui' Ndyosi ji'i̱ ngu' tya'a na. Cua jlo ti' ma̱ cha' lye tsa ndi'i̱ loo ngu' ña'a̱ ngu' ji'na, bi' cha' yala tsa chcui' ngu' ji'na si xñi na cña cha' culu'u na ji'i̱ ngu' tya'a na.

1 PEDRO 5:3

Ná laca ma̱ xu'na ngu' tya'a ma̱, bi' cha' tso'o ti cua'ni ma̱ slo ngu', cha' taca ca cuayá' ti' xa' la ngu' tya'a ma̱ ñi'ya̱ nu ntsu'u cha' cua'ni ngu'.

SAN LUCAS 22:32

Pana cua ngüijña na' ji'i̱ ycui' Ndyosi Sti na' cha' jinu'u̱ Pedro, cha' ná tye cha' jlya ti' nu'u̱ 'na. Lo'o cua nteje tacui cha' cuxi bi' hi̱, nu lo'o xa' chcui' nu'u̱ cha' 'na, li' taca xtyucua nu'u̱ ji'i̱ xa' la tya'a ma̱ cha' tso'o la xñi ngu' cha' 'na.

SAN MATEO 23:10

Lo'o jua'a̱ ná ta ma̱ chacuayá' ji'i̱ ñati̱ cha' chcui' ngu' ji'i̱ ma̱ cha' xu'na ngu' laca ma̱, cha' sca ti Cristo laca Xu'na ma̱ nu chañi ca.

SAN MATEO 17:5

Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.

APOCALIPSIS 1:9

Juan laca na', tya'a ntsu'u cha' ji'na lo'o Jesús laca na'. Ñi'ya̱ nu ndyaca ji'i̱ cu'ma̱, la cui' jua'a̱ ndyaca jna', cha' stu'ba ti ndyiji cha' ti'í ji'na cuentya ji'i̱ Jesús; pana jlya ti' na cha' Cristo laca loo ji'na juani, bi' cha' ndalo na ji'i̱ cha' ti'í nu tyacua ji'na. Nde cha' nu ngua 'na lo'o ndi'i̱ na' loyuu su naa Patmos, sca yuu piti ti nu nscua cla'be hitya. Ca bi' ntsu'u na' ne' chcua̱, xqui'ya cha' ná ntsi̱i̱ na' nchcui' na' cha' ji'i̱ ycui' Ndyosi lo'o ñati̱; nchcui' na' lcaa cha' tso'o nu cua nda Jesús lo'o na.

APOCALIPSIS 22:9

Hora ti nchcui' yu lo'o na' li': ―Ná cua'ni nu'u̱ jua'a̱. Lo'o na', tya'a ndyu'ni na cña ji'i̱ ycui' Ni laca na'; stu'ba ntsu'u cha' 'na lo'o jyo'o ñati̱ tya'a ma̱ nu ngua tu'ba ji'i̱ ycui' Ni nde chalyuu, jua'a̱ tya'a na' lo'o cua ña'a̱ ca ñati̱ nu taquiya' ji'i̱ cha' nu nscua lo quityi re. Sca ti ycui' Ndyosi laca nu nga'a̱ cha' cua'ni tlyu na ji'i̱.

APOCALIPSIS 19:10

Li' ngutu̱ sti̱' na' ngustii na' nde loo su ndu̱ xca̱ bi', cha' cua'ni tlyu na' ji'i̱ ngua ti' na', pana nga'aa nda bi' chacuayá' 'na: ―Nga'aa cua'ni nu'u̱ jua'a̱ lo'o na' ―nacui̱ nu xca̱ bi' 'na―. La cui' tya'a ndyu'ni na cña ji'i̱ ycui' Ni laca na. La cui' tya'a na' laca lcaa cu'ma̱ nu ngusñi tso'o ma̱ cha' tso'o nu cua nda Jesús lo'o ma̱. Ji'i̱ ycui' Ndyosi cua'ni tlyu nu'u̱ tso'o la ―nacui̱ xca̱ jna'. Nu cha' tso'o nu nda Jesús lo'o ñati̱, la cui' cha' laca nu nda ycui' Ndyosi lo'o ñati̱ nu laca tu'ba ji'i̱ Ni.

EFESIOS 3:15

Lcaa na lo'o tya'a na ndyu'u tsa na ji'i̱ ycui' Ndyosi ni, cha' ngüiñá Ni lcaa lo ñati̱, masi nde cua̱, masi nde loyuu chalyuu. Lo'o jua'a̱ nda Ni xtañi lcaa na.

2 CORINTIOS 4:5

Nu cha' nu nda ya lo'o ngu' ni, si'i cha' ji'i̱ ycui' ca ya nchcui' ya. Ndi'ya̱ laca cha' nu nchcui' ya lo'o ngu': Jesucristo laca Xu'na tyucui ña'a̱ nde cua̱, lo'o la cui' Ni laca Ni loo ji'i̱ tyucui ña'a̱ nde chalyuu. Bi' cha' ñacui̱ ya cha' xqui'ya Jesús nu Xu'na na ndyu'ni ya cña cuentya ji'i̱ ma̱.

2 CORINTIOS 1:24

Pana tso'o la masi si'i xqui'ya cuare ti taquiya' ma̱ cha' ji'i̱ ycui' Ndyosi, cha' ne' tyiquee ycui' ca ma̱ cua ngusñi tso'o ma̱ cha' ji'i̱ Jesús. Na cua nti' ya xtyucua ya ji'i̱ ma̱ cha' ca chaa la ti' ma̱ laja lo'o ndyu'ni tlyu ycui' ca ma̱ ji'i̱ Jesús.

SAN MATEO 26:49

bi' cha' ndyaa Judas bi' ca su ndu̱ Jesús cha' chcuicha' ji'i̱ yu. ―Nde ti ndu̱ nu'u̱, mstru ―nacui̱ Judas bi' ji'i̱ Jesús. Li' ndyacu Judas saca' Jesús.

SAN MATEO 10:25

Sca ti cuayá' cha' ti'í caca ji'i̱ ngu' cuañi' bi' li', ñi'ya̱ nu ndyaca ji'i̱ mstru ji'i̱ ngu'; sca ti cuayá' cña ti'i̱ caca ji'i̱ msu bi' li', ñi'ya̱ nu ndyaca ji'i̱ xu'na ngu'. Bi' cha' taca ca cuayá' ti' ma̱ cha' ti'í tsa chcui' ngu' ji'i̱ ma̱ nu ntsu'u cha' ji'i̱ ma̱ lo'o na', cha' laca̱ nu Xu'na ma̱; cua nchcui' ngu' cha' Beelzebú nu xu'na cuiñaja laca na'.

SAN MATEO 23:7

La cui' jua'a̱, si tyacua tya'a ñati̱ lo'o ngu' bi' nde calle, lo'o chcui' ñati̱ bi' lo'o ngu', na cua'ni chi̱ ñati̱ loo nti' ngu' fariseo bi'; jua'a̱ cua nti' ngu' cha' ñacui̱ ñati̱ ji'i̱, cha' mstru laca ngu'. Jua'a̱ nti' ngu' bi'.

SAN MATEO 26:25

Lo'o Judas nu ngua'ni cha' cuxi bi', lo'o yu bi' nchcuane yu ji'i̱ Jesús li': ―Mstru ―nacui̱ Judas bi' ji'i̱ Jesús―, ¿ha na' laca̱ nu ta̱ jinu'u̱ ya' ngu' xña'a̱? ―La cui' nu'u̱ ―nacui̱ Jesús ji'i̱ Judas li'.

SAN MARCOS 9:5

Li' nchcui' Pedro lo'o Jesús: ―Mstru ―nacui̱―, tso'o tsa cha' ndi'i̱ ya ca nde lo'o nu'u̱. Ta nu'u̱ chacuayá' cuiñá ya sna tya'a chcua'ya, tsaca laca su tyi'i̱ ycui' nu'u̱, chaca su tyi'i̱ La Moisés, chaca su tyi'i̱ La Elías ―nacui̱ Pedro ji'i̱ Jesús.

SAN MARCOS 10:51

Li' nchcui' Jesús lo'o nu quicha bi': ―¿Na laca nti' nu'u̱ cha' cua'ni na' lo'o nu'u̱? ―nacui̱ yu ji'i̱. ―Mstru ―nacui̱ nu cuityi̱'―, cua'ni nu'u̱ jo'o 'na, cha' xa' tyaca̱' tso'o xee cloo na' ña'a̱ na' chaca quiya' ―nacui̱ ji'i̱ Jesús.

SAN MARCOS 11:21

Li' ntsu'u ti' Pedro cha' nu nchcui' Jesús ji'i̱ yaca bi' tya la caa. ―Mstru, ña'a̱ xi ca nde ña'a̱ ―nacui̱ Pedro ji'i̱ Jesús―. Cua ngüityi yaca quityi nu ngusta nu'u̱ yabe' ji'i̱.

SAN MARCOS 14:45

Bi' cha' lijya̱ Judas bi' juani, ndyaa ca su ndu̱ Jesús cha' chcuicha' ji'i̱ yu. ―Nde ti ndu̱ nu'u̱, mstru ―nacui̱ Judas. Ndyacu Judas saca' Jesús li'.

SAN JUAN 1:38

Nguxtyacui Jesús tyucui̱i̱ su ya̱a̱, na'a̱ yu cha' lca'a̱ ngu' bi' ji'i̱. Li' nchcuane Jesús ji'i̱ ngu': ―¿Na laca tsaana cu'ma̱? ―Mstru ―nacui̱ ngu' ji'i̱ Jesús―, ¿macala ndi'i̱ nu'u̱? ―Ca̱a̱ na'a̱ ma̱ xi 'na ―nacui̱ Jesús li'.

SAN JUAN 1:49

―Mstru ―nacui̱ Natanael―, chañi cha' nu'u̱ laca nu sca ti Sñi' ycui' Ndyosi, nu'u̱ laca Rey nu laca loo ji'i̱ ngu' Israel.

SAN JUAN 3:2

Ndyaa nu cusu' bi' sca talya su nga'a̱ Jesús: ―Mstru Jesús ―nacui̱―, jlo ti' ngu' cha' nu'u̱ laca sca mstru nu nda ycui' Ndyosi ji'i̱ lijya̱ chalyuu, cha' ná ngua jinu'u̱ cua'ni ni sca cha' tlyu si ná nxtyucua ycui' Ndyosi jinu'u̱. Ná nchca ji'i̱ ñati̱ chalyuu cua'ni ngu' jua'a̱ ―nacui̱ Nicodemo ji'i̱ Jesús.

SAN JUAN 3:26

Bi' cha' ya̱a̱ ngu' slo Juan cha' chcui' ngu' lo'o: ―Mstru ―nacui̱ ngu'―, nu ñati̱ nu ya̱a̱ slo nu'u̱ nde chaca tsu' sta'a̱ Jordán tya tsubi' la, la cui' nu nacui̱ nu'u̱ cha' loo la laca ycui' yu, cua ndyalaa yu bi' ntyucuatya yu ji'i̱ ñati̱ nde tsu' re juani. Ndya'a̱ tsa ngu' slo.

SAN JUAN 4:31

Laja li' ndu̱ ñati̱ nu ndyaca tsa'a̱ ji'i̱, tya'na nchcui' ngu' lo'o Jesús cha' cacu yu xi tyaja. ―Mstru ―nacui̱ ngu'―, cacu nu'u̱ xi.

SAN JUAN 6:25

Ca chaca tsu' bi' njyacua ngu' ji'i̱ Jesús. Lo'o ti nchcuane ngu' ji'i̱ yu li': ―Mstru ―nacui̱ ngu'―, ¿ni hora ngutu'u nu'u̱ lijya̱ ti nde?

SAN JUAN 9:2

Li' nchcuane nu ngu' nu ndyaca tsa'a̱ bi' ji'i̱ Jesús: ―Mstru ―nacui̱ ngu'―, ¿tilaca ntsu'u qui'ya ji'i̱ cha' cuityi̱' cloo yu cua lo'o ngula yu? ¿Ha ycui' yu? ¿Ha ngu' cusu' ji'i̱ yu ndacui qui'ya ji'i̱?

SAN JUAN 11:8

Li' nguxacui̱ ngu' bi' cha' ji'i̱: ―Mstru ―nacui̱ ngu'―, ná sa'ni ngua bi' lo'o ngua ti' ngu' judío bi' cu̱ ngu' quee jinu'u̱ cha' cujuii ngu' jinu'u̱, ngua ti' ngu'. ¿Ha cua tsaa ti nu'u̱ nde jua chaca quiya'? ―nacui̱ ngu'.

SAN JUAN 20:16

―¡María! ―nacui̱ Jesús ji'i̱ li'. Lo'o li' nguxtyacui María na'a̱ su ndu̱ Jesús. ―¡Raboni! ―nacui̱. (Sca cha' hebreo laca; La Mstru 'na, jua'a̱ nti' ñacui̱ cha' bi'.)

FILEMÓN 1:16

Nga'aa si'i msu jua'a̱ ti caca yu juani, tya'a na laca yu; tya'a na' laca yu nu tso'o tsa ntsu'u tyiquee na' ña'a̱ na' ji'i̱. Lo'o jua'a̱ tya'a nu'u̱ nu tso'o la laca yu juani; msu tso'o jinu'u̱ caca yu juani, cha' la cui' tya'a ñati̱ ji'i̱ Jesucristo laca ma̱.