SAN MATEO 23:7 - Chatino Tataltepec

⁷ La cui' jua'a̱, si tyacua tya'a ñati̱ lo'o ngu' bi' nde calle, lo'o chcui' ñati̱ bi' lo'o ngu', na cua'ni chi̱ ñati̱ loo nti' ngu' fariseo bi'; jua'a̱ cua nti' ngu' cha' ñacui̱ ñati̱ ji'i̱, cha' mstru laca ngu'. Jua'a̱ nti' ngu' bi'.

SAN MATEO 23:7 Referans Kwoze

SAN JUAN 1:38

Nguxtyacui Jesús tyucui̱i̱ su ya̱a̱, na'a̱ yu cha' lca'a̱ ngu' bi' ji'i̱. Li' nchcuane Jesús ji'i̱ ngu': ―¿Na laca tsaana cu'ma̱? ―Mstru ―nacui̱ ngu' ji'i̱ Jesús―, ¿macala ndi'i̱ nu'u̱? ―Ca̱a̱ na'a̱ ma̱ xi 'na ―nacui̱ Jesús li'.

SAN JUAN 1:49

―Mstru ―nacui̱ Natanael―, chañi cha' nu'u̱ laca nu sca ti Sñi' ycui' Ndyosi, nu'u̱ laca Rey nu laca loo ji'i̱ ngu' Israel.

SAN JUAN 20:16

―¡María! ―nacui̱ Jesús ji'i̱ li'. Lo'o li' nguxtyacui María na'a̱ su ndu̱ Jesús. ―¡Raboni! ―nacui̱. (Sca cha' hebreo laca; La Mstru 'na, jua'a̱ nti' ñacui̱ cha' bi'.)

SAN JUAN 6:25

Ca chaca tsu' bi' njyacua ngu' ji'i̱ Jesús. Lo'o ti nchcuane ngu' ji'i̱ yu li': ―Mstru ―nacui̱ ngu'―, ¿ni hora ngutu'u nu'u̱ lijya̱ ti nde?

SAN JUAN 3:26

Bi' cha' ya̱a̱ ngu' slo Juan cha' chcui' ngu' lo'o: ―Mstru ―nacui̱ ngu'―, nu ñati̱ nu ya̱a̱ slo nu'u̱ nde chaca tsu' sta'a̱ Jordán tya tsubi' la, la cui' nu nacui̱ nu'u̱ cha' loo la laca ycui' yu, cua ndyalaa yu bi' ntyucuatya yu ji'i̱ ñati̱ nde tsu' re juani. Ndya'a̱ tsa ngu' slo.

SAN JUAN 3:2

Ndyaa nu cusu' bi' sca talya su nga'a̱ Jesús: ―Mstru Jesús ―nacui̱―, jlo ti' ngu' cha' nu'u̱ laca sca mstru nu nda ycui' Ndyosi ji'i̱ lijya̱ chalyuu, cha' ná ngua jinu'u̱ cua'ni ni sca cha' tlyu si ná nxtyucua ycui' Ndyosi jinu'u̱. Ná nchca ji'i̱ ñati̱ chalyuu cua'ni ngu' jua'a̱ ―nacui̱ Nicodemo ji'i̱ Jesús.

SAN MARCOS 10:51

Li' nchcui' Jesús lo'o nu quicha bi': ―¿Na laca nti' nu'u̱ cha' cua'ni na' lo'o nu'u̱? ―nacui̱ yu ji'i̱. ―Mstru ―nacui̱ nu cuityi̱'―, cua'ni nu'u̱ jo'o 'na, cha' xa' tyaca̱' tso'o xee cloo na' ña'a̱ na' chaca quiya' ―nacui̱ ji'i̱ Jesús.

SAN MARCOS 9:5

Li' nchcui' Pedro lo'o Jesús: ―Mstru ―nacui̱―, tso'o tsa cha' ndi'i̱ ya ca nde lo'o nu'u̱. Ta nu'u̱ chacuayá' cuiñá ya sna tya'a chcua'ya, tsaca laca su tyi'i̱ ycui' nu'u̱, chaca su tyi'i̱ La Moisés, chaca su tyi'i̱ La Elías ―nacui̱ Pedro ji'i̱ Jesús.

SAN MATEO 23:8

’Pana cu'ma̱ ni, ná tso'o si ñacui̱ ngu' ji'i̱ ma̱ cha' mstru laca ma̱; tso'o la si sca ti cha' ntsu'u tyiquee ma̱ lo'o tya'a ma̱, cha' sca ti mstru ntsu'u ji'i̱ ma̱, bi' laca Cristo.

SAN MATEO 11:16

’Ná tso'o tsiya' ti ñi'ya̱ nu ndu'ni ñati̱ chalyuu tyempo juani. Ndu'ni ngu' ñi'ya̱ si laca ngu' nu sube nu ndya'a̱ ndijya ti cla'be quichi̱, nu taja ti' ji'i̱ tya'a ndijya ngu' cha' ná nti' ngu' quijya ngu' lo'o tya'a ngu'. Bi' cha' nxi'ya ngu' ji'i̱ tya'a ngu':

SAN MATEO 26:25

Lo'o Judas nu ngua'ni cha' cuxi bi', lo'o yu bi' nchcuane yu ji'i̱ Jesús li': ―Mstru ―nacui̱ Judas bi' ji'i̱ Jesús―, ¿ha na' laca̱ nu ta̱ jinu'u̱ ya' ngu' xña'a̱? ―La cui' nu'u̱ ―nacui̱ Jesús ji'i̱ Judas li'.

SAN MATEO 26:49

bi' cha' ndyaa Judas bi' ca su ndu̱ Jesús cha' chcuicha' ji'i̱ yu. ―Nde ti ndu̱ nu'u̱, mstru ―nacui̱ Judas bi' ji'i̱ Jesús. Li' ndyacu Judas saca' Jesús.

SAN MARCOS 11:21

Li' ntsu'u ti' Pedro cha' nu nchcui' Jesús ji'i̱ yaca bi' tya la caa. ―Mstru, ña'a̱ xi ca nde ña'a̱ ―nacui̱ Pedro ji'i̱ Jesús―. Cua ngüityi yaca quityi nu ngusta nu'u̱ yabe' ji'i̱.

SAN MARCOS 12:38

Lo'o li' tya nclyu'u la Jesús ji'i̱ ngu': ―Tii ti ti' ma̱ cha' ná cñilo'o mstru cha' jo'ó ji'i̱ ma̱. Ndiya tsa ti' ngu' bi', cha' tyiji̱loo ngu' ji'i̱ xa' la ñati̱ ―nacui̱ Jesús―. Lacu' ngu' bi' late' tso'o ña'a̱ nu tyucui̱ cu', cha' lye tsa cua'ni chi̱ xa' ñati̱ loo ngu' bi' lo'o ndya'a̱ ngu' lcaya'.

SAN MARCOS 14:45

Bi' cha' lijya̱ Judas bi' juani, ndyaa ca su ndu̱ Jesús cha' chcuicha' ji'i̱ yu. ―Nde ti ndu̱ nu'u̱, mstru ―nacui̱ Judas. Ndyacu Judas saca' Jesús li'.

SAN LUCAS 11:43

’Tya'na tsa cu'ma̱ ngu' fariseo. Ndiya tsa ti' ma̱ tyucua ma̱ lo bancu̱ su tso'o la ne' laa, jua'a̱ ndiya tsa ti' ma̱ cha' cua'ni chi̱ ngu' loo ma̱ lo'o ndu̱ ma̱ lcaya'.

SAN JUAN 4:31

Laja li' ndu̱ ñati̱ nu ndyaca tsa'a̱ ji'i̱, tya'na nchcui' ngu' lo'o Jesús cha' cacu yu xi tyaja. ―Mstru ―nacui̱ ngu'―, cacu nu'u̱ xi.

SAN JUAN 9:2

Li' nchcuane nu ngu' nu ndyaca tsa'a̱ bi' ji'i̱ Jesús: ―Mstru ―nacui̱ ngu'―, ¿tilaca ntsu'u qui'ya ji'i̱ cha' cuityi̱' cloo yu cua lo'o ngula yu? ¿Ha ycui' yu? ¿Ha ngu' cusu' ji'i̱ yu ndacui qui'ya ji'i̱?

SAN JUAN 11:8

Li' nguxacui̱ ngu' bi' cha' ji'i̱: ―Mstru ―nacui̱ ngu'―, ná sa'ni ngua bi' lo'o ngua ti' ngu' judío bi' cu̱ ngu' quee jinu'u̱ cha' cujuii ngu' jinu'u̱, ngua ti' ngu'. ¿Ha cua tsaa ti nu'u̱ nde jua chaca quiya'? ―nacui̱ ngu'.