SAN MATEO 23:38 - Chatino Tataltepec

³⁸ Bi' cha' xñi'i̱ ti tyanu quichi̱ tyi ma̱ juani.

SAN MATEO 23:38 Referans Kwoze

SAN LUCAS 13:35

Bi' cha' xñi'i̱ ti' tyanu quichi̱ tyi ma̱ juani. Nga'aa ña'a̱ ma̱ 'na ña'a̱ cuayá' nu tyalaa tyempo nu chcui' ma̱ cha' 'na: “Tso'o tsa ndyu'ni ycui' Ndyosi xqui'ya yu nu lijya̱ chacuayá' ji'i̱ ycui' nu Xu'na na”, ñacui̱ ma̱ li'.

SAN LUCAS 21:24

Ntsu'u ngu' nu cajaa laja cha' cusu̱u̱ bi', lo'o jua'a̱ ntsu'u xa' la ngu' nu tyaa ngu' preso lcaa lo yuu su cuentya ji'i̱ xa' nasiyu̱ tyijyu' la. Satá quiya' ngu' xa' tsu' bi' ji'i̱ quichi̱ Jerusalén re, ña'a̱ cuayá' nu tye tyempo nu ngujui chacuayá' ji'i̱ ngu' bi', cha' caca ngu' loo ca nde.

SAN LUCAS 21:20

’Pana nu lo'o ña'a̱ ma̱ cha' nsu'ba lo'o ngu' cusu̱u̱ tyi'i̱ ca to' quichi̱ Jerusalén re, li' ca cuayá' ti' ma̱ cha' cua tye ti cha' ji'i̱ quichi̱ tyi ma̱ re.

SAN LUCAS 21:6

―Tyalaa tsa̱ nu tye cha' ji'i̱ lcaa na nu ña'a̱ cu'ma̱ re juani cati̱, ña'a̱ cuayá' nu nga'aa tyanu ni sca quee nu xñi ca'a̱ chu̱' tya'a.

SAN MARCOS 13:14

’Cua nscua lo quityi ji'i̱ jyo'o cusu' Daniel nu ngua tu'ba ji'i̱ ycui' Ndyosi nu ngua sa'ni, cha' ca tiya' la ña'a̱ ma̱ cha' tyu̱ sca na nu suba' tsa, nu cua'ni ñu'u̱ ji'i̱ lcaa na lubii―. (Caca cuayá' ti' ma̱ cha' bi' nu lo'o chcui' ma̱ lo quityi re.) ―Nu lo'o ña'a̱ ma̱ cha' ndu̱ na suba' bi' ca ne' laa tonu su ná ntsu'u chacuayá' tyu̱ ―nacui̱ Jesús―, li' tso'o la si xna lcaa ma̱ nu ndi'i̱ ma̱ nde loyuu su cuentya Judea, xna ma̱ cha' tyu'u cuatsi' ma̱ laja ca'ya.

SAN MATEO 24:2

Li' nguxacui̱ Jesús cha' ji'i̱ ngu' bi': ―Ña'a̱ tso'o ma̱ ji'i̱ lcaa cha' nu ntsu'u ji'i̱ laa tonu re ―nacui̱ Jesús ji'i̱ ngu' bi'―. Cha' liñi nchcui' na' lo'o ma̱ juani, cha' tye laa re cati̱ ña'a̱ cuayá' ni sca quee nu ntsu'u sii' laa re, nga'aa tyanu bi' hichu̱' tya'a.